លោកអ្នកប្រហែលជាស្គាល់នូវរថយន្ត Mitsubishi L200 Triton ហើយ គឺជារថយន្តមួយតោនប្រភេទ Pickup ដែលធ្វើការផលិតនៅក្នុងទីក្រុងបាំងកក ប្រទេសថៃ ត្រូវបានដាក់លក់នៅក្នុងទីផ្សារជាច្រើននៅជុំវិញពិភពលោក។ យ៉ាងណាមិញ អាមេរិកមិនមែនជាប្រទេស ដែលទទួលបាននូវរថយន្តនេះនោះទេ។ ក្រុមហ៊ុនចែកចាយរបស់ Mitsubishi នៅក្នុងសហរដ្ឋអាមេរិក បានទាមទារអោយមានការដាក់លក់រថយន្ត Pickup នេះ សម្រាប់ដាក់លក់ទៅកាន់អតិថិជនជាច្រើនរបស់ខ្លួន ហើយក្រុមហ៊ុនបានគិតថា រថយន្តស៊េរីថ្មី Triton នេះ នឹងក្លាយជារថយន្តដែលមានការពេញនិយមបំផុត។ ប៉ុន្តែគួរអោយស្តាយមែនទែនដែលរថយន្តនេះ មិនដាក់លក់នៅក្នុងសហរដ្ឋអាមេរិក។
សម្រាប់ផ្នែកខាងក្នុងរបស់រថយន្តនេះ គឺប្រើប្រាស់នូវសម្ភារៈប្រណិត មានតម្លៃថ្លៃៗដូចជាក្តារកម្រាល ក្រណាត់ទ្រនាប់ជើង និងហ្វ្រាំងជាដើម។ សម្រាប់អ្នកទិញរថយន្តប្រភេទ 4WD នេះ អាចជ្រើសរើសនូវប្រព័ន្ធពីរគឺ Super-Select 4WD សម្រាប់ការអូសទាញ ឬប្រភេទ Easy-Select 4WD ដែលមានភ្ជាប់ជាមួយនឹង Modes សម្រាប់បើកបរជាច្រើនសម្រាប់បើកបរនៅលើស្ថានភាពផ្លូវដែលពិបាកៗនោះ។ សម្រាប់ប្រព័ន្ធទាំងពីរនេះ គឺមានការផ្តល់ជូននូវ off-road mode ថ្មីសម្រាប់ការបើកបរនៅលើផ្លូវភ្នំ ព្រិល ខ្សាច់ និងថ្មជាដើម។ វាក៏មានប្រព័ន្ធសុវត្ថិភាពនៃបច្ចេកវិទ្យាដ៏អស្ចារ្យសម្រាប់ការពារការប៉ះទង្គិចនៅខាងមុខ ប្រព័ន្ធព្រមានទៅលើចំណុចមើលមិនឃើញ (Blind Spot) ប្រព័ន្ធជូនដំណឹងចរាចរណ៍ខាងក្រោយ និងប្រព័ន្ធថ្មីហៅថា Multi Around Monitor សម្រាប់មើលទស្សនីយភាពដែលនៅព័ទ្ធជុំវិញរថយន្ត។ សម្រាប់តួខ្លួនរបស់រថយន្តនេះ គឺពិតជាកាលីបទាន់សម័យ និងបំពាក់នូវបច្ចេកវិទ្យាជាមួយនឹងលក្ខណៈពិសេសៗជាច្រើនទៀត
តាមការបញ្ជាក់របស់ក្រុមហ៊ុន Mitsubishi បានមោយដឹងថា បើទោះបីជារថយន្តនេះ នៅមិនទាន់ដាក់លក់នៅក្នុងអាមេរិកខាងជើងប្រភេទ L200/Triton ក៏ដោយ រថយន្តនេះ គឺជាម៉ូដែលដ៏សំខាន់ដែលមានការពេញនិយមខ្លាំង។ សម្រាប់ភាពជោគជ័យរបស់រថយន្តនេះ បានធ្វើឱ្យក្រុមហ៊ុននេះ មានសន្ទុះ នៃការរីកចម្រើនយ៉ាងខ្លាំង។ សម្រាប់រថយន្តម៉ូដែលថ្មីនេះ អាចធ្វើការពង្រឹងទៅលើភាពរឹងមាំ ការជឿជាក់ និងផាសុកភាពដែលធ្វើការអភិវឌ្ឍអស់រយៈពេលជាង 40 ឆ្នាំចាប់តាំងពីការបញ្ចេញរថយន្តស៊េរីម៉ូដែលនេះ។ ផ្អែកទៅលើការសន្ទនាដោយផ្ទាល់ជាមួយនឹងក្រុមហ៊ុន Mitsubishi បានអោយដឹងថា ក្រុមហ៊ុននេះ នឹងធ្វើការចូលជាថ្មីទៅកាន់ទីផ្សារ SUV នៅក្នុងសហរដ្ឋអាមេរិក។ នៅទីនោះ មានការពេញនិយមខ្លាំងសម្រាប់រថយន្តប្រភេទ Mid-Size Pickups ដូចជារថយន្ត Ranger ស៊េរីថ្មីជាដើម ដូចនេះ រថយន្ត SUV ប្រភេទ Truck របស់ក្រុមហ៊ុន Mitsubishi ប្រាកដជាមានការពេញនិយមខ្លាំងផងដែរ។
សូមជំរាបថា សព្វថ្ងៃនេះ រថយន្ត Ford Ranger, Chevrolet Colorado និង Toyota Tacoma គឺជាប្រភេទរថយន្ត Mid-Size Truck ដែលមានរូបរាងស្រស់ស្អាតជាមួយនឹងការរចនាប្រភេទ “Dynamic Shield” ហើយក្រុមហ៊ុនផលិតរថយន្តនេះ បានហៅរថយន្តទាំងនេះថា គឺជាប្រភេទរថយន្តដែលមានសមត្ថភាពខ្លាំងក្លា និងឥទ្ធិពលបំផុត ដែលកំពុងតែមានការពេញនិយមនៅសហរដ្ឋអាមេរិក៕
