Vulkan គឺជាបច្ចេកវិទ្យានៃក្រាហ្វិកកាត 3D graphics API ចុងក្រោយបំផុតរបស់ក្រុមហ៊ុន Qualcomm ដែលត្រូវបានដាក់ដំណើរការជាជំនាន់បន្ទាប់សម្រាប់ OpenGL។ សម្រាប់ API ថ្មីនេះ គឺមានវត្តមាននៅលើ Adreno 5xx និង Adreno 6xx GPUs ជាមួយនឹងការនាំយកនូវក្រាហ្វិកកាតកម្រិតខ្ពស់បំផុតសម្រាប់ស្មាតហ្វូនជាច្រើន។ គុណសម្បត្តិមួយនៅក្នុងចំណោមគុណសម្បត្តិជាច្រើនសម្រាប់ Vulkan API នេះ គឺសម្រាប់ការដំណើរការទៅលើមុខងារ multi-threading ដែលខុសប្លែកពី OpenGL។
បច្ចេកវិទ្យានេះ គឺផ្តល់នូវប្រព័ន្ធ System ដែលធ្វើការពង្រឹងទៅលើល្បឿននៃ CPU Cores ទៅលើក្រាហ្វិក GPU និងប្រតិបត្តិការនៃម៉េមូរីផងដែរ។ Vulkan API នេះគឺធ្វើការអភិវឌ្ឍនៅលើ cross-platform រវាង PC, Consoles និងឧបករណ៍ស្មាតហ្វូនដែលងាយស្រួលប្រើប្រាស់បំផុត។ កន្លងមក មានការបង្ហាញថា ក្រុមហ៊ុន Qualcomm កំពុងតែធ្វើការជាមួយនឹងក្រុមអ្នកអភិវឌ្ឍហ្គេមក្នុងការគ្រប់គ្រងទៅលើហ្គេមជាច្រើនដើម្បីទាញយកផលប្រយោជន៍ពី API ថ្មីនេះ។
ភាពជាដៃគូនេះ គឺបង្កើតនូវការគ្រប់គ្រងទៅលើ Version ទៅលើហ្គេមដ៏ពេញនិយមរបស់ស្មាតហ្វូន King of Glory។ ក្រុមហ៊ុន Qualcomm ក៏បញ្ចេញនូវបញ្ជីនៃស្មាតហ្វូនជាច្រើនដែលអាចដំណើរការជាមួយនឹង Version ថ្មីនៃហ្គេមនេះផងដែ នៅក្នុងនោះរួមានដូចជា Xiaomi – Mi MIX 3, Mi 8 Pro, Mi 8 Explorer Edition, Mi 8 Lite, mi 8, Mi 8 SE, Mi MIX 2S, Mi MIX 2, Mi Note 3, Redmi 6X, Redmi Note 5។ OPPO Find X។OnePlus 6, OnePlus 6T។ Vivo Z3, Vivo X23 និង Meizu X8។ Qualcomm បញ្ជាក់ថា សម្រាប់បញ្ជីនៃស្មាតហ្វូនដែលទ្រទ្រង់នូវហ្គេមនេះនឹងបន្តនូវការអាប់ដេតទៀតនៅពេលខាងមុខនេះ៕
