no-alternative title
no-alternative title
no-alternative title
no-alternative title
no-alternative title
no-alternative title
no-alternative title

OnePlus 6T ពិតជាបំពាក់នូវប្រព័ន្ធបច្ចេកវិទ្យាស្កែន ក្រយ៉ៅម្រាមដៃក្រោមកញ្ចក់អេក្រង់ និងគ្មានរន្ធដោតកាសឡើយ

បើតាមរយះវីដេអូខ្លីដែលប្រូមូដពីកំពូលស្មាតហ្វូនជំនាន់ថ្មីម៉ូដែល OnePlus 6T របស់ក្រុមហ៊ុន OnePlus បានបង្ហាញជាក់ច្បាស់ថាកំពូលស្មាតហ្វូនជំនាន់ថ្មីមួយនេះគឺពិតជាប្រើប្រាស់បច្ចេកវិទ្យាស្កែនក្រយ៉ៅម្រាមដៃស្ថិតក្រោមកញ្ចក់អេក្រង់យ៉ាងពិតប្រាកដ (In-Display fingerprint reader)។  

នៅក្នុងកិច្ចសម្ភាសន៍មួយកាលពីពេលថ្មីៗនេះជាមួយនឹងលោក Pete Lau ដែលជាស្ថាបនិក និងជានាយកប្រតិបត្តិជាន់ខ្ពស់របស់ក្រុមហ៊ុន OnePlus បានបញ្ជាក់ថាការដករន្ធដោតកាសខ្នាត 3.5mm ចេញ និងជំនួសមកវិញនូវប្រព័ន្ធបច្ចេកវិទ្យា In-Display Fingerprint reader គឺវាពិតជាសំខាន់បំផុត និងធ្វើអោយការប្រើប្រាស់លើស្មាតហ្វូនរបស់ខ្លួនកាន់តែទំនើបបំផុតផងដែរ។  លោកបានហៅបច្ចេកវិទ្យាស្កែនក្រយ៉ៅដៃដោះសោរក្រោមអេក្រង់នេះថា “Screen Unlock”។ 

បន្ថែមពីនេះស្ថាបនិករូបនេះក៏បានបញ្ជាក់ទៀតថា OnePlus 6 ជំនាន់ថ្មីនឹងទ្រទ្រង់នូវបច្ចេកវិទ្យាសាកបញ្ចូលថ្មល្បឿនលឿនដោយឥតប្រើខ្សែចម្លងថែមទៀតផង (fast wireless charging) ដោយប្រើបច្ចេកវិទ្យា Dash Charge ផ្ទាល់របស់ក្រុមហ៊ុន។ ទោះជាយ៉ាងណា OnePlus 6T ក៏អាចនឹងមិនបានបច្ចេកវិទ្យាការពារទឹក និងធូលី (waterproof & dust resistant) ដូចជំនាន់មុនដែរ ព្រោះថា OnePlus មិនទាន់ជាហ្វែននៃបច្ចេកវិទ្យាមួយនេះនៅឡើយទេ។ 

តាមវីដេអូដែលបានបង្ហាញចេញមកនេះ ច្បាស់ហើយថា OnePlus 6T ពិតជាអាចស្កែនក្រយ៉ៅក្រោមកញ្ចក់អេក្រង់ក្នុងការដោះសោរសុវត្ថិភាព និងគ្មានរន្ធដោតកាសខ្នាត 3.5mm ទៀតនោះទេ ហើយចំពោះគុណសម្បត្តិផ្សេងៗមួយចំនួនទៀតរបស់កំពូលស្មាតហ្វូនជំនាន់ថ្មីនេះដូចកំលាំងម៉ាស៊ីន កំលាំងថ្ម ប្រព័ន្ធកាមេរ៉ាថតរូប និងប្រព័ន្ធប្រតិបត្តិការយើងនឹងបានជ្រាបព័ត៌មានច្បាស់លាស់នៅថ្ងៃទី 17 ក្នុងខែតុលានេះ ដែលជាថ្ងៃកំពូលស្មាតហ្វូនជំនាន់ថ្មីចុងក្រោយរបស់ OnePlus មួយនេះបង្ហាញវត្តមានផ្លូវការណ៍៕

no-alternative title
ព័ត៌មានពាណិជ្ជកម្ម