Digital Wellbeing គឺជាមុខងារមួយថ្មី ដែលទើបតែចាប់ដំណើរការ ដែលមានគោលដៅជួយធ្វើការកាត់បន្ថយទៅលើការញៀននៅក្នុងការប្រើប្រាស់ស្មាតហ្វូន។ មុខងារនេះ ត្រូវបានបង្កើតឡើងសម្រាប់ធ្វើការការពារទៅលើផ្នែកសុខភាពផ្លូវចិត្ត និងរូបរាងកាយពីផលប៉ះពាល់អវិជ្ជមាននៃការប្រើប្រាស់ស្មាតហ្វូន។ ហើយមុខងារនេះ គឺមានភ្ជាប់ជាមួយនឹងកម្មវិធី App នៅលើប្រព័ន្ធប្រតិបត្តិការ Android Pie។ ចាប់ពីពេលនេះ អ្នកប្រើប្រាស់ជាច្រើន នឹងអាចធ្វើការទទួលបាននូវការរំលឹក នៅពេលដែលពួកគេចំណាយពេលវេលាយូរច្រើនជ្រុលនៅលើស្មាតហ្វូនរបស់ពួកគេ ក្រោយពេលមានកម្មវិធីនេះ។
Nokia 7 Plus គឺជាស្មាតហ្វូនមួយនៅក្នុងចំណោមស្មាតហ្វូនជាច្រើន ដែលនឹងអាចតំឡើងនូវ Beta Version របស់ Android Pie។ ពេលនេះការ Update របស់ Google នឹងអាចប្រើប្រាស់មុខងារ Digital Wellbeing បានហើយ។ អ្នកប្រើប្រាស់ អាចធ្វើការតម្លើងនូវមុខងារថ្មីៗ បានយ៉ាងច្រើន ដោយគ្រាន់តែចូលទៅ Update នៅលើ Play Store នៅលើស្មាតហ្វូនរបស់ខ្លួន។ ជាមួយនឹងព័ត៌មាននៃការ Update នេះ គឺមានការបង្ហាញនូវព័ត៌មាននៃការប្រើប្រាស់គ្រប់កម្មវិធី App ទាំងអស់។ ជាមួយនឹងការប្រើប្រាស់ Digital Wellbeing នៅលើស្មាតហ្វូននេះ អ្នកប្រើប្រាស់ ក៏៏អាចដំណើរការនូវមុខងារ Do Not Disturb mode នៅក្នុង Time Frames ថែមទៀតផង។
ទាក់ទងទៅនឹងការ Update នេះ ក៏មានមុខងារថ្មីហៅថា App Timers ផងដែរ ដោយមុខងារអាចធ្វើការកំណត់ទៅលើពេលវេលាសម្រាប់ចំណាយនៅលើ Apps នេះ ដោយមានរួមបញ្ចូលនូវមុខងារ Do Not Disturb Mode កម្រិតខ្ពស់ដែលការពារស្មាតហ្វូននេះកុំអោយញ័រ រោទិ៍ និងមានភ្លើងនៅពេលដែលស្មាតហ្វូននេះ ទទួលបាននូវសាររំលឹក notifications ផងដែរ។ សម្រាប់ព័ត៌មានបន្ថែមអំពីមុខងារជាច្រើននៅលើ Digital Wellbeing អ្នកប្រើប្រាស់ អាចឆែកមើលនៅក្នុង Play Store page បាន៕