ដើម្បីអបអរប្រារព្ធពិធីខួបកំណើត 24 ឆ្នាំ នៃឧបករណ៍ PlayStation ក្រុមហ៊ុន Sony បានត្រៀមខ្លួន នៅក្នុងញារប្រកាសចេញលក់ PlayStation Classic edition នៅថ្ងៃទី3 ខែធ្នូ។ PlayStation Classic មើលទៅស្រដៀងនឹងម៉ូដែលដើមរបស់វាដែរ រួមទាំងប៊ូតុង និងរូបរាងដូចគ្នាទាំងអស់ (ទោះបីជាមិនមានផតចាក់ឌីស ដែលស្ថិតនៅខាងក្នុងក៏ដោយ) ប៉ុន្តែស្ទើតែ 45% បើប្រៀបធៀបជាមួយម៉ូដែលដើម។ ជាមួយនឹងឧបករណ៍បញ្ជាចំនួនពីរ និងហ្គេមចំនួន 20 រួមមាន Final Fantasy VII, Tekken 3, Ridge Racer Type 4 និង Wild Arms, PlayStation Classic នឹងត្រៀមខ្លួនរួចជាស្រេច ដើម្បីដោតភ្ជាប់ និងលេង ហើយថែមទាំងអាចផ្តល់ជូនអ្នកលេងជាក្រុមបែប Local Multiplayer បានផងដែរ។
Sony សូមឱ្យអ្នកចុះឈ្មោះជាមុន សម្រាប់ PlayStation Classic ដែលអ្នកចាប់អារម្មណ៍ ចាប់ពីពេលនេះទៅ ហើយនឹងចាប់ផ្តើមលក់វាក្នុងតម្លៃសមរម្យ ត្រឹម 99 ដុល្លារ នៅថ្ងៃទី 3 ខែធ្នូ (កាលបរិច្ឆេទដែល PlayStation Original ត្រូវបានចេញលក់នៅក្នុងប្រទេសជប៉ុន) ៕
