ស្មាតហ្វូនជំនាន់ថ្មីមួយម៉ូដែលនៅក្នុងចំណោម 4 ម៉ូដែល ដែលត្រូវបានប្រកាសចេញដោយក្រុមហ៊ុន Huawei នៅក្នុងព្រឹត្តិការណ៍ពិសេស កាលពីខែមុន គឺ Mate 20 RS Porsche Design ពិតជាមានកិត្តិយសខ្លាំងណាស់ ដែលត្រូវបានគេចាត់ឍទុកថា គឺជាស្មាតហ្វូនដែលមានតំលៃថ្លៃបំផុត។ យើងបានឃើញរួចរាល់ហើយ សម្រាប់ការបញ្ជាទិញជាមុននៅចក្រភពអង់គ្លេស ជាមួយនឹងកាលបរិច្ឆេទដឹកជញ្ជូន ដែលរំពឹងទុកនៅថ្ងៃទី 16 ខែវិច្ឆិកាខាងមុខនេះ។
ថ្ងៃនេះ ក្រុមហ៊ុន Huawei បានបង្ហាញនូវកាលបរិច្ឆេទចេញលក់ជាផ្លូវការ សម្រាប់ស្មាតហ្វូននេះ នៅក្នុងទីផ្សារក្នុងស្រុករបស់ខ្លួន គឺនៅប្រទេសចិន។ អ្នកនឹងរកឃើញ Mate 20 RS Porsche នៅក្នុងស្តុក នៅលើបណ្តាញអ៊ីនធឺណែត នៅថ្ងៃទី 17 ខែវិច្ឆិកា វេលាម៉ោង 10:08 ព្រឹក។ ស្មាតហ្វូននេះ ត្រូវបានលក់ក្នុងតម្លៃ 12,999 យ័ន ប្រហែល 1,874 ដុល្លារ ឬ 1,649 អឺរ៉ូ។ ស្មាតហ្វូននេះ មានស្លាកសញ្ញា Porsche Design នៅខាងក្រោយ ដែលជាស្បែកពីរភាគបី និងកញ្ចក់ទីបី។
Huawei Mate 20 RS Porsche Design មានអេក្រង់ទំហំ 6.39 អ៊ីង AMOLED ទំហំ 1440x3120 ភិចសែល, បន្ទះឈីប Kirin 980 មាន RAM ទំហំ 8GB និងមានទំហំផ្ទុក 256 ឬ 512GB អាចបន្ថែមកាតអង្គចងចាំប្រភេទNano) និងថាមពលថ្ម 4,200 mAh។ ស្មាតហ្វូននេះ ដំណើរការប្រព័ន្ធប្រតិបត្តិការ Android 9 Pie ក្រោមអិនធើហ្វេស EMUI 9 របស់ក្រុមហ៊ុន Huawei ផ្ទាល់។ នៅផ្នែកខាងខ្នង មានប្រព័ន្ធកាមេរ៉ាបី ដោយទីមួយមាន 40 មេហ្គាភិចសែល មួយទៀតទំហំ 20 មេហ្គាភិចសែល និង 8 មេហ្គាភិចសែល៕