នៅថ្ងៃនេះ ប្រព័ន្ធផ្សព្វផ្សាយនានា បាននិយាយថា ក្រុមហ៊ុន Samsung បាន ត្រៀមនូវស្មាតហ្វូន Galaxy S10 ចំនួន 3 ម៉ូដែលសម្រាប់ឆ្នាំក្រោយនេះ សម្រាប់ព័ត៌មានលម្អិតរបស់ស្មាតហ្វូនទាំងនេះ ត្រូវបានគេបញ្ជាក់ថា នឹងមានបច្ចេកវិទ្យាថ្មីៗ និងរឹតតែអស្ចារ្យមែនទែន! តាមការបញ្ជាក់របស់ TechnoBuffalo បានអោយដឹងថា ស្មាតហ្វូន Galaxy S10 នឹងមាន 3 ទំហំសម្រាប់ធ្វើការជ្រើសរើសគឺ 5.8 អ៊ីង និង 6.1អ៊ីង ហើយនិង 6.4 អ៊ីង។
ប្រភពដដែលនេះ ក៏បានព្យាករណ៍ទៀតថា សម្រាប់តម្លៃរបស់ iPhone 2018 ដែលបានចេញលក់កាលពីម្សិលមិញនេះ ទំនង ជាប្រហែលគ្នាជាមួយនឹងស្មាតហ្វូនរបស់ក្រុមហ៊ុន Samsung ផងដែរ ជាមួយគ្នានេះ បើសិនជាធ្វើការប្រៀបធៀបអេក្រង់ជាមួយទូរស័ព្ទ iPhone 2018 គឺប្រហាក់ប្រហែលគ្នាដេរ ដោយ iPhone Xs គឺមានទំហំ 5.8 អ៊ីង iPhone XR មានទំហំ 6.1អ៊ីង និង iPhone Xs Max មានទំហំ 6.5 អ៊ីង។ ស្មាតហ្វូនស៊េរីថ្មីរបស់ក្រុមហ៊ុន Samsung នឹងប្រើប្រាស់នូវកាមេរ៉ាភ្លោះទាំងអស់គឺមានទំហំ 12MP (wide-angle) និងមួយទៀតទំហំ 16MP(super wide-angle sensor)។ ចំពោះទូរស័ព្ទដែលមានអេក្រង់ធំបំផុត “Galaxy S10 Plus” គឺមានកាមេរ៉ាទី 3 ដែលមានទំហំ 13MP។ រង់ចាំតាមដានទាំងអស់គ្នា។
