ក្រុមហ៊ុន LG ដំបូងឡើយមានគម្រោងក្នុងការបញ្ចេញនូវ Version ថ្មីនៃស្មាតហ្វូន G7 ThinQ នៅក្នុងព្រឹត្តិការណ៍ IFA នៅក្នុងខែសីហានេះ។ ពេលនេះ ក្រុមហ៊ុនបច្ចេកវិទ្យាយក្សរបស់ប្រទេសកូរ៉េខាងត្បូងនេះ បានបង្ហាញនូវស្មាតហ្វូនស៊េរីថ្មីដែលមានឈ្មោះថា G7 Fit ដែលនឹងចាប់ផ្តើមការដឹកជញ្ជូននៅក្នុងទីផ្សារដែលបានជ្រើសរើសជាច្រើននៅក្នុងសប្តាហ៍នេះ។ LG នៅមិនទាន់ដាក់បញ្ចូលនូវបញ្ជីជាក់លាក់សម្រាប់ទីផ្សារជាច្រើននៅក្នុងការបង្ហាញនេះ ប៉ុន្តែក្រុមហ៊ុននេះ បានបញ្ជាក់ថា សម្រាប់ស្មាតហ្វូនស្ថិតនៅក្នុងគម្រោង Android One នេះ នឹងបង្ហាញខ្លួននៅក្នុងប្រទេសជាច្រើននៅអ៊ឺរ៉ុប អាមេរិកឡាទីន អាស៊ី អាព្រិក និងមជ្ឈឹមបូព៌ានៅក្នុងត្រីមាសទី 4 នេះ។
ការរចនាទៅលើស្មាតហ្វូនស៊េរីថ្មីនេះ គឺសម្រាប់អតិថិជន ដែលចង់បាននូវស្មាតហ្វូន ដែលមានមុខងារស្រដៀងគ្នាទៅនឹង G7 ThinQ មានតម្លៃថោកក្នុងការប្រើប្រាស់។ ស្មាតហ្វូន Fit នេះ គឺមានរូបរាងស្រដៀងគ្នាច្រើនទៅនឹងស្មាតហ្វូនថ្នាក់ប្រណិតអញ្ចឹងដែរ ជាមួយនឹងអេក្រង់ទំហំ 6.1-inch QHD+(3120x1440) Super Bright LCD screen ហើយវាប្រើប្រាស់នូវកាមេរ៉ា AI ដែលមានមុខងារនៃការថតដល់ទៅ 8 Modes សម្រាប់ធ្វើការជ្រើសរើសចាប់តាំងពីស្មាតហ្វូន G7 Fit នេះ ត្រូវបានរចនាឡើងសម្រាប់ស្មាតហ្វូនដែលមានតម្លៃសមរម្យនៃត្រកូល ThinQ នេះ សម្រាប់សមត្ថភាព និងមុខងាររបស់ស្មាតហ្វូននេះ គឺមិនដូចគ្នាបេះបិទនោះទេ គឺវាប្រើប្រាស់នូវបន្ទះឈីប Snapdragon (821) រ៉េមទំហំ 4GB ម៉េមូរីក្នុងម៉ាស៊ីនទំហំ 32GB ឬ 64GB កាមេរ៉ាខាងក្រោយទំហំ 16-megapixel និងកាមេរ៉ាខាងមុខទំហំ 8MP។
លោក Ha Jeung-uk ប្រធានផ្នែកទូរស័ព្ទចល័តរបស់ក្រុមហ៊ុនLG និយាយនៅក្នុងសេចក្តីថ្លែងការណ៍ថា “ស្មាតហ្វូន LG G7 Fit ដើរតួយ៉ាងសំខាន់សម្រាប់ស្មាតហ្វូនដែលនឹងចែកចាយនៅជុំវិញពិភពលោករបស់យើងជាមួយនឹងការផ្តោតទៅលើបច្ចេកវិទ្យាស្មាតហ្វូន និងរបកគំហើញថ្មីទៅកាន់អតិថិជន។ យុទ្ធសាស្រ្តរបស់ក្រុមហ៊ុន LG គឺបង្ហាញនូវបច្ចេកវិទ្យាជាច្រើនដ៏ល្អបំផុតនៅក្នុងស្មាតហ្វូនត្រកូល G-Series របស់ពួកគេដែលធ្វើឱ្យអ្នកប្រើប្រាស់កាន់តែងាយស្រួលក្នុងការទទួលបាននូវបទពិសោធន៍ដ៏អស្ចារ្យពីក្រុមហ៊ុន LG។ យ៉ាងណាមិញ ក្រុមហ៊ុនបច្ចេកវិទ្យានេះមិនទាន់ទម្លាយនូវតម្លៃរបស់ស្មាតហ្វូននេះនៅឡើយទេ ហើយវាមានតម្លៃថោកជាងស្មាតហ្វូន G7 ThinQ ($750 ទៅ $800) ។ សម្រាប់ពេលអនាគត ក្រុមហ៊ុន LG អាចយកឈ្នះក្រុមហ៊ុន Motorola បានយ៉ាងងាយ៕