បន្ថែមពីការនាំយកនូវអ្វីដែលកាន់តែអស្ចារ្យសម្រាប់អ្នកលេងហ្គេមនៅជុំវិញពិភពលោកនោះ ពេលនេះ ក្រុមហ៊ុន MSI មានគោលដៅក្នុងការអនុញ្ញាតឱ្យអ្នកប្រើប្រាស់បង្កើតនូវភាពច្នៃប្រឌិតដោយខ្លួនឯងជាមួយនឹងបច្ចេកវិទ្យាដ៏លេចធ្លោរបស់ក្រុមហ៊ុននេះ។ នៅក្នុងព្រឹត្តិការណ៍តាំងពិពរណ៍ 2018 IFA Berlin កុំព្យូទ័រស៊េរីថ្មី “P65 Creator” ក្លាយជាកុំព្យូទ័រដ៏មានទេពកោសល្យក្នុងការបង្កើតនូវភាពច្នៃប្រឌិតកាន់តែអស្ចារ្យបំផុតសម្រាប់អ្នកថតរូបភាព អ្នករចនា និងអ្នកបង្កើតនូវ 3D។ កុំព្យូទ័រ P65 បង្ហាញអំពីភាពខ្លាំងរបស់វាសម្រាប់ដំណើរការនៃការច្នៃប្រឌិតដ៏អស្ចារ្យ និងមុខងារជាច្រើននៅលើកុំព្យូទ័រដែលមានរូបរាងប្រណិតនេះ។
រូបរាងដ៏ស្រស់ឆើតឆាយបំផុត
ដោយផ្តោតទៅលើភាពស្រស់ស្អាតនេះ កុំព្យូទ័រ P65 មានការរចនានូវរូបរាងយ៉ាងស្រស់ស្អាតឆើតឆាយជាមួយនឹងពីរជម្រើសសម្រាប់ធ្វើការជ្រើសរើសគឺមួយមានពណ៌ទឹកប្រាក់អាលុយមីញ៉ូម និងមួយទៀតជាប្រភេទ Limited Edition ដែលមានអាលុយមីញ៉ូមពណ៌សគុជខ្យងយ៉ាងស្រស់ស្អាត។ កុំព្យូទ័រនេះមានគែមពេញអេក្រង់ជាមួយនឹងកម្រាស់ស្តើងត្រឹមតែ ultra-slim 17.9mm និងទម្ងន់ស្រាលត្រឹមតែ 1.88kg តែប៉ុណ្ណោះ។
កុំព្យូទ័រ P65 អាចកាន់បានគ្រប់ទីកន្លែងហើយវានឹងជម្រុញអោយអ្នកបំផុសគំនិតអ្វីដែលកាន់តែថ្មីថែមទៀតផង។ ដើម្បីសម្រេចបាននូវការរចនាពណ៌ដ៏ស្រស់ស្អាតប្រណិតនេះ ក្រុមហ៊ុនបច្ចេកវិទ្យា MSI ប្រើប្រាស់នូវបច្ចេកវិទ្យាផ្តាច់មុខ True Color technology ក្នុងការផ្តល់ជូននូវពណ៌ភ្លឺច្បាស់ស្រស់ស្អាតដល់ទៅ 100% sRGB ថែមទៀតផង។
ច្នៃចេញពីការបំផុសគំនិតទៅជាការបង្កើតនូវផលិតផលដ៏អស្ចារ្យ
ជាមួយនឹងការប្រើប្រាស់នូវបន្ទះឈីប Intel® CoreTM i7 processor ជំនាន់ទី 8 ក្រាហ្វិកកាតដាច់ NVIDIA® GeForce® GTX 1070 ដែលធ្វើឱ្យកុំព្យូទ័រដ៏ស្រស់ស្អាតនេះមមានកម្លាំងខ្លាំងក្លា និងគួរអោយចង់ប្រើប្រាស់បំផុត។ ក្រុមហ៊ុនបច្ចេកវិទ្យា MSI ក៏ប្រើប្រាស់នូវបច្ចេកវិទ្យាត្រជាក់ Cooler Boost Trinity ដែលធ្វើឱ្យកុំព្យូទ័រ P65 នះមានសមត្ថភាពខ្លាំងក្លាជាងគូប្រកួតប្រជែង ហើយវាក៏មានសមត្ថភាពដែលអ្នកនឹកស្មានមិនដល់ផងដែរ។ ថាមពលថ្មរបស់វាអាចប្រើប្រាស់បានរយៈពេល 8 ម៉ោង។ បន្ថែមពីនេះទៀតនោះ កុំព្យូទ័រ P65 នេះប្រើប្រាស់នូវ ‘Modern Life Service’ ជាមួយនឹងប្រព័ន្ធស្កេនក្រយ៉ៅដៃ fingerprint sensor និងជំនួយការឆ្លាតវៃ Cortana voice assistant ផងដែរ។បន្ថែមពីនេះទៀត វាក៏មានការប្រើប្រាស់ជាមួយនឹងប្រព័ន្ធសំឡេង Hi-Res Audio និង Thunderbolt 3 ថែមទៀតផង។
កុំព្យូទ័រ Limited Edition ដ៏ប្រណិតបំផុត
កុំព្យូទ័រនាពេលបច្ចុប្បន្ននេះ គឺមានការរចនារូបរាងកាន់តែប្រណិត និងស្រស់ស្អាតបំផុតជាមួយនឹងការប្រើប្រាស់នូវ Ethernet adaptor (P65) និងការធានាទៅ លើសេវាកម្មរយៈពេលមួយឆ្នាំថែមទៀតផង។ សម្រាប់កុំព្យូទ័រ P Series នេះ ជម្រុញទៅលើការរចនារូបរាងកាន់តែប្រណិត និងបច្ចេកវិទ្យាកាន់តែអស្ចារ្យដែលផ្តល់នូវបទពិសោធន៍ល្អបំផុតសម្រាប់អ្នកបង្កើតនូវគំនិតថ្មីៗនោះ។