នៅក្នុងរយៈពេលប៉ុន្មានឆ្នាំនេះ មានព័ត៌មានលេចលឺជាបន្តបន្ទាប់នៃស្មាតហ្វូនដែលអាចបត់បាន។ នៅក្នុងប៉ុន្មានឆ្នាំនេះ ប្រហែលជាមានការបើកនូវសករាជថ្មីសម្រាប់ស្មាតហ្វូនជាច្រើន ដែលមានអេក្រង់អាចបត់បានហើយ ស្របពេលដែលក្រុមហ៊ុន Samsung ត្រូវបានគេរាយការណ៍ថា មានគម្រោងក្នុងការបញ្ចេញនូវស្មាតហ្វូនដែលអាចបត់អេក្រង់បាននេះ នៅក្នុងចុងឆ្នាំ 2019 ហើយក្រុមហ៊ុន Apple, LG, Huawei និង ZTE សុទ្ធតែធ្វើការពិចារណាយ៉ាងល្អិតល្អន់ជាមុនទៅលើផលិតផលថ្មីនេះ។
.png)
ថ្មីៗនេះ នាយកប្រតិបត្តិ CEO របស់ក្រុមហ៊ុន Huawei ទើបតែប្រកាសបង្ហាញនូវស្មាតហ្វូនស៊េរីថ្មី Huawei Mate 20 pro ដែលប្រហែលជាបន្តនូវលក្ខណៈ សម្បត្តិរបស់ខ្លួនទៅកាន់ស្មាតហ្វូន ដែលអាចបត់បានថែមទៀតផង។ លោក Richard Yu បានធ្វើការជជែកជាមួយនឹងអ្នកតំណាងសារព័ត៌មាន ដោយបាននិយាយថា យើងកំពុងតែធ្វើការនៅលើស្មាតហ្វូន ដែលអាចបត់បាននោះ គឺស្មាតហ្វូន 5G។ លោកនិយាយទៀតថា “ពេលខ្លះ យើងនឹងចាប់ផ្តើមនូវការជជែក ប៉ុន្តែមិនមែនពេលនេះនោះទេ។” សម្រាប់ស្មាតហ្វូនដែលអាចបត់បាននេះ គឺផ្អែកទៅលើស្មាតហ្វូន Huawei Mate 20X។ គួរបញ្ជាក់ផងដែរថា ក្រុមហ៊ុន Samsung ក៏ខិតខំយ៉ាងខ្លាំងនៅក្នុងការត្រៀមបញ្ចេញនូវស្មាតហ្វូនដែលអាចបត់បាននេះ នៅដើមឆ្នាំ 2019 ហើយ៕
.png)
