no-alternative title
no-alternative title
no-alternative title
no-alternative title
no-alternative title
no-alternative title
no-alternative title

iPhone XS MAX អេក្រង់ OLED ទំហំ 6.5 អ៊ីង នឹងក្លាយជាស្មាតហ្វូនដែលមានអេក្រង់ធំជាងបំផុតនៅឆ្នាំនេះ

នៅថ្ងៃទី 12 ខែកញ្ញានេះនៅក្នុងទីស្នាក់ការកណ្តាលរបស់ខ្លួននៅ Cupertino រដ្ឋ California ក្រុមហ៊ុនបច្ចេកវិទ្យាយក្សរបស់អាមរិកកាំង Apple ទើបតែប្រកាសចេញនូវស្មាតហ្វូន iPhone ស៊េរីថ្មីរបស់ខ្លួន ដែលដូចគ្នាទៅនឹងឆ្នាំមុននេះដែរ ដោយក្រុមហ៊ុនបច្ចេកវិទ្យានេះ នៅតែបញ្ចេញនូវស្មាតហ្វូនចំនួន 3 ម៉ូដែលសម្រាប់ iPhone។ សម្រាប់មនុស្សភាគច្រើន គឺសម្លឹងមើលទៅលើស្មាតហ្វូនដែលមានអេក្រង់ធំបំផុតគឺម៉ូដែល  iPhone XS MAX ដែលមានអេក្រង់ទំហំ 6.5 អ៊ីង ហើយ OLED ថែមទៀត។

អេក្រង់របស់ស្មាតហ្វូនថ្មីនេះ គឺមានទំហំ 0.1 អ៊ីង ដែលធំជាងស្មាតហ្វូន Galaxy Note 9 របស់ក្រុមហ៊ុន Samsung Electronic ដែលបានបង្ហាញខ្លួនកាលពីខែសីហាកន្លងទៅនេះ។ ស្មាតហ្វូន XS MAX នឹងក្លាយជាស្មាតហ្វូនដែលមានអេក្រង់ធំបំផុត ដែលមិនធ្លាប់មាននៅលើទីផ្សារនោះទេ ស្របពេលដែលក្រុមហ៊ុនបច្ចេកវិទ្យាជាច្រើនរបស់ចិនមួយចំនួន ដូចជា Huawei ក៏គ្រោងនឹងបញ្ចេញនូវស្មាតហ្វូនដែលមានអេក្រង់ធំបំផុតរបស់ខ្លួននៅក្នុងចុងឆ្នាំនេះដែរ។

ចំពោះស្មាតហ្វូនពីរម៉ូដែលផ្សេងទៀត គឺ iPhone XS និង  iPhone XR នោះ គឺមានទំហំអេក្រង់ 5.8 អ៊ីង OLED និងទំហំ  6.1 អ៊ិង LCD។ ស្មាតហ្វូន iPhone XS គឺជាជំនាន់នៃ Upgrade របស់ស្មាតហ្វូន  iPhone X ដែលបានបង្ហាញខ្លួនកាលពីឆ្នាំមុននេះ ស្របពេលដែលអេក្រង់ LCD សម្រាប់ម៉ូដែលតម្លៃថោកជាងគេនោះ នឹងធ្វើការផលិតនៅក្នុងចំនួនកំណត់ប៉ុណ្ណោះ។សម្រាប់ស្មាតហ្វូនដែលមានអេក្រង់ទំហំ 6.5 អ៊ីង របស់ស្មាតហ្វូនកម្រិតខ្ពស់របស់ខ្លួននោះគឺ Apple ព្យាយាមទាក់ទាញអតិថិជនរបស់ខ្លួនក្នុងការចាប់អារម្មណ៍ទៅលើស្មាតហ្វូនដែលមានអេក្រង់កាន់តែធំជាងមុនសម្រាប់ធ្វើការទស្សនាវីដេអូ និងការថតរូបភាព។ 

