ថ្ងៃនេះ មានការបង្ហាញចេញនូវប៉ាតង់មួយរបស់ក្រុមហ៊ុន Samsung ដោយបញ្ជាក់អំពីរបៀបដែលប្រព័ន្ធស្កេនក្រយ៉ៅដៃអុបទិកដែលប្រើប្រាស់នៅក្រោមអេក្រង់របស់ស្មាតហ្វូន Galaxy S10។ នេះមិនមែនជាលើកទីមួយនោះទេដែលយើងឃើញនូវប៉ាតង់ស្រដៀងគ្នានេះ ហើយវាគឺជាការអនុវត្តនូវបច្ចេកវិទ្យាកម្រិតខ្ពស់បំផុតរហូតមកទល់ពេលនេះ។ កន្លងមក មានពាក្យចចាម អារ៉ាមអំពីស្មាតហ្វូនស៊េរីថ្មី Samsung នឹងប្រើប្រាស់នូវប្រព័ន្ធស្កេនក្រយ៉ៅដៃ FOD (Fingerprint-On-Display)។
ការបង្ហាញខ្លួនស្មាតហ្វូនស៊េរីថ្មី Galaxy S9 កាលពីឆ្នាំមុននេះ នៅមិនទាន់ប្រើប្រាស់នូវបច្ចេកវិទ្យានេះទេ គេរំពឹងថា បច្ចេកវិទ្យានេះ ត្រូវបានគេជឿជាក់ថា នឹងប្រើប្រាស់នៅលើស្មាតហ្វូន Galaxy Note 9។ ប៉ុន្តែនៅពេលដែលស្មាតហ្វូន Galaxy Note 9 បានបង្ហាញខ្លួន មិនមានបច្ចេកវិទ្យានេះនោទេ។ អ្នកវិភាគ បាននិយាយថា បច្ចេកវិទ្យានេះ អាចនឹងមានប្រើប្រាស់នៅលើស្មាតហ្វូនថ្នាក់កណ្តាលសិន នៅមុនពេលដែល ស្មាតហ្វូនបានចាប់ផ្តើមប្រើប្រាស់នៅលើស្មាតហ្វូន Galaxy S10។
នៅថ្ងៃនេះ WIPO បានបញ្ចេញនូវប៉ាតង់មួយ ដែលមានឈ្មោះថា ELECTRONIC DEVICE COMPRISING BIOMETRIC SENSOR ដែលបានចុះបញ្ជីនៅដើមឆ្នាំ។ យោងតាមប្រភពកន្លងមក មានការបញ្ជាក់ថា ប៉ាតង់ដំបូង គឺស្ថិតនៅក្នុងប្រទេសកូរ៉េ ដែលចាប់ផ្តើមនៅក្នុងខែមេសាឆ្នាំ 2017។ អ្វីដែលយើងឃើញនៅលើសេនស័រអុបទិក ដែលប្រើប្រាស់នៅក្រោមអេក្រង់របស់ស្មាតហ្វូនត្រកូល Galaxy នោះ គឺខុសប្លែកពីសេនស័រដែលប្រើប្រាស់នៅលើស្មាតហ្វូនមុនៗ។ សេនស័រនេះ គឺជា Pressure-Sensitive ដែលដូចគ្នាទៅនឹង Virtual Home Key នៅលើស្មាតហ្វូន Galaxy S និង Note អញ្ចឹង។ សម្រាប់ការរចនារូបរាងផ្នែកខាងក្រោមរបស់ស្មាតហ្វូន Galaxy S10 ត្រូវបានគេជឿជាក់ថា នឹងមានគែមស្តើងជាងមុន និងមានរាងស្រស់ស្អាតបំផុត៕