បន្ទាប់ពីការចំណាយពេលវេលាយ៉ាងច្រើននៅកន្លែងការងារ ឬការរៀបចំនូវកាលវិភាគរបស់ក្មេងៗរួចនោះ អ្នកត្រូវចេញពីផ្ទះហើយត្រូវទៅកាន់ហាងទំនិញជាមួយនឹងអារម្មណ៍ពិតជាហត់នឿយមែនទែន ជាពិសេសប្រសិនបើហាងជាច្រើននោះ មិនស្ថិននៅក្នុងតំបន់ដែលអ្នកកំពង់តែធ្វើការរស់នៅទៀត។ នៅពេលនេះ ក្រុមហ៊ុន Ford យើងជឿជាក់ថា ការបង្កើតនូវរថយន្តដែលអាចបើកបរដោយខ្លួនឯងនេះ គឺជាការផ្តល់នូវសក្តានុពលក្នុងការកាត់បន្ថយទៅលើភាពលំបាកៗទាំងនេះ ហើយនិងអាចមានតម្លៃសមរម្យថែមទៀតសម្រាប់ការដឹកជញ្ជូន និងការដឹកទំនិញនោះផងដែរ។
ឥលូវនេះ Ford បានសហការគ្នាជាមួយនឹងក្រុមហ៊ុនក្នុងតំបន់ និងក្រុមហ៊ុនជាច្រើនទៀត ដើម្បីស្វែងយល់អំពីរបៀបដែលយើងអាចធ្វើការពង្រឹងទៅលើការដឹកជញ្ជូនទំនិញតាមរយៈការប្រើប្រាស់រថយន្តដែលបើកបរដោយខ្លួនឯងនោះ ការធ្វើការទៅលើការដឹកជញ្ជូន ការរៀបចំទំនិញ និងការសម្អាតទៅលើទំនិញជាច្រើនទៀត។ ពេលនេះ គឹជាពេលវេលាក្នុងការស្វែងយល់អំពីរបៀបដែលឡានដឹកទំនិញអាចជួយពង្រីកនូវការដឹកទៅលើទំនិញស្រស់ៗ និងទំនិញលក់រាយជាច្រើនទៀតសម្រាប់មនុស្សនៅទូទាំងប្រទេសរួមមាន Miami-Dade County ដែលជាកន្លែងយើងដាក់នូវប្រតិបត្តិការនៃរថយន្តដឹកទំនិញខ្លួនឯងនេះសម្រាប់ការសាកល្បង។ នេះគឺជាហេតុផលដែលយើងធ្វើការសហការជាមួយនឹងក្រុមហ៊ុន Walmart ។
តាមរយៈកិច្ចសហប្រតិបត្តិការនេះ យើងកំពុងតែស្វែងរកនូវរថយន្ត ដែលអាចបើកបរដោយខ្លួនឯង ដែលអាចចែកចាយនូវទំនិញជាច្រើនជារៀងរាល់ថ្ងៃដូចជាគ្រឿងទេស ចំណីសត្វចិញ្ចឹម និងផលិតផលប្រើប្រាស់ផ្ទាល់ខ្លួនថែមទៀត។ នៅក្នុងការដំណើរការដោយ្រុមហ៊ុន Postmates ដែលជាសេវាកម្មដឹកជញ្ជូននោះយើងពិតជាអាចធ្វើឱ្យគម្រោងនៃរថយន្តដឹកទំនិញដោយខ្លួនឯងនេះអាចបំពេញនូវការដឹកទំនិញពី Walmart បាន។ ចាប់តាំងពី Postmates បានក្លាយជាដៃគូរួចមកហើយរបស់ក្រុមហ៊ុន Ford និង Walmart នោះ ក្រុមហ៊ុនទាំងនេះ បានប្រើប្រាស់នូវរចនាសម្ព័ន្ធនៃ Postmates ក្នុងការផ្តល់ជូន និងសេវាកម្មលឿនបំផុត។
ក្រុមហ៊ុន Walmart បានមើលឃើញថា អតិថិជនជាច្រើន បានឆ្លើយតបជាមួយនឹងចម្លើយវិជ្ជមានសម្រាប់ជម្រើសនៃការដឹកជញ្ជូនទំនិញដែលប្រើប្រាស់នូវអ្នកទិញទំនិញដោយផ្ទាល់នៅក្នុងការជ្រើសរើសនូវផលិតផលស្រស់ៗ និងគ្រឿងទេសជាច្រើនទៀតតាមរយៈ Postmates និងបណ្តាញ Networks សម្រាប់ការចែកចាយជាច្រើនទៀត។ នៅចុងឆ្នាំនេះ ជម្រើសនេះ នឹងដាក់អោយដំណើរការនៅក្នុងហាងច្រើនជាង 800 នៅក្នុងតំបន់ធំៗច្រើនជាង 100 នៅក្នុងប្រទេសនេះ។ នៅឆ្នាំក្រោយនេះ ចំនួននៃហាងលក់ជាច្រើននឹងផ្តល់នូវសេវាកម្មដឹកជញ្ជូននេះដល់ទៅទ្វេរដង។
ដូចគ្នាទៅនឹងក្រុមហ៊ុន Ford ដែរ ក្រុមហ៊ុន Walmart បានជឿជាក់ថា រថយន្តជាច្រើនដែលអាចបើកបរដោយខ្លួនឯងនោះ គឹពិតជាសំខាន់ណាស់សម្រាប់ការចែកចាយនៅក្នុងពេលអនាគតនោះ ហើយនេះគឺជាការសិក្សាអំពីតម្រូវការជាក់ស្តែងនៃការរស់នៅរបស់អតិថិជន។ យើងនឹងប្រើប្រាស់នូវរថយន្តដែលស្រាវជ្រាវរួមគ្នានេះ ការរចនាជាមួយនឹងបទពិសោធន៍នៃការបើកបរដោយស្វ័យប្រវត្តិ ការប្រមូលនូវទិន្នន័យសំខាន់អំពីអ្វីដែលជាការចង់បានរបស់អតិថិជន និងការស្វែងរកនូវវិធីដែលល្អបំផុតសម្រាប់ការតភ្ជាប់មនុស្សជាមួយនឹងទំនិញជាច្រើនដែលពួកគេត្រូវការ៕