no-alternative title
no-alternative title
no-alternative title
no-alternative title
no-alternative title
no-alternative title
no-alternative title

រថយន្ត BMW X5 ឆ្នាំ 2019 បង្ហាញខ្លួនហើយនៅក្នុងព្រឹត្តិការណ៍តាំងពិពរណ៍នៅក្នុងទីក្រុងប៉ារីស

ថ្មីៗនេះ រថយន្ត BMW X5 ស៊េរីថ្មី 2019 បានបង្ហាញខ្លួនជាសាធារណៈជាលើកដំបូងបំផុតនៅក្នុងព្រឹត្តិការណ៍តាំងពិពរណ៍ 2019 Paris Motor Show។ BMW រ X5 គឺជាផ្នែកមួយនៃរថយន្ត SUV ដែលបង្ហាញខ្លួនជិត 20 ឆ្នាំមកហើយ វាគឺជាផ្នែកមួយនៃការលក់ដ៏ល្អបំផុតរបស់ក្រុមហ៊ុន BMW។ រថយន្តស៊េរីថ្មី X5 នេះ គឺជាការបោះជំហានដ៏ធំមួយសម្រាប់ម៉ាកយីហោម៉ូដែលនេះ។ រថយន្តនេះ មានទំហំធំជាងមុនបន្តិច ប៉ុន្តែវាកាន់តែមានភាពទាន់សម័យ ប្រណិត និងការបន្ថែមនូវមុខងារនៃបច្ចេកវិទ្យាថ្មីៗ ជាច្រើនដែលធ្លាប់ធ្វើការតេស្ត៍សាកល្បងនៅក្នុង Atlanta, Georgia ផងដែរ។ 

BMW បានលក់រថយន្តសរុបចំនួន 2 លានគ្រឿង នៅលើពិភពលោកកាលពីឆ្នាំមុននេះ ហើយ X5 គឺមានចំនួនដល់ទៅ 180,000 ទៅហើយ ដែលស្មើទៅនឹង 10% នៃចំនួនរបស់ម៉ាកយីហោនេះ។ និយាយរួមសម្រាប់ម៉ូដែលនេះ ត្រូវបានក្រុមហ៊ុន BMW លក់បានច្រើនជាង 2.2 លានគ្រឿងឯណោះ គឺចាប់តាំងពីម៉ូដែលនេះបង្ហាញខ្លួននៅលើទីផ្សារ។ សូមជំរាបថា រថយន្តម៉ូដែលស៊េរីថ្មីនេះ មិនមែនមានតម្លៃថោកនោះទេ។ 

នៅក្នុងសហរដ្ឋអាមេរិក រថយន្តប្រភេទ Base xDrive40i គឺមានតម្លៃចាប់ពី $61,195 ជាមួយនឹងកម្លាំងម៉ាស៊ីន 340 សេះ និងកម្លាំងរមួល 332 lb-ft ដែលបានដំណើរការជាមួយនឹងម៉ាស៊ីន 3.0-Liter Turbocharged Inline-Six និងមានចង្កឹះលេខ 8 វគ្គអូតូ។ សម្រាប់អតិថិជននៅអាមេរិក ក៏អាចរកទិញបាននូវរថយន្តប្រភេទ xDrive50i trim ដ៏ពិសេសបានផងដែរ ជម្រើសនោះ គឺមានកម្លាំងម៉ាស៊ីន 462 សេះ និងកម្លាំងរមួល 479 lb-ft ចេញពីម៉ាស៊ីន twin-turbo 4.4-liter V8 ជាមួយនឹងតម្លៃចាប់ពី $76,745។ 

គួរបញ្ជាក់ថា ក្រុមហ៊ុន BMW ក៏មានគម្រោងក្នុងការបន្ថែមនូវ Plug-in Hybrid Version ដែលមានឈ្មោះ ហៅថា xDrive45e iPerformance ផងដែរ ដោយម៉ូដែលនេះ នឹងប្រើប្រាស់នូវម៉ូទ័រអេឡិចត្រូនិកមួយគូរសម្រាប់ដំណើរការជាមួយនឹងកម្លាំងម៉ាស៊ីន 394 សេះ ជាមួយនឹងកំលាំងរមួល 442 lb-ft ដែលមានសមត្ថភាព អាចធ្វើដំណើរបានដល់ទៅ 50 ម៉ាយ៍៕

no-alternative title
ព័ត៌មានពាណិជ្ជកម្ម