ថ្មីៗនេះ ក្រុមហ៊ុនប Nokia បានបង្ហាញនៅលើបណ្តាញសង្គម Twitter ថា នៅក្នុងព្រឹត្តិការណ៍ដែលធ្វើឡើងនៅថ្ងៃអង្គារ៍សប្តាហ៍ក្រោយនេះ ខ្លួននឹងធ្វើការប្រកាសចេញនូវស្មាតហ្វូនស៊េរីថ្មី ដែលអ្នកគាំទ្ររបស់ខ្លួនទន្ទឹងរង់ចាំមកជាយូរហើយនោះ។ ស្របពេលដែលលេចចេញព័ត៌មាននេះ យើងស្តាប់មើលទៅពិតជាគួរអោយសង្ស័យមែនទែននោះ យើងប្រាកដថា ស្មាតហ្វូនស៊េរីថ្មីនេះ គឺជាស្មាតហ្វូន Nokia 9 ជាក់ជាមិនខាន។ នៅពេលដែលក្រុមហ៊ុន Nokia បានបង្ហើបអំពីរឿងនេះនោះ ប្រិយមិត្តប្រាកដជាអាចដឹងថា ស្មាតហ្វូនស៊េរីថ្មីចុងក្រោយនេះ នឹងប្រើប្រាស់នូវបន្ទះឈីប Snapdragon 845 និងលក្ខណៈពិសេសជាច្រើនទៀត។
ពាក្យចចាមអារ៉ាមមួយចំនួន បានបញ្ជាក់ថា ស្មាតហ្វូននេះ នឹងប្រើប្រាស់នូវអេក្រង់ OLED Display ដែលមានគុណភាពមិនចាញ់ស្មាតហ្វូន Samsung galaxy S9 និង iPhone X នោះទេ ប៉ុន្តែតម្លៃរបស់វារឹតតែពិសេសថែមទៀត។ មុខងារពិសេសមួយទៀតនោះ គឺថាស្មាតហ្វូនស៊េរីថ្មីនេះ នឹងមានប្រព័ន្ធស្កេនក្រយ៉ៅដៃក្រោមអេក្រង់ in-display fingerprint sensor ផងដែរ។ គួរបញ្ជាក់ថា មុខងារនេះប្រើប្រាស់រួចមកហើយនៅលើស្មាតហ្វូនជាច្រើន។ ស្មាតហ្វូនស៊េរីថ្មីរបស់ក្រុមហ៊ុន Nokia នឹងប្រើប្រាស់នូវមុខងារពេញលេញនៃបច្ចេកវិទ្យាចុងក្រោយសម្រាប់ការប្រកួតប្រជែងនៅលើទីផ្សារ។ ភាពជោគជ័យធំមួយទៀតរបស់ស្មាតហ្វូននេះ គឺទាក់ទងជាមួយនឹងប្រព័ន្ធកាមេរ៉ារបស់វា។
នៅពេលដែលអតិថិជន ទិញស្មាតហ្វូនដែលមានតម្លៃថ្លៃប្រណិតនោះ ពួកគេរំពឹងថា កាមេរ៉ាខាងមុខគឺល្អបំផុតហើយនេះគឺជាអ្វីដែលក្រុមហ៊ុន Nokia នឹងផ្តល់អោយអ្នកប្រើប្រាស់។ តើស្មាតហ្វូននេះនឹងប្រើប្រាស់កាមេរ៉ា 2 គ្រាប់ ឬកាមេរ៉ា 3 គ្រាប់? យើងត្រូវធ្វើការរង់ចាំដល់ថ្ងៃអង្គារ៍សិនដោយសារតែស្មាតហ្វូន Nokia 9 នេះគឺមិនមានមានព័ត៌មានបែកធ្លាយនៅឡើយទេ។ ស្មាតហ្វូន Nokia 9 ដំណើរការនូវប្រព័ន្ធប្រតិបត្តិការ Android ហើយវាប្រហែលជាដំណើរការនូវប្រព័ន្ធប្រតិបត្តិការចុងក្រោយបង្អស់ Android 9 Pie ផងដែរ៕