Huawei Mate 20 ស្មាតហ្វូនស៊េរីថ្មី ទទួលបានពិន្ទុថាមពលថ្មល្អបំផុតសម្រាប់ឆ្នាំ 2018 នេះ

Huawei Mate 20 គឺជាស្មាតហ្វូនស៊េរីថ្មី ដែលមានតម្លៃសមរម្យនៃត្រកូល Mate 20 Pro ហើយនេះ គឺជាស្មាតហ្វូនមួយនៅក្នុងចំណោមស្មាតហ្វូនជាច្រើនដែលមិនត្រឹមតែបំពាក់នូវបន្ទះឈីប 7nm ដំបូងបំផុតនោះទេ ប៉ុន្តែវាក៏ជាស្មាតហ្វូន Android ដែលមានល្បឿនលឿនបំផុតផងដែរ។ ស្មាតហ្វូននេះ មានថាមពលថ្ម 4,000mAh និងប្រើប្រាស់នូវអេក្រង់ LCD Screen តែប៉ុណ្ណោះ។  អ្វីដែលអស្ចារ្យនោះគឺថា ស្មាតហ្វូនស៊េរីថ្មី Mate 20 នេះគឺទទួលបាននូវពិន្ទុខ្ពស់បំផុតនៅក្នុងឆ្នាំ 2018 នេះនៅពេលដែលយើងនិយាយអំពីថាមពលថ្មរបស់ស្មាតហ្វូននេះ។ 

នៅក្នុងការដាក់ពិន្ទុនេះគឺដោយសារតែស្មាតហ្វូននេះអាចយកឈ្នះគេជាមួយនឹងការប្រើប្រាស់បានដល់ទៅ 14 ម៉ោង និង 26 នាទី។ អ្នកអាចមើលទៅលើតារាងខាងក្រោមនេះដើម្បីថាមពលថ្មរបស់ស្មាតហ្វូន Mate 20 នេះ៖

សម្រាប់ស្មាតហ្វូនតែមួយគត់ ដែលមានសមត្ថភាពខ្លាំងដែរនោះគឺ iPhone XR ដែលមានពិន្ទុនៃការតេស្ត៍ថាមពលថ្មដល់ទៅ 11 ម៉ោង ប៉ុន្តែបើធៀបជាមួយនឹងស្មាតហ្វូន Mate 20 គឺហាក់ដូចជានៅឆ្ងាយដែរ។ នៅក្នុងការប្រើប្រាស់ជាក់ស្តែង អ្នកអាចប្រើប្រាស់ស្មាតហ្វូន mate 20 ដល់ទៅ 2 ថ្ងៃ ខណៈពេលដែលស្មាតហ្វូនជាច្រើននៅក្នុងពេលបច្ចុប្បន្ននេះគឺប្រើប្រាស់បានរយៈពេលត្រឹមតែមួយថ្ងៃប៉ុណ្ណោះ ហើយភាគច្រើនគឺប្រើប្រាស់មិនបានច្រើនជាងនេះនោះទេ។

បើនិយាយអំពីការបញ្ចូលថាមពលថ្មនោះ ស្មាតហ្វូន Mate 20 នេះភ្ជាប់ជាមួយនឹង Fast Charger ដែលអាចបញ្ជូលថាមពលថ្មនេះបានពេញនៅក្នុងរយៈពេលត្រឹមតែ 1 ម៉ោង 40 នាទីប៉ុណ្ណោះ។ វាមិនលឿនដូចជាការប្រើប្រាស់នូវ ultra-rapit charging នៅលើស្មាតហ្វូន Mate 20 Pro នោះទេ ប៉ុន្តែនេះ ក៏ចាត់ទុកថាលឿនដែរ៕