នៅថ្ងៃនេះ ក្រុមហ៊ុន Meizu បានប្រកាសជាផ្លូវការថា កាលបរិច្ឆេទនៃការបង្ហាញវត្តមានស្មាតហ្វូនស៊េរីថ្មី Meizu Note 8 នឹងត្រូវបង្ហាញនៅលើទំព័រផ្លូវការនៃគេហទំព័ររបស់ក្រុមហ៊ុន Meizu ហើយស្របពេលដែល Tmall store, Jingdong Mall និងSuning Tesco ក៏មានការបង្ហាញនូវស្មាតហ្វូននេះផងដែរ។ ស្មាតហ្វូនស៊េរីថ្មីនេះ នឹងបង្ហាញខ្លួនជាផ្លូវការនៅថ្ងៃទី 25 ខែតុលានេះ ជាមួយនឹងការលើកឡើងថា ស្មាតហ្វូនស៊េរីថ្មី Meizu V8 ក៏នឹងបង្ហាញខ្លួនជាផ្លូវការនៅថ្ងៃដដែលនេះដែរ។
បន្ទាប់ពីឆ្លងកាត់ការធ្វើតេស្ត៍ធ្លាក់ជាច្រើនលើកនោះ ស្មាតហ្វូនស៊េរីថ្មី Meizu Note 8 នៅតែរក្សានូវរូបរាងដដែល គឺមានន័យថា ស្មាតហ្វូននេះ គឺមិនមានការបាក់បែកនោះទេ ហើយនេះ គឺជាចំណុចដែលធ្វើអោយស្មាតហ្វូននេះ អាចឈានទៅដល់ការលក់នៅក្នុងកម្រិតមួយដែលល្អសម្រាប់ក្រុមហ៊ុនផងដែរ។ យោងទៅតាមព័ត៌មានដែលទទួលបានពីបញ្ជីនៅលើ TENAA អោយដឹងថា ស្មាតហ្វូននេះ គឺមានលក្ខណៈស្រដៀងគ្នាទៅនឹងស្មាតហ្វូន Meizu V8។ ផ្នែកខាងក្រោយរបស់ស្មាតហ្វូនទាំងពីរនេះគឺធ្វើពីលោហធាតុ។ បន្ថែមពីនេះទៀតនោះ ផ្នែកខាងក្រោយនេះ គឺមានភ្លើង Flash ប្រព័ន្ធកាមេរ៉ាភ្លោះ និងប្រព័ន្ធស្កេនក្រយ៉ៅដៃ fingerprint recognition module ដែលពិតជាដូចគ្នាបេះបិទ។
ស្មាតហ្វូនស៊េរីថ្មី Meizu Note 8 នេះ ប្រើប្រាស់នូវអេក្រង់ទំហំ 6.0-inch 2160×1080 full screen ជាមួយនឹងកម្រិត aspect ratio 18:9។ ស្មាតហ្វូននេះ ប្រើប្រាស់នូវបន្ទះឈីប Eight-Core Processor ជាមួយនឹងល្បឿន 1.8GHz ។ ស្មាតហ្វូននេះមានរ៉េមទំហំ 4GB និងម៉េមូរីក្នុងម៉ាស៊ីនទំហំ 64GB ។ បើនិយាយអំពីប្រព័ន្ធកាមេរ៉ាវិញនោះ ស្មាតហ្វូននេះ មានកាមេរ៉ាភ្លោះទំហំ 12MP+8MP នៅផ្នែកខាងក្រោយ និងកាមេរ៉ាខាងមុខទំហំ 8MP។ ស្មាតហ្វូននេះ មានថាមពលថ្ម 3500 mAh។ សម្រាប់តម្លៃផ្លូវការរបស់ស្មាតហ្វូននេះ នៅមិនទាន់បញ្ជាក់នៅឡើយទេ។ ស្មាតហ្វូននេះ អាចនឹងមានតម្លៃចន្លោះពី 1000 យន់ ទៅ 1500 យន់ ($145 ទៅ $217) ៕