ជាមួយនឹងការប្រើប្រាស់នូវទំហំអេក្រង់កាន់តែធំសម្រាប់ស្មាតហ្វូនរបស់ខ្លួន ក្រុមហ៊ុនផលិតស្មាតហ្វូនជាច្រើន បានចាប់ផ្តើមបញ្ចេញនូវអេក្រង់ ដែលមានគែមព័ទ្ធអេក្រង់កាន់តែស្តើងជាមួយនឹងការបញ្ចេញនូវ Notch ដ៏តូចមួយតែប៉ុណ្ណោះ។ ទំហំរបស់ Notch គឺបានកាត់បន្ថយកាន់តែតូចស្តើងសម្រាប់ស្មាតហ្វូនស៊េរីថ្មី។ ក្រុមហ៊ុន Samsung, Huawei និង ASUS គឺជាក្រុមហ៊ុនមួយចំនួននៅក្នុងចំណោមក្រុមហ៊ុនបច្ចេកវិទ្យាជាច្រើន ដែលបានធ្វើការនៅលើស្មាតហ្វូនដែលមានកាមេរ៉ាស្ថិតនៅក្រោមអេក្រង់ជាមួយនឹងរន្ធប្រហោងមួយនៅលើអេក្រង់សម្រាប់ដាក់កាមេរ៉ាខាងមុខ។
ថ្មីៗនេះ ក្រុមហ៊ុន Huawei បានទទួលបាននូវប៉ាតង់សម្រាប់ការប្រើប្រាស់នូវបច្ចេកវិទ្យាថ្មីមួយទៀត គឺប្រើប្រាស់រន្ធស្តាប់សំលេងនៅក្រោមអេក្រង់នៅក្នុង USPTO ដែលនឹងផ្តល់នូវរបៀបថ្មី នៃការផ្តល់នូវទំហំកាន់តែធំសម្រាប់អ្នកប្រើប្រាស់។ ប៉ាតង់ថ្មីនេះ ត្រូវបានស្នើរនូវនៅក្នុងខែកញ្ញា ឆ្នាំ 2016 ជាមួយនឹងក្រុមហ៊ុន USPTO។ ដូចដែលអ្នកអាចមើលឃើញនៅក្នុងរូបភាពដែលបង្ហាញអំពីប៉ាតង់នេះ អេក្រង់នៃស្មាតហ្វូន Huawei នេះ គឺមានប្រហោងតូចមួយដែលជាកន្លែងសម្រាប់ដាក់រន្ធស្តាប់សំលេង។ អ្វីដែលគួរអោយចាប់អារម្មណ៍នោះ មុខងារថ្មីនេះ គឹមិនទាន់មើលឃើញនៅផ្នែកខាងមុខរបស់ស្មាតហ្វូន ដែលជាកន្លែងសម្រាប់ដាក់កាមេរ៉ា Selfie នោះទេ។ ផ្នែកគែមខាងលើរបស់ស្មាតហ្វូន Huawei នេះ គឺភ្ជាប់ជាមួយនឹងរន្ធស្តាប់សំលេង 3.5mm ហើយគែមខាងក្រោមរបស់ស្មាតហ្វូននេះគឺមានរន្ធដោតបញ្ចូលថាមពល USB-C ។ ស្មាតហ្វូននេះមានតួខ្លួនគែមកោងជាមួយនឹងប៊ូតុង Power និងប៊ូតុងគ្រប់គ្រងសំឡេងដែលស្ថិតនៅគែមខាងស្តាំងរបស់វានោះ។
និយាយពីផ្នែកខាងក្រោយរបស់ស្មាតហ្វូននេះ គឺជាប្រភេទកាមេរ៉ាភ្លោះបញ្ឈរយ៉ាងស្រស់ស្អាត។ នៅក្រោមកាមេរ៉ានេះប្រហែលជាភ្លើង LED Flash ឬអាចជាកាមេរ៉ាទី ៣ ឬនេះគឺជាកន្លែងសម្រាប់ដាក់នូវប្រព័ន្ធស្កេនក្រយ៉ៅដៃខាងក្រោយផងដែរ។ រហូតមកដល់ពេលនេះ គឺមានក្រុមហ៊ុនបច្ចេកវិទ្យាជាច្រើន ដាក់ស្នើនូវប៉ាតង់នៃការរចនាផ្សេងៗគ្នាដែលមានរូបរាងដូចជា USPTO និង WIPO ប៉ុន្តែសម្រាប់ការរចនារូបរាងចុងក្រោយរបស់ស្មាតហ្វូននេះ នៅមិនទាន់ដឹងនៅឡើយទេ។ ដូចនេះ ក្រុមហ៊ុន Huawei នឹងផលិតបាននូវស្មាតហ្វូនប្រណិតជាច្រើន ដែលមានរូបរាងយ៉ាងស្រស់ស្អាតនៅពេលអនាគត។ សម្រាប់បច្ចេកវិទ្យាស្កេនក្រយ៉ៅដៃក្រោមអេក្រង់នេះ ត្រូវបានគេដឹងថា នឹងប្រើប្រាស់នៅលើស្មាតហ្វូន Huawei P30៕
