Huawei P Smart (ឆ្នាំ 2019) ពេលគឺអាចរកទិញបាន នៅក្នុងហាងលក់រាយរបស់ប្រទេសបារាំង Boulangers ប៉ុន្តែមិនទាន់មាននៅលើ Huawei.com នៅឡើយទេ ដូច្នេះ ស្មាតហ្វូននេះ អាចនឹងត្រូវបានដាក់លក់នៅពេលក្រោយ ប៉ុន្តែកុំបារម្ភអំពីរឿងនេះ ចូរយើងពិនិត្យមើលលក្ខណៈពិសេសរបស់ស្មតហ្វូននេះសិន។ ទូរស័ព្ទថ្មីនេះ ភ្ជាប់មកជាមួយអេក្រង់ទំហំ 6.2 អ៊ីញ ជាមួយនឹងបច្ចេកវិទ្យាទំនើបភ្លឺច្បាស់ និងមានគុណភាពបង្ហាញ 1080p+។ ស្មាតហ្វូន P smart ត្រូវបានបំពាក់ដោយបន្ទះឈីប Kirin 710។
Huawei P Smart ត្រូវបានក្រុមហ៊ុនបំពាក់នូវរ៉េមទំហំ 3GB និងទំហំផ្ទុក 64GB។ ផ្នែកខាងក្រោយរបស់ P Smart (2019) មានពណ៌ Gradient Blue និងមានកាមេរ៉ាពីរ 13MP+2MP ស្របពេលដែល teardrop notch មានបង្កប់កាមេរ៉ា selfie 8MP។ ស្មាតហ្វូននេះ ត្រូវបានភ្ជាប់នូវមុខងារស្គែនក្រយ៉ៅដៃប្រើសម្រាប់ដោះសោ (នៅខាងក្រោយផងដែរ) និងដំណើរការដោយប្រព័ន្ធ EMUI របស់ Android 9 Pie។ Huawei P Smart មានថាមពលថ្ម 3,400mAh ដែលសាកថ្មដោតប្រើ microUSB ហើយនិងមានរន្ធ Jack សម្រាប់ដោតកាស 3.5 មីលីម៉ែត្រ រួមនិងវិទ្យុ FM ផងដែរ។ ស្មាតហ្វូនរបស់ក្រុមហ៊ុន Huawei P Smart (2019) អាចបញ្ជាទិញជាមុន ឥឡូវនេះ ក្នុងតម្លៃ 250 អឺរ៉ូ នឹងត្រូវចាប់ផ្តើមដឹកជញ្ជូននៅថ្ងៃទី 2 ខែមករា ឆ្នាំក្រោយនេះ។ ទូរស័ព្ទ P Smart+ មានតម្លៃ 300 អឺរ៉ូ នៅក្នុងហាងដូចគ្នា (4 / 64GB) ៕