no-alternative title
no-alternative title
no-alternative title
no-alternative title
no-alternative title
no-alternative title
no-alternative title

Apple ទទួលបានលទ្ធផលដ៏អស្ចារ្យនៅសហរដ្ឋអាមេរិក ជាមួយនឹងចំណែកទីផ្សារ 9.4% តាមរយៈការលក់ iPhone 8 ដាច់បំផុត

ក្រុមហ៊ុន Huawei និងក្រុមហ៊ុន Apple ត្រូវបានគេមើលឃើញថា បានរក្សានូវដំណែងចំណាត់ថ្នាក់លេខ 2 នៅក្នុងត្រីមាសទី 3 ឆ្នាំ 2018 នេះ នៅក្នុងការនាំចេញស្មាតហ្វូនរបស់ខ្លួនទៅកាន់ទីផ្សារនៅជុំវិញពិភពលោក ប៉ុន្តែតួរលេខរបស់ក្រុមហ៊ុន Apple នៅក្នុងត្រីមាសនេះ គឺទទួលបានលទ្ធផលមិនធម្មតានោះទេ។ យោងតាមទិន្នន័យចុងក្រោយបំផុត ដែលផ្តល់អោយដោយក្រុមហ៊ុន Kantar Worldpanel បានបង្ហាញអំពីប្រាក់ចំណូលរបស់ក្រុមហ៊ុន Apple ដែលមានកម្រិតខ្ពស់នៅក្នុងទីផ្សារស្មាតហ្វូននៅសហរដ្ឋអាមេរិកនៅចន្លោះខែកក្កដា និងកញ្ញានៅក្នុងឆ្នាំនេះ ដោយសារ iPhone 8 គឺជាម៉ូដែលលក់ដាច់បំផុតនៅក្នុងត្រីមាសនេះ ជាមួយនឹងចំណែកទីផ្សារដែលមានរហូតដល់ទៅ 9.4% ឯណោះ។

ព័ត៌មានខាងលើនេះ បានសរសេរថា ប្រព័ន្ធប្រតិបត្តិការ iOS នៅតែជាកម្មវិធី Software ដែលមានការពេញនិយម មានចំណាត់ថ្នាក់លេខ 2 នៅក្នុងប្រទេសអ្នកមានមួយនេះ ប៉ុន្តែចំណែកភាគហ៊ុន 39.7% នៃការលក់នៅក្នុងត្រីមាសទី 3 នេះ គឺមានការកើនឡើងបើធៀបទៅនឹងឆ្នាំមុននេះ ដែលមានន័យថា ចំនួនស្មាតហ្វូន Android ក៏មានការធ្លាក់ចុះផងដែរ បើទោះបីជាក្រុមហ៊ុន Google និងដៃគូផលិត Hardware របស់ខ្លួនមានមោទនភាពចំពោះលទ្ធផលរបស់ខ្លួននៅក្នុងទ្វីបនេះក៏ដោយ។ Android គឺមានការកើនឡើងដែលមិនគួរអោយជឿធំឡើងៗនៅក្នុងប្រទេសជាច្រើនដូចជាអេស្ប៉ាញ អ៊ីតាលី និងបារាំងដែលវាគ្របដណ្តប់នៃការលក់ EU5 នៅក្នុងរយៈពេល 3 ខែជាមួយនឹងចំណែកទីផ្សារ 82% ដែលកាលពីឆ្នាំមុននេះគឺមានតែ 79.7% តែប៉ុណ្ណោះ។

បើនិយាយពី Huawei និង Xiaomi នៅតែបន្តនូវកំណើនរបស់ពួកគេនៅក្នុងតំបន់អ៊ឺរ៉ុប ហើយជាប់ចំណាត់ថ្នាក់ក្រុមហ៊ុនកំពូលទាំង 5 ជាមួយនឹងវត្តមាននៃស្មាតហ្វូន P20 Lite និង Redmi Note 5 ស្របពេលដែលស្មាតហ្វូន Xiaomi Mi 8 គឺបានគ្រប់ដណ្តប់ទៅលើការលក់នៅក្នុងប្រទេសចិន តាមពីក្រោយដោយ iPhone X របស់ក្រុមហ៊ុន Apple។ សូមជំរាបថា រហូតមកដល់ពេលនេះ ប្រទេសចិន អូស្ត្រាលី និងអាល្លឺម៉ង់ គឺជាទីផ្សារធំផ្សេងទៀតក្រៅពីសហរដ្ឋអាមេរិក ដែលមានការលក់ iOS កើនឡើង ស្របពេលដែល Android កំពុងតែមានការកើនឡើងគ្រប់ទីកន្លែងដូចគ្នា៕

 

no-alternative title
ព័ត៌មានពាណិជ្ជកម្ម