ស្ថិតនៅក្នុងកិច្ចខិតខំប្រឹងប្រែងរបស់ក្រុមហ៊ុននេះ Apple បានចំណាយនូវធនធានជាច្រើនក្នុងការអភិវឌ្ឍទៅលើសេវាកម្មស្មាតហ្វូន និងមាតិកាអាជីវកម្មនៅក្នុងប៉ុន្មានឆ្នាំថ្មីៗនេះ រួមមានការបង្កើតនូវ Content TV ដូចជា Netflix និង Amazon ជាដើម។ សម្រាប់ស្មាតហ្វូនដែលមានអេក្រង់ធំនេះ នឹងអាចផ្តល់នូវផលចំណេញកាន់តែខ្ពស់ជាងមុនសម្រាប់ Apple និងអ្នកផ្គត់ផ្គង់ជាច្រើនរបស់ខ្លួន។ 

គួរបញ្ជាក់ថា ស្មាតហ្វូន iPhone X មានតម្លៃ US$999 នៅពេលដែលបង្ហាញខ្លួនជាផ្លូវការនោះ ដោយបានធ្វើឱ្យប្រាក់ចំណេញរបស់ក្រុមហ៊ុននេះ មានការកើនឡើងខ្លាំងទោះបីជាការលក់មានការធ្លាក់ចុះក៏ដោយ។ ក្រុមហ៊ុនវិនិយោគនៅក្នុងស្រុកជាច្រើន បានព្យាករណ៍ថា ក្រុមហ៊ុន Samsung Display ដែលមានកុងត្រាផ្គត់ផ្គង់ផ្តាច់មុខអេក្រង់ OLED សម្រាប់ Apple នោះ នឹងមើលឃើញនូវប្រាក់ចំណេញរបស់ខ្លួនខ្ពស់នៅក្នុងត្រីមាសទី 3 នេះ ដោយសារតែការបញ្ចេញនូវ iPhoneដែលមានអេក្រង់ OLED។

លោក Roh Keun-chang ដែលជាអ្នកវិភាគរបស់ក្រុមហ៊ុន HMC Investment Securities បានបញ្ជាក់ថា “ Samsung Display នឹងក្លាយជាអ្នកផ្គត់ផ្គង់អេក្រង់ OLED ដ៏ធំសម្រាប់ Apple នៅក្នុងឆ្នាំនេះ។ សម្រាប់ស្មាតហ្វូនអេក្រង់ទំហំ  6.5អ៊ីង នឹងមានការកើនឡើងពីស្មាតហ្វូន  5.8 អ៊ីង ដល់ទៅ 10%។” ក្រុមហ៊ុន KB Securities ក៏បានព្យាករណ៍ដែរថា ប្រាក់ចំណេញនៃប្រតិបត្តិការរបស់ក្រុមហ៊ុនផលិតអេក្រង់នេះ នឹងឈានដល់ទៅ 80 ពាន់លានវ៉ុន (US$709.22 លានដុល្លារអាមេរិក) នៅក្នុងត្រីមាសទី 3 នៅឆ្នាំនេះ ដែលមានការកើនឡើងដល់ទៅ 140 ពាន់លានវ៉ុនបើធៀបទៅនឹងត្រីមាសមុននេះ។ ក្រុមហ៊ុន LG Display ក៏មានគោលដៅក្នុងការក្លាយខ្លួនជាអ្នកផ្គត់ផ្គង់អេក្រង់ OLEDs សម្រាប់ក្រុមហ៊ុន Apple ផងដែរ។ មានពាក្យចចាមអារ៉ាមថា ការផ្គត់ផ្គង់អេក្រង់ OLEDs សម្រាប់ iPhone ស៊េរីថ្មីនេះ សម្រាប់ត្រីមាសទី 4 នៅក្នុងឆ្នាំនេះ នឹងមានការកើនឡើងដល់ទៅ 4 លានសន្លឹក៕

no-alternative title
ព័ត៌មានពាណិជ្ជកម្ម