ថ្ងៃនេះ ស្មាតហ្វូនស៊េរីថ្មី Samsung Galaxy Note 9 បានបង្ហាញខ្លួននៅតៃវ៉ាន់ហើយ ជាមួយនឹងតម្លៃ $1,005។ នៅក្នុងកោះ តៃវ៉ាន់ ស្មាតហ្វូន Galaxy Note 9 អាចធ្វើការកម្មង់ទិញមុនបានរហូតដល់ថ្ងៃទី 20 ខែសីហា ហើយនឹងចាប់ផ្តើមដឹកជញ្ជូននៅថ្ងៃទី 24 ខែសីហា។ សម្រាប់ម៉ូដែលរ៉េមទំហំ 6GB មានតម្លៃ $1,005 និងរ៉េមទំហំ 8GB មានតម្លៃ $1,265។ ម៉ូដែលរ៉េមទំហំ 6GB មាន 3 ពណ៌សម្រាប់ធ្វើការជ្រើសរើស គឺពណ៌ Ocean Blue, Lavender Purple,និង Metallic Purple។ សម្រាប់រ៉េមទំហំ 8GB មានពណ៌ខៀវប៉ុណ្ណោះ។
Samsung Galaxy Note 9 មានអេក្រង់ទំហំ 6.4 អ៊ីង Super AMOLED ជាមួយនឹងកម្រិតសមាមាត្រ 18:9 aspect ratio។ ស្មាតហ្វូននេះ មានកម្រិតភាពច្បាស់ 1440x2960pixels និងបច្ចេកវិទ្យា HD10 និងការទ្រទ្រង់នូវមុខងារ Always On Display ផងដែរ។ អេក្រង់របស់ស្មាតហ្វូននេះ ក៏ការពារដោយកញ្ចក់ប្រភេទ Corning Gorilla Glass នៅផ្នែកខាងលើផងដែរ។ ស្មាតហ្វូននេះប្រើប្រាស់នូវបន្ទះឈីប Qualcomm‘s Snapdragon 845 octa-core processor ឬ Exynos 9810 chipset របស់ក្រុមហ៊ុនផ្អែកទៅលើប្រទេសដែលស្មាតហ្វូននេះដាក់លក់។ ស្មាតហ្វូនេះ មានពីរទំហំសម្រាប់ជ្រើសរើសគឺរ៉េមទំហំ 6GB/128GB និងរ៉េមទំហំ 8GB/512GB ។
បើនិយាយអំពីប្រព័ន្ធកាមេរ៉ាវិញនោះ ស្មាតហ្វូននេះមានកាមេរ៉ាភ្លោះទំហំ 12MP ភ្ជាប់ជាមួយនឹង f/2.4-f/1.5 និងមួយម៉ូដែលទៀត 12MP ភ្ជាប់ជាមួយនឹង f/2.4 aperture។ កាមេរ៉ាខាងមុខរបស់ស្មាតហ្វូននេះ មានទំហំ 8MP ភ្ជាប់ជាមួយនឹង f/1.7 aperture និង wide-angle lens ផងដែរ។ ស្មាតហ្វូននេះប្រើប្រាស់នូវ IP68 សម្រាប់ការពារការជ្រាបទឹក និងធូលី។ Samsung Galaxy Note 9 ប្រើប្រាស់នូវប្រព័ន្ធសំលេង stereo speakers របស់ក្រុមហ៊ុន AKG និង Dolby Atmos sound។ សម្រាប់ការតភ្ជាប់នៅលើស្មាតហ្វូននេះ មានដូចជា 4G VoLTE, Wi-Fi 802.11ac (2.4/5GHz), VHT80 MU-MIMO, Bluetooth 5 (LE up to 2Mbps), GPS with GLONASS, USB 3.1, NFC និង MST ។ ស្មាតហ្វូននេះ ដំណើរការនូវប្រព័ន្ធប្រតិបត្តិការ Android 8.1 Oreo operating system ភ្ជាប់ជាមួយនឹងមុខងារ Samsung Experience។ មានថាម ពលថ្ម 4,000mAh ដែលធំជាងស្មាតហ្វូន Galaxy note 8 ដល់ទៅ 20% ហើយវាក៏ទ្រទ្រង់នូវការបញ្ចូលថ្មតាមខ្សែ ឬតាម Wireless ផងដែរ។
បន្ថែមពីនេះទៀតនោះ ស្មាតហ្វូនSamsung Galaxy Note 9 ក៏មានការពង្រឹងទៅលើប៊ិច S Pen ដែលប្រើប្រាស់នូវប្រព័ន្ធ Bluetooth ដំបូងគេបំផុត។ វាក៏ប្រើប្រាស់សម្រាប់ធ្វើករបញ្ជាពីចម្ងាយជា Remote Controller បានចម្ងាយ 10 ម៉ែត្រជាមួយនឹងការប្រើប្រាស់បានរយៈពេល 30 នាទី និងអាចចុចបានដល់ទៅ 200 Clicks ផងដែរ។ S Pen នេះ អាចប្រើប្រាស់បានសម្រាប់ Short Press, Long Press និង Double Press ។ Samsung Galaxy Note 9 អាចធ្វើការបញ្ចូលថាមពលថ្មវិញត្រឹមតែ 40 វិនាទី ដោយគ្រាន់តែដោតចូលទៅក្នុងស្មាតហ្វូននេះ ជាការស្រេច៕