បន្ទាប់ពីស្មាតហ្វូនស៊េរីថ្មី Mate 20 Pro ត្រូវបានដោះមើលគ្រឿងក្នុងដោយ ZOL រួចមក នៅពេលនេះ ស្មាតហ្វូន គឺដល់ពេលសម្រាប់ក្រុមហ៊ុ iFixit នៅក្នុងការដោះមើលគ្រឿងក្នុងរបស់ស្មាតហ្វូននេះម្តងហើយ។ ក្រុមហ៊ុន iFixit ដោយបានបញ្ជាក់ថា ស្មាតហ្វូននេះ គឺពិតជាពិបាកនៅក្នុងការជួសជុលមែនទែន។ មានព័ត៌មានលម្អិតជាច្រើនទៀតអំពីប្រព័ន្ធកាមេរ៉ា និងមុខងារជាច្រើនទៀត ដែលត្រូវបានដោះចេញខ្ទេចដោយក្រុមហ៊ុន iFixit។
Huawei Mate 20 Pro គឺជាស្មាតហ្វូនចុងក្រោយបំផុត ស្មាតហ្វូននេះ មានលក្ខណៈសម្បត្តិខ្លាំងក្លាជាមួយនឹងការប្រើប្រាស់នូវបន្ទះឈីប Kirin 980 SoC ជាមួយនឹងបច្ចេកវិទ្យា AI ដែលត្រូវដោះមើលគ្រឿង នៅក្នុងដោយក្រុមហ៊ុន iFixit។ អាជ្ញាធរ DIY បានរកឃើញនូវការប្រើប្រាស់នូវកាវច្រើនពេកនៅផ្នែកខាងក្រោយ និងផ្នែកខាងមុខ ហើយវាពិតជាពិបាកនៅក្នុងការជួសជុលទៅលើស្មាតហ្វូននេះ។
នៅពេលដែលបើកមើលស្មាតហ្វូនេះ iFixit បានរកឃើញថា គឺពិតជាពិបាកមែនទែនក្នុងការបើកមើលផ្នែកខាងក្រោយរបស់ស្មាតហ្វូននេះ ដោយសារតែការប្រើប្រាស់នូវកាវច្រើនហួសហេតុពេក។ អ្នកជួសជុលអាចនឹងធ្វើឱ្យស្មាតហ្វូននេះ បាក់បែកបាននៅពេលដែលបើកផ្នែកខាងក្រោយដោយមិនបានប្រយ័ត្ន។ សូម្បីតែការជួសជុលទៅលើអេក្រង់របស់ស្មាតហ្វូននេះ ក៏មិនមែនជារឿងងាយស្រួលដែរ ដោយសារតែវាភ្ជាប់ជាមួយនឹងកាវយ៉ាងតឹង។ បន្ថែមពីនេះទៀតនោះ វាក៏អាចធ្វើអោយខូចទៅលើអេក្រង់ដូចគ្នា ដោយសារតែបញ្ហាទៅលើប្រព័ន្ធស្កេនក្រយ៉ៅដៃក្រោមអេក្រង់។
នៅលើ Mid-Board ដែលស្ថិតនៅក្នុងចន្លោះកញ្ចក់ គឺមានថាមពលថ្មដែលមានផ្ទុកនូវ NFC Antenna, wireless charging coil, Fual LED flash។ ផ្នែកទាំងមូលនេះ គឺភ្ជាប់ជាមួយនឹងតួខ្លួនដែលមានខ្សែភ្ចាប់មួយ និងវីស 8 គ្រាប់។ ក្រុមហ៊ុន Huawei ក៏បានបន្ថែមនូវ Main Board តូចមួយសម្រាប់ផ្ទុកនូវ Kirin 980 និងមានរ៉េមទំហំ 8GB, Wi-fi Adapter និង 2×2 MIMO port។ លោកអ្នកអាចមើលឃើញនូវ Modules នៃ 3D unlock hardware កាមេរ៉ា 3 គ្រាប់និងវត្ថុជាច្រើនទៀត។ សម្រាប់ Main Board នេះគឺមានខ្សែចំនួន 9 ។
បន្ថែមពីនេះ កាមេរ៉ាខាងមុខរបស់ស្មាតហ្វូននេះ ស្ថិតនៅលើ Mainboard ដែលរួមមានដូចជា កាមេរ៉ាទំហំ 24MP, Rangefinder និងសេនស័រ proximity រួមជាមួយនិង Flood Illuminator ព្រមទាំងសេនស័រ ambient light sensor ហើយនិង IR camera ផងដែរ។ លើសពីនេះទៀតនោះ ក្រុមហ៊ុន Huawei ក៏ប្រើប្រាស់នូវខ្ចៅរបស់ក្រុមហ៊ុន Phillips dដោយប្រើប្រាស់នូវខ្ចៅធម្មតានោះទេ។ ។ ស្មាតហ្វូននេះ ទទួលបានពិន្ទុ 4/10 ទៅលើភាពងាយស្រួលនៃការជួសជុល។ ស្មាតហ្វូន Mate 20 Pro មិនមែនជាស្មាតហ្វូនដែលពិបាកជួសជុលតែម្នាក់ឯងនោះទេ សូម្បីតែស្មាតហ្វូន Galaxy Note 9, LG G7 និង Mate 10 Pro ក៏ទទួលបានពិន្ទុស្រដៀងគ្នាផងដែរ៕