វត្តមាននៃការមកដល់នៃ Razer Phone កន្លងមក បានចាប់ផ្តើមក្លាយជានិន្នាការថ្មីមួយ ដែលបានជុំរុញនាំឱ្យមានការបង្កើតនូវស្មាតហ្វូនជាច្រើន ដូចជា Asus ROG, Honor Play និង Huawei Mate 20 X ជាដើម។ បើយោងតាមប្រភព នៃឧស្សាហកម្មមួយដែលផ្សាយចេញកាលពីពេលថ្មីៗនេះ បញ្ជាក់ថា ស្មាតហ្វូនទាំងនេះ អាចនឹងប្រឈមមុខ នឹងការប្រកួតប្រជែងដ៏តឹងតែងមួយចំនួនពីក្រុមហ៊ុន Samsung នាពេលឆាប់ៗនេះ។
ស្របពេលដែលព័ត៌មានលំអិតពិតប្រាកដអំពីស្មាតហ្វូនពិសេសនេះ នៅមិនទាន់ត្រូវបានផ្តល់ជូននោះ ស្មាតហ្វូនហ្គេមថ្មីនេះ ធ្លាប់បានគេបង្ហាញឱ្យដឹងកន្លងមកថា ក្រុមហ៊ុន Samsung បានធ្វើការលើឧបករណ៍អេឡិចត្រូនិកប្រភេទ Galaxy A ដែលមានបំពាក់ដោយបន្ទះឈីប Snapdragon 845 ដែលអាចប្រាប់ពីប្រភពដែលកំពុងនិយាយ អំពីឧបករណ៍ដូចគ្នានេះ។ បើសិនជានេះជាការពិតនោះ ស្មាតហ្វូនថ្មីនេះ អង្គចងចាំ RAM មានទំហំ 8GB ជាមួយទំហំផ្ទុកប្រហែលជា 128GB និងអាចមានទំហំផ្ទុក 64GB និង 256GB ផងដែរ។ ស្មាតហ្វូននេះ នឹងត្រូវបានបញ្ចប់ដោយថ្មដ៏ធំមួយ ដែលមានទំហំ 4,000mAh, ប្រព័ន្ធប្រតិបត្តិការ Android 8.1 Oreo, និងអាចជាប្រព័ន្ធ Water Carbon Cooling System ដូចទូរស័ព្ទ Galaxy Note 9 ដែរ។
នៅផ្នែកខាងក្រៅ នៃស្មាតហ្វូនលេងហ្គេមថ្មីនេះ ត្រូវបានគេដឹងថា ទំនងជានឹងទទួលយកការច្នៃប្រឌិតទូទៅ ដែលមានលក្ខណៈស្តង់ដារដូច Galaxy A7 និង Galaxy A9 ថ្មីដែរ។ នេះមានន័យថា កញ្ចក់ និងអាលុយមីញ៉ូម ត្រូវបានគេរំពឹងថា នឹងមានការបង្ហាញពីអេក្រង់ Infinity ដែលមានលក្ខណះ Flat edges។ នាពេលបច្ចុប្បន្ននេះ នៅមិនទាន់មានព័ត៌មាន ស្តីពីកាលបរិច្ឆេទ ឬភាពទាន់សម័យ នៃការប្រកាសចេញនោះទេ។ ប៉ុន្តែទោះជាយ៉ាងណាក៏ដោយ ជាមួយនឹងរដូវកាលវិស្សមកាល នៅជុំវិញព័ត៌មាននេះ ក្រុមហ៊ុន Samsung អាចនឹងប្រកាសចេញជាផ្លូវការស្មាតហ្វូននេះ នៅចុងខែវិច្ឆកាខាងមុខ គឺចំពេលវេលា សម្រាប់ការរីកចំរើននៅក្នុងទីផ្សារទំនើបនៅខែធ្នូផងដែរ៕
