no-alternative title
no-alternative title
no-alternative title
no-alternative title
no-alternative title
no-alternative title
no-alternative title

Nokia 3,5,6 នឹងអាចធ្វើបច្ចុប្បន្នភាពឡើងទៅកាន់ប្រតិបត្តិការ Android Pie ក្នុងពេលឆាប់ៗនេះ

កាលពីដើមខែតុលាក្រុមហ៊ុន HMD Global ដែលជាក្បាលម៉ាស៊ីនរបស់ទូរស័ព្ទម៉ាក Nokia បានប្រកាសថា ក្រុមហ៊ុន នឹងដាក់អោយធ្វើបច្ចុប្បន្នភាព (Update) ឡើងទៅកាន់ប្រតិបត្តិការ Android  ជំនាន់ចុងក្រោយគឺ Android 9.0 Pei នៅដំណាច់ខែវិច្ឆិកាកន្លងទៅនេះ សម្រាប់ស្មាតហ្វូន Nokia ចំនួន 4 ម៉ូដែលមានដូចជា Nokia 6.1, 6.1 Plus, Nokia 8 និង 8 Siricco។ ហើយប្រសិនបើដូចពាក្យដែលក្រុមហ៊ុនបានសន្យាពិតមែននោះគឺមានទូរស័ព្ទ Nokia យ៉ាងហោចណាស់ចំនួន 5 ម៉ូដែល ដែលទទួលបានការបន្ទាន់សម័យឡើងទៅកាន់ Android 9.0 Pei ដោយរាប់បញ្ចូលទាំង Nokia 7 Plus ដែលទទួលបានការធ្វើបច្ចុប្បន្នភាពរួចរាល់ហើយ។ 

ជាងនេះទៅទៀត HMD ក៏បានប្រកាសក្នុងពេលថ្មីៗនេះទៀតថា “នឹងមានទូរស័ព្ទ Nokia ម៉ូដែលផ្សេងៗទៀតដែលនឹងទទួលបានការដំឡើងទៅកាន់ប្រតិបត្តិការចុងក្រោយនេះផងដែរក្នុងនោះមានដូចជា Nokia 3, Nokia 5 និង Nokia 6 ដែលម៉ូដែលទាំងបីនេះនឹងអាចធ្វើការដំឡើងទៅកាន់ Android Pei បានបន្ទាប់ពីម៉ូដែលទាំង 4 ខាងលើដែលក្រុមហ៊ុនបានប្រកាសកាលពីដើមខែតុលានោះ”។ HMD បានបង្ហាញហេតុផលថា “គឺដោយសារតែ Google បានបញ្ចេញការ update ប្រព័ន្ធប្រតិបត្តិការ Android ថ្មីទៅឱ្យក្រុមហ៊ុនផ្គត់ផ្គង់បន្ទះឈីបជាមុនហើយបន្ទាប់មកទើបបានទៅដល់ក្រុមហ៊ុនផលិតស្មាតហ្វូន ដូច្នោះហើយក្រុមហ៊ុនខ្លួនបានបើកអោយធ្វើការ update ប្រព័ន្ធប្រតិបត្តិការ Android Pie ជាដំណាក់កាលៗជាជាងការបើកអោយ update សម្រាប់ស្មាតហ្វូនទាំងអស់”។ 

ដូច្នេះប្រសិនបើលោកអ្នកជាម្ចាស់ទូរស័ព្ទស្មាតហ្វូន Nokia ម៉ូដែលមួយក្នុងចំណោមស្មាតហ្វូន Nokia ទាំងបីដែលខាងលើនេះអាចនឹងទទួលបានការ update ទៅកាន់ Android Pie នៅដើមឆ្នាំក្រោយ ក៏ប៉ុន្តែយើងរំពឹងថា HMD នឹងពន្លឿនក្នុងការដាក់អោយអតិថិជនរបស់ខ្លួនអាចធ្វើការ update បានមុនដំណាច់ឆ្នាំនេះតាមតែអ្វីដែលក្រុមហ៊ុនអាចធ្វើបាន។ ដូចនេះម្ចាស់ស្មាតហ្វូន Nokia ទាំងបីម៉ូដែលនេះនឹងទទួលបានភាពរីករាយក្នុងការភ្លករសជាតិបទពិសោធន៍ប្រើប្រាស់មុខងារៗថ្មីនៅលើស្មាតហ្វូនរបស់ខ្លួនក្រោយពេលបានធ្វើការ update រួចដោយមិនចាំបាច់ត្រូវប្តូរទូរស័ព្ទថ្មីឡើយ៕

no-alternative title
ព័ត៌មានពាណិជ្ជកម្ម