គិតមកទល់នឹងពេលនេះ គឺមិនមានរឿងអ្វីជាអាថ៌កំបាំងទៀតទេ សម្រាប់វត្តមានរបស់ Mate 20 Series ដោយសារកាលពីពេលថ្មីៗនេះ ក្រុមហ៊ុនស្មាតហ្វូនចិននេះ បានបង្ហាញការចាប់អារម្មណ៍យ៉ាងខ្លាំងទៅលើស្មាតហ្វូនទាំងនេះ នៅលើ បណ្តាញសង្គមរបស់ខ្លួន។ ប៉ុន្តែឥឡូវនេះ ជំហានបន្ទាប់របស់ក្រុមហ៊ុន Huawei ខ្លួនមុនការប្រកាសជាផ្លូវការនោះ ក៏បាន ចាប់ផ្តើមបង្ហាញស្មាតហ្វូននេះនៅក្នុងហាងលក់រាយនានានៅទូទាំងទ្វីបអឺរ៉ុបផងដែរ។
យោងតាមរូបភាពនានានៅក្នុងហាងនោះ គេឃើញក្រុមហ៊ុន Huawei បានបំពាក់នូវបន្ទះកញ្ចក់តូចមួយ ដែលមានគែមហើយនិងជ្រុង មានរាងមូល ប៉ុន្តែគេមិនច្បាស់នោះទេថា បំណែកកញ្ចក់នេះ អាចតំណាងឱ្យទំហំនៃ Mate 20 ឬ Mate 20 Pro នាពេលខាងមុខនោះទេ ប៉ុន្ដែបើសិនជាយើងប្រៀបធៀបទៅនឹង P20 Pro គឺហាក់បីដូចជាតូចជាងបន្តិច ដែលដូចទៅនឹងទំហំដែលបានរំពឹងទុកអញ្ចឹង។
នៅក្នុងហាងមួយចំនួនទៀត ក៏ត្រូវបានក្រុមហ៊ុន Huawei បានបង្ហាញនូវស្មាតហ្វូនថ្មីនេះ ហើយនិងមានអមដោយព័ត៌ មានពីលក្ខណះសម្បត្តិសង្ខេមួយចំនួនផងដែរ។ ប៉ុន្តែទោះជាយ៉ាងណាក៏ដោយ Mate 20 Series នៅមិន ទាន់ត្រូវបាន ប្រកាសនៅឡើយទេ។ ហើយថ្មីៗនេះ ក្រុមហ៊ុន Huawei ក៏បានបង្កើតនូវផ្ទាំងផ្សព្វផ្សាយ ដែលមានស្លាកសញ្ញានៅតាមសំណង់ ដែលមានសរសេរពាក្យថា "Coming Sooon" ផងដែរ ដែលនេះ Huawei ហាក់បីដូចជាចង់បង្ហាញនូវភាពគួរឱ្យភ្ញាក់ផ្អើលស្តីពីការតំឡើងកាមេរ៉ាបីគ្រាប់នៅខាងក្រោយនៅលើ Mate 20 Series ដូច P20 Pro អញ្ចឹងដែរ៕