បន្ទាប់ពីការប្រកាសបង្ហាញទៅកាន់ពិភពលោកនូវអេក្រង់ Infinity Display នៅក្នុងខែមីនាឆ្នាំ 2017 នោះ ថ្មីៗនេះក្រុមហ៊ុន Samsung បញ្ចេញនូវអេក្រង់ចំនួន 4 ប្រភេទស៊េរីថ្មីរបស់ខ្លួនដែលនឹងឆាប់ៗនេះ បានប្រកាសថា នឹងដាក់អោយប្រើប្រាស់នៅលើស្មាតហ្វូនជាច្រើនរបស់ខ្លួន។
តាមការបញ្ជាក់អំពីប្រភពដែលអាចជឿជាក់បាននោះ អេក្រង់មួយនៅក្នុងចំណោមអេក្រង់ទាំង 4 នេះនឹងប្រើប្រាស់នៅលើស្មាតហ្វូនស៊េរីថ្មី Galaxy S10។ បើទោះបីជាក្រុមហ៊ុន Samsung បានបញ្ចេញនូវអេក្រង់ Notch Display ចំនួន 2 នៅថ្ងៃផ្សេងទៀតក៏ដោយ ក៏អេក្រង់ទាំងនេះ នឹងប្រើប្រាស់នៅលើស្មាតហ្វូនថ្នាក់ទាប និងស្មាតហ្វូនថ្នាក់កណ្តាលដូចគ្នា។ សម្រាប់ស្មាតហ្វូនស៊េរីថ្មីនាពេលខាងមុខនេះនឹងប្រើប្រាស់នូវអេក្រង់ប្រភេទ Infinity-O panel ស៊េរីថ្មី ដែលមានបន្ទះមូលតូចមួយស្ថិតនៅជ្រុងខាងឆ្វេងសម្រាប់ដាក់កាមេរ៉ាខាងមុខ។
បន្ទាប់ពីមានការប្រកាសចេញកាលពីខែមុននេះ ដែលបញ្ជាក់ថា ក្រុមហ៊ុន Samsung កំពុងតែធ្វើការនៅលើអេក្រង់ Displays ជាច្រើន ជាមួយនឹងកាមេរ៉ាដែលលាក់នៅក្នុងអេក្រង់នេះ ហើយព័ត៌មាននេះ ក៏ធ្វើឱ្យមានការខកចិត្តផងដែរ ដោយសារតែការសម្រេចចិត្តនេះ គឺជាប់ទាក់ទងទៅនឹងស្ថានភាពនៃបច្ចុប្បន្នភាពរបស់បច្ចេកវិទ្យាថ្មី។ គំនិតនេះគឺថ្មី បានអនុវត្តទៅលើការថតរូបភាពដែលមានផ្ទៃខាងក្រោយព្រិលៗថែមទៀតផង។ រឿងនេះ ត្រូវបានអ្នកប្រើប្រាស់ជាច្រើន រំពឹងថា នឹងកើតឡើងនៅក្នុងឆ្នាំ 2020 ហើយប្រហែលជាប្រើប្រាស់នៅលើស្មាតហ្វូន Galaxy S11 ។
បើនិយាយអំពីស្មាតហ្វូន Galaxy S10 ស្មាតហ្វូននេះ នឹងមានការ Upgrades ទៅលើមុខងារជាច្រើន។ សម្រាប់ស្មាតហ្វូននេះ នឹងដកចេញនូវប្រព័ន្ធស្កេនក្រយ៉ៅដៃនៅខាងក្រោយចេញជាមួយនឹងការប្រើប្រាស់នូវបច្ចេកវិទ្យាស្កេនក្រយ៉ៅដៃក្រោមអេក្រង់វិញ។ បន្ថែមពីនេះទៀតនោះ កាមេរ៉ា 3 គ្រាប់នៅខាងក្រោយនឹងប្រើប្រាស់នៅលើស្មាតហ្វូន Galaxy S10+ ស្របពេលដែលបន្ទះឈីប 7nm គឺប្រើប្រាស់នៅគ្រប់ម៉ូដែល។ ស្មាតហ្វូនស៊េរីថ្មីនេះនឹងដាក់លក់ជាមួយនឹង 6 ពណ៌ដ៏ស្រស់ស្អាតសម្រាប់ជ្រើសរើស៕
