ថ្មីៗនេះ ក្រុមហ៊ុន Canon បានប្រកាសអំពីសេវាកម្មជាច្រើនរបស់ខ្លួននៅក្នុងព្រឹត្តិការណ៍ Asian Games 2018 លើកទី 18 ដែលធ្វើការរៀបចំដោយក្រុមប្រឹក្សា អូឡាំពិករបស់អាស៊ី (Olympic Council of Asia)។ ដើម្បីទទួលបាននូវការថតរូបភាពរបស់អត្តពលិកដ៏ល្អស្រស់ស្អាតបំផុតនោះ សេវាកម្ម Canon Professional Services Depot ក៏ធ្វើការដាក់ពង្រាយនៅក្នុងមជ្ឈមណ្ឌលសន្និបាទនៅក្នុងទីក្រុងហ្សាកាតា (Jakarta Convention Center) ជាមួយនឹងការទ្រទ្រង់ទៅលើផ្នែកបច្ចេក ទេស និងការថែទាំទៅលើឧបករណ៍ជាច្រើនទៀតសម្រាប់ធ្វើការថតរូបភាពដែលមានការប្រកួតដណ្តើមពានរង្វាន់មេដាយដល់ទៅ 462 មេដាយក្នុង 47 វិញ្ញាសារនោះ។
Canon គឺជាក្រុមហ៊ុនធំតែមួយគត់ ដែលតែងតែមានវត្តមាននៅក្នុងព្រឹត្តិការណ៍កីឡាធំៗលក្ខណៈអន្តរជាតិចាប់ពីកីឡាអូឡាំពិក Olympics រហូតដល់ការប្រកួតហ្គេមនៅអាស៊ីអាគ្នេយ៍ Southeast Asian Games។ សម្រាប់ការប្រកួតហ្គេមនៅឆ្នាំនេះសម្រាប់ព្រឹត្តិការណ៍ 18th Asian Games នឹងចាប់ផ្តើមពីថ្ងៃទី 18 ខែសីហាដល់ថ្ងៃទី 2 ខែកញ្ញានៅក្នុងទីក្រុងហ្សាកាតា និងទីក្រុង Palembang នៃប្រទេសឥណ្ឌូនេស៊ីនោះ។ អ្នកថតរូបប្រមាណជា 1,500 មកពីពិភពលោក នឹងមានវត្តមាននៅក្នុងព្រឹត្តិការណ៍ 18th Asian Games នេះផងដែរ។
នៅក្នុងស្តង់ Canon Professional Services នឹងគ្រប់គ្រងដោយអ្នកជំនាញក្នុងតំបន់ និងអ្នកជំនាញផ្នែកបច្ចេកទេសដែលនឹងធ្វើការផ្តល់នូវសេវាកម្មជាច្រើននៅក្នុង 10 ភាសាផ្សេងគ្នាគឺ៖ អង់គ្លេស ចិន Bahasa Indonesia, Bahasa Melayu ជប៉ុន កូរ៉េ ថៃ វៀតណាម Cantonese និង Tagalog ។ ដើម្បីធ្វើការធានាទៅលើអ្នកថតរូបជំនាញនេះ សម្រាប់ធ្វើការរៀបចំក្នុងការផ្តិតរូបភាពសម្រាប់ការប្រកួត 18th Asian Games នេះ ក្រុមហ៊ុន Canon ក៏ផ្តល់នូវការថែទាំទៅលើឧបករណ៍ដូចជាការត្រួតពិនិត្យទៅលើមុខងារប្រើប្រាស់នៃឧបករណ៍ និងការសម្អាតនៅខាងក្រៅ ការអាប់ឌែតទៅលើ Firmware រួមទាំងការផ្តល់នូវព័ត៌មានបច្ចេកទេសសម្រាប់ឧបករណ៍នេះផងដែរ។
នៅក្នុងនាមជាអ្នកឧបត្ថម្ភនៅក្នុងព្រឹត្តិការណ៍ 18th Asian Games នេះ ក្រុមហ៊ុន Canon ក៏បានផ្តល់នូវការគ្រប់គ្រងទៅលើព្រឹត្តិការណ៍នេះ ជាមួយនឹងការទ្រទ្រង់ជាមួយនឹងផលិតផល និងសេវាកម្មជាច្រើនដូចជាកាមេរ៉ា លេន កាមេរ៉ាថតវីដេអូ ឧបករណ៍សម្រាប់ផ្សាយផ្ទាល់ ឧបករណ៍ពហុមុខងារ និងម៉ាស៊ីនព្រីនផងដែរ៕
