SONY Xperia XZ3 អាច Pre-Order បានក្នុងទីផ្សារអឺរ៉ុបជាមួយតម្លៃខ្ទង់ €799 ហើយការដឹកជញ្ចូននឹងផ្តើមនៅថ្ងៃទី 05 ខែកញ្ញានេះ

យោងទៅលើរបាយការណ៍របស់ក្រុមហ៊ុន Independent Strategy Analytics បានអោយដឹងថា “ឆ្នាំនេះក្រុមហ៊ុន SONY បានឆក់យកប្រជាប្រិយភាពខ្លាំងបំផុតក្នុងព្រឹត្តិការណ៍ពីពណ៌ផលិត ផលប្រចាំឆ្នាំដែលហៅកាត់ថា “IFA2018” ដែលកំពុងប្រារព្ធធ្វើឡើងនាទីក្រុមបែកឡាំប្រទេសអាល្លឺម៉ងជាមួយនឹងការបង្ហាញវត្តមានកំពូលស្មាតហ្វូនជំនាន់ថ្មី Sony Xperia XZ3 និងកាសប្លូធូសជំនាន់ថ្មីម៉ូដែល  Sony WH-1000XM3 ដែលជាការរចនាឡើងថ្មីជាមួយនឹងប្រព័ន្ធកាត់បន្ថយសំឡេងរំខានបានកាន់តែប្រសើរបំផុត (noise-cancelling processor)”។ 

Sony Xperia XZ3 គឺជាតួរអង្គសំខាន់បំផុតក្នុងការឆក់យកប្រជាប្រិយភាពពីទស្សនិកជនដែលមានវត្តមានចូលរួមក្នុងព្រឹត្តិការណ៍ដ៏អស្ចារ្យនេះ។ កំពូលស្មាតហ្វូនជំនាន់ថ្មីចុងក្រោយមួយនេះត្រូវបានក្រុមហ៊ុនធ្វើការអភិវឌ្ឍថ្មីស្ទើរតែទាំងស្រុងខុសពីជំនាន់ Xperia XZ2 ជាមួយនឹងការផ្លាស់ប្តូរមកប្រើបន្ទះអេក្រង់កម្រិតខ្ពស់មានលក្ខណៈកោងគែមសងខាងប្រហាក់ប្រហែលនឹង Samsung Galaxy Note 9 ដែរ។ បន្ទះអេក្រង់កោងគែមដែលបំពាក់នៅលើ Xperia XZ3 ជាប្រភេទ P-OLED Display មានទំហំ 6.0 អ៊ីង ដែលក្រុមហ៊ុន SONY បានហៅអេក្រង់នេះថា Curved PRAVIA OLED Display ដែលជាបន្ទះអេក្រង់មានគុណភាពបង្ហាញចេញកម្រិតខ្ពស់បំផុតមិនធ្លាប់មាន។ 

ក្រៅតែពីការបំពាក់នូវអេក្រង់គែមកោងគុណភាពខ្ពស់ហើយសម្រាប់កំលាំងម៉ាស៊ីន ប្រព័ន្ធកាមេរ៉ាថតរូប មុខងារ និងបច្ចេកវិទ្យាប្រើប្រាស់ទូទៅក៏ទំនើប និងខ្លាំងកម្រិតកំពូលថែមទៀតផង។ Xperia XZ3 គឺជាកំពូលស្មាតហ្វូនដ៏អស្ចារ្យតែមួយគត់ក្នុងឆ្នាំនេះដែល SONY បានដុសខាតផលិតឡើងយ៉ាងពិសេសដើម្បីផ្តល់ជូនអ្នកប្រើប្រាស់ស្មាតហ្វូន Xperia របស់ខ្លួន។ នៅថ្ងៃដាក់តាំងបង្ហាញ SONY មិនទាន់បានប្រកាសពីតម្លៃរបស់វានៅឡើយ ប៉ុន្តែខណៈពេលនេះយើងបានប្រទះឃើញវាបង្ហាញខ្លួនដាក់អោយធ្វើការ Pre-Order នៅលើគេហទំព័រ German Amazon  ជាមួយតម្លៃខ្ទង់ €799 ប្រហែល $926 អាមេរិក ហើយតម្លៃនេះគឺមានការបន្ថែមជូននូវ microSD ទំហំ 64GB មួយផងដែរ។ 

ហើយអតិថិជនដែលបាន Pre-Order នឹងទទួលបានស្មាតហ្វូន Xperia XZ3 នៅថ្ងៃទី 05 ខែកញ្ញានេះតែម្តង។ នៅក្នុងបញ្ចីដាក់អោយធ្វើការ Pre-Order នេះគឺអតិថិជនអាចជ្រើសរើសពណ៌ដែលខ្លួនស្រឡាញ់បានដែលមានដូចជាទឹកប្រាក់ ខ្មៅ ស បៃតង និងក្រហម។ Sony Xperia XZ3 ជាកំពូលស្មាតហ្វូនដំបូងគេដែលបានបង្ហាញខ្លួនឡើងមកជាមួយប្រតិបត្តិការ Android 9.0 Pei ជំនាន់ចុងក្រោយបំផុតចេញពីប្រអប់ស្រាប់តែម្តង៕