Samsung Electronics ដែលជាក្រុមហ៊ុនធំជាងគេបំផុតក្នុងការលក់ស្មាតហ្វូនបានច្រើនជាងគេនោះ បានប្រកាសថា ខ្លួននឹងធ្វើការសហការជាមួយនឹងក្រុមហ៊ុន Google ក្នុងការពង្រឹងទៅលើសេវាកម្មផ្ញើសារទូរស័ព្ទ។ នៅក្នុងការ ចូលរួមនៃគម្រោងរួមគ្នានេះ ក្រុមហ៊ុន មានបំណងចង់បាននូវ អ្វីដែលគេហៅថា ជាប្រូតូកូលនៃសេវាកម្មទំនាក់ទំនងដ៏សម្បូរបែបសម្រាប់អ្នកប្រើប្រាស់ស្មាតហ្វូន អោយមានការជជែកជាក្រុម ឬការផ្ញើសារតាមរយៈប្រព័ន្ធ Wi-Fi ហើយនិងការផ្លាស់ប្តូរនូវ Media Files ធំៗតាមរយៈ Platforms ជាច្រើនដោយគ្មានត្រូវការ App បន្ថែម ឬគណនី Account នោះទេ។
លោក Patrick Chomet ដែលជាអនុប្រធានរបស់អាជីវកម្មទំនាក់ទំនងស្មាតហ្វូនរបស់ក្រុមហ៊ុន Samsung បានបញ្ជាក់ថា “នៅក្រុមហ៊ុន Samsung យើងប្រកាន់ខ្ជាប់នូវគំរូល្អមួយក្នុងការបើកចំហរនូវការសហការ ដើម្បីនាំយកនូវបទពិសោធន៍ដ៏អស្ចារ្យប្រណិតបំផុតទៅកាន់អតិថិជនជាច្រើនរបស់យើងតាមរយៈផលិតផលជាច្រើនដែលយើងមាន។ នៅក្នុងការសហការក្នុងភាពជាដៃគូជាមួយនឹងក្រុមហ៊ុន Google នៅពេលនេះ យើងនឹងនាំយកនូវបទពិសោធន៍នៃការផ្ញើសារកាន់តែសម្បូរបែបទៅកាន់អតិថិជន ការអនុញ្ញាតអោយពួកគេជជែកជាមួយនឹងមិត្តភក្តិ និងក្រុមគ្រួសារតាមរយៈសេវាកម្មផ្ញើសារ។
សេវាកម្ម RCS protocol ត្រូវបានអភិវឌ្ឍន៍ដែលមានរយៈពេល ច្រើនជាងមួយទសវត្សន៍មកហើយ នៅក្នុងកាដាក់បញ្ចូលទៅក្នុងកម្មវិធីផ្ញើសារ SMS ប៉ុន្តែវាត្រូវបានប្រើប្រាស់ដោយកម្មវិធីមួយចំនួនប៉ុណ្ណោះ ដោយសារតែពេលនេះ មានការពេញនិយមទៅប្រើប្រាស់នូវកម្មវិធីផ្ញើសារ Messenger Apps វិញដូចជា Facebook Messenger, WhatsApp និង Apple’s iMessage ជាដើម។ កាលពីពេលមុននេះ ក្រុមហ៊ុន Google និង Samsung ក៏បានបង្កើតនូវដំណោះស្រាយជាច្រើនផ្អែកទៅលើ RCS ប៉ុន្តែ សេវាកម្មផ្ញើសារជាច្រើន គឺមានការធ្លាក់ចុះនៅក្នុងដំណោះស្រាយនេះ។ នៅពេលនេះ ក្រុមហ៊ុន Samsung ក៏មានគម្រោងសាកល្បងដាក់បញ្ចូលនូវសេវាកម្ម RCS នេះចូលទៅក្នុងស្មាតហ្វូន Galaxy S8 និង Galaxy S8+ ផងដែរ៕