បន្ទាប់មកយើងចាប់ផ្តើមមើលឃើញនូវគំនិតថ្មីៗ ទៅលើការរចនារូបរាងថ្មីកាន់តែទំនើបទៅសម្រាប់ថយន្ត SUVs, Hatchbacks និងរថយន្ត Mercedes-Benz Pickup trucks នោះ ឥឡូវនេះ ស្រាប់តែមានការរចនាគំនិតថ្មីរបស់លោក X-Tomi ដែលបានធ្វើការ Design ទៅលើរថយន្ត BMW X7 អោយទៅជារថយន្ត Pickup-Truck ផងដែរ។ រូបភាព Renders នៃការរចនារូបរាងថ្មីសម្រាប់រថយន្តនេះ គឺពិតជាគួរអោយអស់សំណើចមែនទែន។ ទេព្យកោសល្យនៃការរចនារបស់លោក X-Tomi ទៅលើការរចនារថយន្តនេះ គឺបង្ហាញចេញម៉ូដែលថ្មីៗពិតប្រាកដមែន ហើយនេះ ប្រហែលជាបញ្ហាដែលអាចនឹងកើតឡើងផងដែរ។
ថយន្ត BMW X7 នេះ ពិតជាស្រស់ស្អាតហើយអាចប្រកួតប្រជែងជាមួយនឹងរថយន្ត Mercedes បានផងដែរ។ ជាមួយនឹងការបង្ហាញនូវរថយន្ត X7 M ពណ៌ខៀវ នៅពេលនេះ មើលទៅ គឺពិតជាទាក់ភ្នែកមែនទែន ប៉ុន្តែយើងនៅមិនទាន់មានការបញ្ជាក់ណាមួយពីក្រុមហ៊ុននៅឡើយនេះទេ។ ប៉ុន្តែយោងតាមការវិភាគរបស់អ្នកតាមដាននានា បាននិយាយថា ក្រុមហ៊ុន BMW ពិតជានឹងបញ្ចេញនូវរថយន្តម៉ូដែលនេះ សម្រាប់ប្រកួតប្រជែងជាមួយនឹងម៉ូដែល Mercedes- Benz AMG GLS63 ជាមិនខាន។
ប្រភពព័ត៌មាន ខាងលើនេះ និយាយថា X8 ក៏ជាម៉ូដែលដ៏ស្រស់ស្អាតមួយទៀតដែលស្ថិតនៅក្នុងត្រកូលនៃរថយន្ត X នេះ ផងដែរ ហើយក្រុមហ៊ុន BMW ក៏មិនមានការបញ្ជាក់អំពីរថយន្តម៉ូដែលនេះ ផងដែរ។ សម្រាប់គំនិតនៃការរចនារបស់ X-Tomi គឺបង្ហាញអំពីរូបរាងរបស់រថយន្ត X8 xDrive40i ដែលពិតជាស្រស់ស្អាតបំផុត។ ជាមួយគ្នានេះ អ្នកតាមដាន បានបន្ថែមទៀតថា នៅពេលខាងមុខនេះ X-Tomi អាចនឹងបញ្ចេញនូវរូបភាព Render របស់រថយន្តជំនាន់បន្ទាប់ M3 ដែលមានម៉ាស៊ីន hypothetical V8 ដែលមានកម្លាំងខ្លាំងក្លាបំផុតថែមទៀតផង៕
