ការមកដល់នៃស្មាតហ្វូនស៊េរីថ្មី Huawei P20 Pro នៅដើមឆ្នាំនេះ នឹងបង្ហាញទៅកាន់ពិភពលោកថា កាមេរ៉ា គឺពិតជាផ្នែកមួយដ៏សំខាន់នៃយុទ្ធសាស្រ្តរបស់ក្រុមហ៊ុន Huawei ដែលជានេះ គឺជាស្មាតហ្វូនដំបូងបំផុតដែលបំពាក់នូវកាមេរ៉ាសេនស័រដល់ទៅ 3 គ្រាប់ ហើយសម្រាប់ឆ្នាំ 2019 នេះ គឺមិនសូវជាមានអ្វីដែលប្លែកខ្លាំងនោះទេ។
តាមការបញ្ជាក់នៅក្នុងព័ត៌មានថ្មីបំផុតចុងក្រោយនេះ បានអោយដឹងថា ស្មាតហ្វូន Huawei P30 Pro នេះ នឹងក្លាយជាស្មាតហ្វូនដំបូងបំផុតរបស់ក្រុមហ៊ុនដែលប្រើប្រាស់នូវសេនស័ររូបភាព IMX607 របស់ក្រុមហ៊ុន SONY ។ សម្រាប់សេនស័រនេះ នឹងមានទំហំ 38MP និងប្រើប្រាស់ជាលក្ខណៈ Main Camera ដូចទៅនឹងស្មាត ហ្វូន Huawei P20 Pro ផងដែរ។ យ៉ាងណាមិញ វាក៏មានការផ្លាស់ប្តូរមួយចំនួនផងដែរដែលមានលក្ខណៈប្លែកទាំងស្រុងនៅលើស្មាតហ្វូននេះ។ សម្រាប់កាមេរ៉ា ដែលបំពាក់នៅលើស្មាតហ្វូនបច្ចុប្បន្នរបស់ក្រុមហ៊ុន Huawei នេះ គឺផ្អែកទៅលើ Quad Bayer filter និងការប្រើប្រាស់នូវ exposure ពីរផ្សេងទៀត (Long Exposure និងShort Exposure) ដើម្បីបង្កើតនូវរូបភាពដ៏ស្រស់ស្អាតបំផុត។
បន្ថែមពីលើការប្រើប្រាស់នូវ Quad Bayer នៅលើសេនស័រថ្មីនេះ ក្រុមហ៊ុន SONY ក៏ប្រើប្រាស់នូវ Dual Bayer បញ្ចូលជាមួយនឹង HDR Coding Array ពណ៌សថ្មីផងដែរ សម្រាប់ជំនួយទៅលើការថតរូបភាព។ ការតម្លើងរបៀបនេះ គឺអនុញ្ញាតឱ្យភិចសែលពណ៌ស នឹងប្រើប្រាស់សម្រាប់ការចាប់យកពន្លឺ និងភាពលម្អិតបំផុត។ ដូចនេះ តម្រូវការសម្រាប់ Monochrome Lens គឺត្រូវដកចេញទាំងស្រុងជំនួសមកវិញ ដោយកាមេរ៉ា wide-angle ដែលធ្លាប់បានប្រើប្រាស់នៅលើស្មាតហ្វូន Huawei Mate 20 Pro រួចមកហើយនោះ។ ជាមួយនឹងការពង្រឹងទៅលើការថតរូបភាពនៅកន្លែងដែលមានពន្លឺទាបនោះ សេនស័ររូបភាពថ្មីរបស់ក្រុមហ៊ុន SONY នេះក៏ទ្រទ្រង់នូវមុខងារ Quad Pixel Phase Detection Auto Focus លឿនជាងមុន និងការផ្តោតទៅលើ Autofocus កាន់តែប្រសើរជាងមុន និងសេនស័រ ambient light sensors ក៏ដូចជាការកាត់បន្ថយទៅលើសំឡេងរំខានជាដើម៕