no-alternative title
no-alternative title
no-alternative title
no-alternative title
no-alternative title
no-alternative title
no-alternative title

Samsung បង្ហាញថា ទម្រង់នៃស្មាតហ្វូន ដែលអាចបត់បាន គឺអស្ចារ្យជាងអ្វីដែលបានរំពឹងទុក

នៅថ្ងៃនេះ មានការបង្ហាញនូវរូបរាងដ៏ស្រស់ស្អាតនៃអេក្រង់ Infinity Flex display របស់ក្រុមហ៊ុនបច្ចេកវិទ្យាយក្ស Samsung សម្រាប់ស្មាតហ្វូនដែលអាចបត់បាន ហើយនិងមានការទម្លាយអោយឃើញថា ទម្រង់នៃស្មាតហ្វូនដែលអាចបត់បាននេះ គឺពិតជាអស្ចារ្យជាងការរំពឹងទុក។ ស្មាតហ្វូននេះ មានអេក្រង់ទំហំ 7.3-inch ដែលអាចប្រើប្រាស់ជាថេប្លេតបាន។ ស្មាតហ្វូននេះ ក៏មានការប្រើប្រាស់ជាមួយនឹង One UI និង "Foldables" interface ថ្មីរបស់ Android ដែលមានសមត្ថភាពនៅក្នុងការផ្លាស់ប្តូរពីអេក្រង់ស្មាតហ្វូនទៅជាថេប្លេតដែលមានអេក្រង់ធំហើយនេះ មិនមែនជាការលេងល្បិច ឬវេទមន្តអ្វីនោះទេ។

នៅក្នុងអំឡុងពេលនៃការប្រកាសចេញនូវស្មាតហ្វូនដែលអាចបត់បាននេះ ក្រុមហ៊ុន ក៏បានកត់សម្គាល់ផងដែរថា សម្រាប់អេក្រង់ Cover Screen ខាងក្រៅ គឺជាមុខងារដែលត្រូវបានប្រើប្រាស់ជាធម្មតាទៅហើយនៅលើស្មាតហ្វូនសម្រាប់បង្ហាញអំពីការប្រើប្រាស់នូវ Apps ដោយមិនចាំបាច់បើកចូលទៅកាន់ស្មាតហ្វូននេះនោះទេ។ ប៉ុន្តែនៅពេលដែលប្រើប្រាស់ជាថេប្លេតវិញនោះ ឧបករណ៍នេះ នឹងចងចាំកន្លែងដែលអ្នកធ្លាប់បានបើកនៅលើ Apps នៅពេលដែលប្រើប្រាសនូវ Display ខាងក្រៅនេះ ហើយវានឹងពង្រីកសម្រាប់ការប្រើប្រាស់នៅលើអេក្រង់ធំជាងមុន។

អ្វីដែលគួរអោយកត់សម្គាល់បំផុតសម្រាប់ថ្ងៃនេះនោះគឺ នៅពេលនេះ មិនទាន់អស្ចារ្យដូចព្រឹត្តិការណ៍ឆ្នាំ 2007 របស់លោក Steve Jobs ដែល បង្ហាញនូវ iPhone នោះទេ ដោយសារតែនៅមិនទាន់ច្បាស់ថា នឹងប្រើប្រាស់ស្មាតហ្វូននេះ ដូចម្តេចទៅ។ កម្មវិធី 3 អាចបើកដំណើរការបាននៅក្នុងពេលតែមួយ ការផ្តល់នូវមុខងារ Multi-Tasking ដែលងាយស្រួលប្រើប្រាស់សម្រាប់អ្នក។ កម្មវិធី Apps ទាំងនេះ មិនចាំបាច់បិទនោះទេក្នុងការបើកនូវកម្មវិធីថ្មី។ ការនាំចេញស្មាតហ្វូនគឺកំពុងតែមានការធ្លាក់ចុះ ប៉ុន្តែសម្រាប់ Platform ថ្មីនេះអាចជួយផ្លាស់ប្តូរទៅលើឧស្សាហកម្មនេះជាក់ជាមិនខានសម្រាប់ឆ្នាំក្រោយនេះ។ ជាមួយនឹងការប្រើប្រាស់នូវ Android OS របស់ក្រុមហ៊ុន Google នៅលើម៉ាស៊ីននេះ វាពិតជាការផ្លាស់ប្តូរមួយដ៏ធំសម្រាប់ស្មាតហ្វូននេះ ហើយនឹងរបៀបនៃការប្រើប្រាស់វា។ 

ប្រសិនបើអ្នកមើលទៅលើកម្មវិធី Samsung Developer Conference អ្នកប្រហែលជាមានអារម្មណ៍ដូចអ្វីដែលលោក Steve Jobs ធ្លាប់បានធ្វើជាមួយនឹងការកាន់នូវ iPhone ថ្មីនៅក្នុងដៃរបស់គាត់ ហើយបង្ហាញទៅកាន់ទស្សនិកជនអំពីអនាគតនៃឧស្សាហកម្មស្មាតហ្វូននោះ។ នៅពេលដែលការផលិតទ្រង់ទ្រាយធំរបស់ស្មាតហ្វូនដែលអាចបត់បានរបស់ក្រុមហ៊ុនបច្ចេកវិទ្យា Samsung ត្រូវបានគេរំពឹងថា នឹងចាប់ផ្តើមនៅក្នុងប៉ុន្មានខែនេះ ឧស្សាហកម្មស្មាតហ្វូនជាច្រើនក៏ចាប់ផ្តើមធ្វើការផ្លាស់ប្តូរកាន់តែលឿនជាមួយនឹងបច្ចេកវិទ្យារបកគំហើញថ្មីៗរបស់ខ្លួនដែលនាំមុខដោយក្រុមស្រាវជ្រាវបច្ចេកវិទ្យាថ្មីៗរបស់ក្រុមហ៊ុន Samsung ៕

no-alternative title
ព័ត៌មានពាណិជ្ជកម្ម