ក្រុមហ៊ុន Apple កំពុងប្រឈមមុខនឹងការហាមប្រាមទូរស័ព្ទ iPhone ស៊េរីចាស់ៗ របស់ខ្លួន នៅក្នុងប្រទេសចិន ចាប់ពី iPhone 6s ទៅ iPhone X ពីព្រោះថា ក្រុមហ៊ុននេះ បានរំលោភលើប៉ាតង់របស់ក្រុមហ៊ុន Qualcomm។ ដូច្នេះ ដើម្បីដោះស្រាយបញ្ហាខាងលើនេះ ក្រុមហ៊ុនដែលមានមូលដ្ឋាននៅទីក្រុង Cupertino នឹងជំរុញការធ្វើបច្ចុប្បន្នភាពកម្មវិធី ដែលនឹងអនុលោមទៅតាមសេចក្តីសម្រេច របស់តុលាការចិន។
ចាប់តាំងពីមានការចោទប្រកាន់ថា ក្រុមហ៊ុននេះ មានការរំលោភបំពានប៉ាតង់ ដែលទាក់ទងនឹងកម្មវិធី មានដូចជា មុខងារផ្លាស់ប្តូរទំហំរូបភាព និងកម្មវិធីរុករកនៅលើអេក្រង់ Touchscreen នឹងងាយស្រួលសម្រាប់ Apple ដើម្បីដោះស្រាយបញ្ហា។ ក្រុមហ៊ុនបានបញ្ជាក់ជាផ្លូវការថា ការប៉ះប៉ូវគួរតែចេញនៅដើមសប្តាហ៍ក្រោយ ហើយសង្ឃឹមថា នឹងទទួលយកការលក់ និងការនាំចូលទូរស័ព្ទ iPhone ចាស់ៗ ឡើងវិញ។ ទោះជាយ៉ាងណាក៏ដោយ ស្ថានភាពជាមួយ iPhone 2018 ថ្មី នៅតែមិនទាន់ច្បាស់។ យើងជឿជាក់ថា ការធ្វើបច្ចុប្បន្នភាពឆាប់រហ័ស ចំពោះទូរស័ព្ទ iPhone XR, XS និង XS Max គួរតែមានគ្រប់គ្រាន់ផងដែរ៕
