iPhone Xs និង iPhone Xs Max គឺជាស្មាតហ្វូន iPhones ដំបូងបំផុតរបស់ក្រុមហ៊ុន Apple ដែលប្រើប្រាស់នូវប្រព័ន្ធស៊ីមពីរ Dual SIM ប៉ុន្តែក្រុមហ៊ុនសម្រេចដាក់លក់នៅក្នុងតំបន់មួយចំនួនប៉ុណ្ណោះ។ នៅពេលនេះ ក្រុមការងារសូមដកស្រង់នូវអត្ថបទនេះ ដែលនឹងបង្ហាញអំពីរបៀបដែលមុខងារនៃស៊ីមពីរ Dual SIM ដំណើរការសម្រាប់តំបន់ផ្សេងគ្នានោះ។
iPhone Xs និងស្មាតហ្វូន iPhone Xs Max ត្រូវបានគេដឹងថា នឹងដាក់លក់នៅក្នុងសហរដ្ឋអាមេរិក និងអ៊ឺរ៉ុប ជាមួយនឹងប្រភេទទូរស័ព្ទស៊ីមមួយ Nano-SIM។ សម្រាប់ទូរស័ព្ទស៊ីមពីរ គឺជា eSIM ដូចគ្នាទៅនឹងអ្វីដែលក្រុមហ៊ុន Google បានប្រើនៅលើស្មាតហ្វូន Pixel 2 និងស្មាតហ្វូន Pixel 2 XL អញ្ចឹងដែរ។ ចំពោះដំណើរការនៃការប្រើប្រាស់នូវស៊ីមពីរ ប្រព័ន្ធផ្សេងគ្នានោះគឺលោកអ្នកត្រូវតែ Unlocked ទូរស័ព្ទ។ លោកអ្នកមិនអាចប្រើប្រាស់នូវបណ្តាញ CDMA Networks បានម្តងពីរនោះទេ។ មួយវិញទៀត ក្រុមហ៊ុនចែកចាយ eSIM គឺនៅមានតិចតួចនៅឡើយ ប៉ុន្តែដាយសារតែស្មាតហ្វូន iPhone គឺជាទូរស័ព្ទដែលមានការពេញនិយម គឺគ្មានជម្រើសទេសម្រាប់អ្នកប្រើប្រាស់ ហើយយើងក៏គ្មានអ្វីដែលភ្ញាក់ផ្អើលផងដែរ មនុស្សម្នាក់ៗត្រូវតែប្រើវាដោយគ្មានការតវានោះទេ។
iPhone Xs និង iPhone Xs Max ដែលដាក់លក់នៅក្នុងប្រទេសចិន ហុងកុង ឬម៉ាកាវនោះ គឹមិនមាននូវ eSIM នោះទេ។ ប៉ុន្តែអ្នកប្រើប្រាស់ក៏អាចប្រើបានស៊ីមពីរដូចបណ្តាទូរស័ព្ទ Android ដែរ គ្រាន់តែទាមទានូវជើង Tray។ ម្ចាស់ទូរស័ព្ទ អាចធ្វើការបង្កើត និងការខលចេញ ចូលពីស៊ីមកាតទាំងពីរនេះ ប៉ុន្តែប្រសិនបើស៊ីមមួយស្ថិតនៅក្នុងការខលនោះ ស៊ីមមួយទៀត គឺសម្រាប់ការផ្ញើ voicemail។
ក្រុមហ៊ុន Apple ក៏បានបផ្តល់នូជម្រើសឱ្យអ្នកដាក់ស៊ីម SIM ជាក់លាក់សម្រាប់ការខល ឬការលេងជាមួយទិន្នន័យ ដែលដូចគ្នាទៅនឹងអ្វីដែលអ្នកប្រើប្រាស់ចង់បានសម្រាប់ការផ្លាស់ប្តូរទៅប្រើប្រាស់នូវ iPhone ស៊េរីថ្មីនេះផងដែរ។ សម្រាប់ការខល អាចកំណត់នៅក្នុង Settings នៃបញ្ជី Contact បាន ក្នុងនោះលោកអ្នកក៏អាចកំណត់ទៅលើការប្រើប្រាស់នូវ iMessage និង FaceTime នៅផ្នែកខាងក្រោម Settings បានផងដែរ៕