កាលពីម្សិលមិញ ដែលមានការលេចធ្លាយ បានបង្ហាញថា បន្ទះឈីបជំនាន់ចុងក្រោយ របស់ក្រុមហ៊ុន Qualcomm គឺ Snapdragon នឹងត្រូវបានហៅថា អង្គប្រតិបត្តិការ Snapdragon 855 ហើយរំលងបានតែមួយថ្ងៃ Qualcomm បានធ្វើការបង្ហាញចេញនៅថ្ងៃនេះ។ ពាក្យចចាមអារ៉ាមថ្មីៗនេះ បានលើកឡើងថា បន្ទះឈីបថ្មីនេះ នឹងមិនត្រូវបានគេហៅថា "Snapdragon 8150" ទេ ហើយឥឡូវនេះ ត្រូវបានបញ្ជាក់ថា ជាការពិត។ អង្គដំណើរការថ្មី 7nm គួរតែផ្តល់ថាមពលថ្មល្អប្រសើរគួរឱ្យកត់សម្គាល់ ស្របពេលដែលដំណើរការប្រសើរឡើងក្នុងពេលតែមួយ។ ការធ្វើឱ្យប្រសើរឡើង ទៅនឹងការដំណើរការនៃបច្ចេកវិទ្យា AI ត្រូវបានប្រកាសចេញផងដែរ ដោយលើកឡើងពី "បីដងនៃការដំណើរការរបស់ AI បើប្រៀបធៀបទៅនឹងទូរស័ព្ទជំនាន់មុន" ។
នៅលើបន្ទះឈីបនេះត្រូវបានគេភ្ជាប់នូវប្រព័ន្ធចក្ខុវិស័យថ្មីមួយ ដែលអាចធ្វើការកែច្នៃជម្រៅនៅ 60 Frames ក្នុងមួយវិនាទី ដែលគួរកែលម្អយ៉ាងខ្លាំង នូវកម្មវិធីដែលមានការពិត។ ប្រព័ន្ធកែច្នៃរូបភាពថ្មី ក៏អនុញ្ញាតឱ្យចាប់យករូបភាពកម្រិត 4K HDR ផងដែរ ក្នុងល្បឿន 60 fps ដែលទាំងអស់នេះ ប្រើចំនួន 25% នៃថាមពល ដែលបានប្រើពីមុន។ រឿងពីរផ្សេងទៀត ដាច់ដោយឡែកពីគ្នា ត្រូវបានប្រកាសនៅក្នុងព្រឹត្តិការណ៍ដដែល។ ដោយចាប់ផ្តើមជាមួយនឹងមុខងារស្គែនក្រយ៉ៅដៃ ultrasonic in-display Fingerprint ដោយ ក្រុមហ៊ុន Qualcomm ហៅវាថា Qualcomm 3D Sonic Sensor, ដែលនៅតែអាចរកឃើញស្នាមក្រយ៉ៅដៃរបស់អ្នក ប្រសិនបើសើមឬគ្របដណ្តប់នៅក្នុងភាគល្អិត។
ចំពោះប្រព័ន្ធ 5G វិញ នោះហើយជារឿងដាច់ដោយឡែកផ្សេងទៀត ដែលបានប្រកាសថា ក្រុមហ៊ុន Qualcomm មិនប្រាកដថា ដាក់ម៉ូឌឹម X50 ទៅក្នុងបន្ទះឈីប Snapdragon 855 ថ្មីរបស់ខ្លួនទេ។ ផ្ទុយទៅវិញ វានឹងភ្ជាប់ជាមួយម៉ូដែល X24 LTE របស់ក្រុមហ៊ុន Qualcomm ដែលមានសមត្ថភាព នៃការទាញយកល្បឿនរហូតដល់ទៅ 2Gbps ។ ក្រុមហ៊ុនផលិតស្មាតហ្វូន នឹងមានជំរើសក្នុងការតម្លើងម៉ូដឹម X50 ទៅក្នុងផ្នែករឹងរបស់ពួកគេ ប្រសិនបើពួកគេចង់បញ្ចូលការតភ្ជាប់ប្រព័ន្ធ 5G នៅក្នុងឧបករណ៍សម្រាប់ឆ្នាំ 2019 ។ យើងអាចរំពឹងថា ក្រុមហ៊ុនស្មាតហ្វូនកំពូលទាំងអស់ នឹងផលិតស្មាតហ្វូនជាមួយនឹងដំណើរការថ្មី របស់ក្រុមហ៊ុន Qualcomm រួមទាំង Samsung Galaxy S10 និងប្រព័ន្ធ 5G ដ៏ទៃទៀត ដែលបានគ្រោងទុកសម្រាប់ពាក់កណ្តាលឆ្នាំ 2019 ៕