no-alternative title
no-alternative title
no-alternative title
no-alternative title
no-alternative title
no-alternative title
no-alternative title

Samsung នៅតែនាំមុខក្នុងទីផ្សារស្មាតហ្វូននៅអាមេរិកខាងជើងទោះជាការនាំចេញសរុបមានការធ្លាក់ចុះក៏ដោយ

តាមការបញ្ជាក់នៅក្នុងរបាយការណ៍មួយពីក្រុមហ៊ុនតាមដានឧស្សាហកម្ម Strategy Analytics ដែលបង្ហាញនៅថ្ងៃទី 5 ខែវិច្ឆិកានេះ បានអោយដឹងថា ក្រុមហ៊ុន Samsung Electronics កំពុងតែមានការកើនឡើងទៅលើចំណែកទីផ្សារស្មាតហ្វូនរបស់ខ្លួននៅក្នុងអាមេរិកខាងជើង សម្រាប់ត្រីមាសទី 3 ឆ្នាំ 2018 នេះ បើទោះបីជាការនាំចេញសរុបមានការធ្លាក់ចុះបន្តិចក៏ដោយ។ ក្រុមហ៊ុនបច្ចេកវិទ្យាយក្សរបស់ប្រទេសកូរ៉េខាងត្បូងនេះ គឺមានការកើនឡើងដល់ទៅ 27.8% នៃចំណែកទីផ្សាររបស់ខ្លួនទៅលើការនាំចេញនៅក្នុងខែកក្កដា ដល់ខែកញ្ញា ដែលកើនឡើងពី 25.7% បើធៀបទៅនឹងឆ្នាំមុននេះ។ 

សម្រាប់ស្មាតហ្វូនសរុបដែលលក់បានវិញ គឺមានការធ្លាក់ចុះ 400,000 គ្រឿងគឺនៅត្រឹមតែ 10.3 លានគ្រឿងប៉ុណ្ណោះ នេះបើតាមការបង្ហាញរបស់ទិន្នន័យ។ ចំណែកទីផ្សារត្រីមាសទី 3 របស់ក្រុមហ៊ុន Samsung មានការធ្លាក់ចុះពី 28.7 ដែលបានបង្ហោះ កាលពីត្រីមាសមុននេះ។ សម្រាប់ការនាំចេញស្មាតហ្វូននៅក្នុងទីផ្សារអាមេរិកខាងជើងនៅក្នុងត្រីមាសទី 3 នេះគឺមានចំនួន 37.1 លានគ្រឿងដែលមានការធ្លាក់ចុះ 11% ពី 41 លានគ្រឿងនៅក្នុងរយៈពេលដូចគ្នានៅឆ្នាំ 2017 នេះ បើតាមទិន្នន័យដែលបង្ហាញដោយ Strategy Analytics ។ 

រីឯក្រុមហ៊ុន LG Electronics គឺមានការកើនឡើងទៅលើចំណែកទីផ្សាររបស់ខ្លួនដល់ទៅ 18.9 ដែលកាលពីឆ្នាំមុននេះ គឺមានត្រឹមតែ 17% ប៉ុណ្ណោះ ប៉ុន្តែការនាំចេញរបស់ក្រុមហ៊ុននេះ គឺមានការធ្លាក់ចុះដល់ទៅ 100,000 គ្រឿងដែលក្រុមហ៊ុននេះ សម្រេចបានការលក់ត្រឹមតែ 7 លានគ្រឿងប៉ុណ្ណោះ នេះបើតាមអ្នកឃ្លាំមើលឧស្សាហកម្មនេះ បាននិយាយអោយដឹង។ ក្រុមហ៊ុន LG មានចំណែកទីផ្សារដល់ទៅ 16.2% សម្រាប់ត្រីមាសមុននេះ។ ចំពោះ ក្រុមហ៊ុន Apple របស់សហរដ្ឋអាមេរិកវិញ គឺមានការនាំចេញស្មាតហ្វូនចំនួន 13 លានគ្រឿងនៅក្នុងទីផ្សារឈរនៅចំណាត់ថ្នាក់ខ្ពស់ជាងគេជាមួយនឹងចំណែកភាគហ៊ុនដល់ទៅ 35%។ Apple មានការកើនឡើងទាំងចំណែកទីផ្សារ និងចំនួននៃការលក់របស់ខ្លួនពីឆ្នាំមុននេះជាមួយនឹង 30.7% និង12.8 លានគ្រឿង។

អ្នកឃ្លាំមើលឧស្សាហកម្មនេះ បាននិយាយថា តួរលេខនេះ គឺ “ក្រុមហ៊ុន Samsung នៅមិនមិនទាន់ទទួលបានផលប្រយោជន៍ទាំងស្រុង ជាមួយនឹងវត្តមានរបស់ស្មាតហ្វូន Galaxy Note 9 នៅក្នុងទីផ្សារអាមេរិកខាងជើងនោះទេ។ សម្រាប់ក្រុមហ៊ុន LG វិញ នៅតែរក្សាបាននូវកំណើនរបស់ខ្លួននៅទីនេះ ជាមួយនឹងយុទ្ធសាស្ត្រផ្តោតទៅលើផលិតផលថ្នាក់ប្រណិតនៅក្នុងអាមេរិកខាងជើង និងទីផ្សារជាច្រើនរបស់ប្រទេសកូរ៉េ។ គូរប្រកួតប្រជែងរបស់ក្រុមហ៊ុន Samsung នេះ នៅតែរក្សាបាននូវកំណើននៃចំណែកទីផ្សាររបស់ខ្លួននៅក្នុងត្រីមាសនេះ៕”

no-alternative title
ព័ត៌មានពាណិជ្ជកម្ម