កាលម្សិលមិញនេះ ក្រុមហ៊ុន HMD Global បានចាប់ផ្តើមផ្ញើលិខិតអញ្ជើញមួយសម្រាប់ព្រឹត្តិការណ៍ដែលខ្លួន បានប្រារព្ធឡើង នៅថ្ងៃទី 4 ខែតុលា ខាងមុខនេះ នៅទីក្រុងឡុង ប៉ុន្តែមិនមានព័ត៌មានច្បាស់ថា នៅក្នុងការអញ្ជើញនោះ មានការបង្ហាញពីអ្វីខ្លះនោះទេ។ ថ្មីៗនេះ យើងបានឃើញការបែកធ្លាយព័ត៌មាន Nokia 7.1 Plus នៅលើអនឡាញ តែមិនច្បាស់ថា កម្មវិធីនេះ នឹងបង្ហាញស្មាតហ្វូននេះយ៉ាងណានោះទេ។ នេះអាចជាពេលដែលប្រិយមិត្តច្រើនរំពឹងទុកថា នឹងឃើញវត្តមាន Nokia 9 ក៏ថាបាន ដូច្នេះយើងត្រូវរង់ចាំមើលបន្ត។
រហូតមកដល់ពេលនេះ មានមនុស្សជាច្រើន នៅតែរង់ចាំមើលឧបករណ៍ពិតប្រាកដមួយពីម៉ាកនេះ ដែលបានស្តារឡើងវិញ ហើយ Nokia 9 នឹងបានដើរតួជាផ្នែកមួយនៃគំនិតច្នៃប្រឌិត ហើយសង្ឃឹមថា Nokia នឹងមិនចំណាយពេលយូរដូចដែល Oppo នោះទេ។ Nokia 9 ត្រូវបានគេដឹងថា នឹងមានកាមេរ៉ាចំនួនប្រាំ នៅលើសំបកខាងក្រោយ ស្របពេលដែល 7.1 Plus នឹងត្រូវ ភ្ជាប់មកតែ ពីរគ្រាប់ប៉ុណ្ណោះ ហើយម៉ូដែលទាំងពីរ និងមានបច្ចេកវិទ្យាកញ្ចក់ Zeiss មានវត្តមានមកជាមួយផងដែរ។ ស្មាត ហ្វូននេះ ត្រូវបានបំពាក់ដោយ Snapdragon 845 ជាធម្មតា Nokia 7.1 Plus នឹងប្រើបន្ទះឈីប Snapdragon 710 និងមាន RAM ទំហំ 6GB។ ក្រុមហ៊ុន HMD Global បានប្តេជ្ញាចិត្តផ្តល់នូវបទពិសោធន៍ Android One លើទូរស័ព្ទទាំង អស់របស់ខ្លួន ដូច្នេះទាំងពីរម៉ូដែលនេះ គួរតែជាផ្នែកមួយ នៃកម្មវិធីនោះផងដែរ៕
