ស្មាតហ្វូនស៊េរីថ្មី vivo NEX Dual Display Edition បានបង្ហាញខ្លួនជាផ្លូវការ ហើយស្មាតហ្វូននេះ មានការរចនារូបរាងយ៉ាងស្រស់ស្អាតទាំងផ្នែកខាងមុខ និងផ្នែកខាងក្រោយរបស់វាជាមានភ្ជាប់ជាមួយនឹងកាមេរ៉ាខាងក្រោយជាលក្ខណៈក្រវិល និងភ្លើង LED Flash ដ៏ស្រស់ស្អាតថែមទៀតផង។ ពេលនេះ យើងក៏មានឱកាសបាននិយាយជាមួយនឹងប្រធានផ្នែកឌីស្សាញរបស់ក្រុមហ៊ុន vivo ដែលជាអ្នករចនាទៅលើស្មាតហ្វូន NEX Dual Display នេះ។ គាត់នឹងប្រាប់យើងនូវដំណើរការនៃការរចនា និងប្រាប់អំពីបញ្ហាប្រឈមជាច្រើន ដែលក្រុមការងារជួបប្រទះ នៅក្នុងពេលអភិវឌ្ឍទៅលើស្មាតហ្វូននេះផងដែរ។
ក្រុមការងារផ្នែករចនាម៉ូដរបស់ក្រុមហ៊ុន vivo បង្កើតនូវគំរូនៃការធ្វើតេស្ត៍ច្រើនជាង 250 មុនពេលដែលក្រុមហ៊ុននេះ បានសម្រេចបាននូវការរចនាម៉ូដចុងក្រោយបំផុតនោះ។ យើងបានឃើញនូវផ្នែកជាច្រើន ដែលមិនដំណើរការនៅក្នុងដំណើរការនៃការរចនានេះផងដែរដែលមានរយៈពេលជាង 1 ឆ្នាំកន្លះ។ ជាក់ស្តែង ការអភិវឌ្ឍទៅលើពុម្ពសម្រាប់អេក្រង់ Display Edition គឺមានដំណើរការចាប់ផ្តើមដូចគ្នាទៅនឹងស្មាតហ្វូន vivo NEX ដែរដែលស្មាតហ្វូនទាំងពីរនេះ គឺមានអេក្រង់ពេញលេញនៅផ្នែកខាងមុខរបស់វានោះ។ អ្វីដែលគួរអោយចាប់អារម្មណ៍នោះ សម្រាប់គំរូនៃស្មាតហ្វូនមួយចំនួន គឺមានពណ៌ក្រហម និងពណ៌បៃតងផងដែរ។ សម្រាប់ខ្លះទៀត គឺមានកម្រាស់ក្រាស់ និងខ្លះទៀត គឺមានកម្ពស់វែងហើយវា គឺសម្រាប់ធ្វើការតេស្ត៍សាកល្បងតែប៉ុណ្ណោះ។ លោក Kyle Xiao បានអះអាងថា សម្រាប់ការប្រើប្រាស់អេក្រង់កម្រិត 21:9 នេះ គឺបង្ហាញតាំងពីគំនិតនៃការរចនាដំបូងម្ល៉េះ។ ហើយស្មាតហ្វូនសព្វថ្ងៃនេះ គឺកាន់តែមានអេក្រង់ធំវែងងាយស្រួលក្នុងការលេងហ្គេម និងការកម្សាន្ត។
នៅផ្នែកអេក្រង់ខាងក្រោយនេះ ក្រុមហ៊ុន vivo ក៏មានគំនិតក្នុងការដាក់បញ្ចូលនូវអេក្រង់ OLED Panel ផងដែរ ប៉ុន្តែវាអាចនឹងប៉ះពាល់ទៅដល់ទំហំ និងមុខងារប្រើប្រាស់ជាច្រើននោះ។ សម្រាប់គំនិតពីដំបូងនេះក៏ចាប់ផ្តើមនាំអោយមានការផលិតទៅលើស្មាតហ្វូនស៊េរីថ្មីដែលមានអេក្រង់ពីរសម្រាប់ប្រើប្រាស់មុខងារពីរនៅលើអេក្រង់ជាជាងការប្រើប្រាស់អេក្រង់ទីពីរដែលប្រើប្រាស់សម្រាប់តែ Viewfinder សម្រាប់ថតរូបភាព Selfie ប៉ុណ្ណោះ។ អ្នកអាចមើលឃើញបានយ៉ាងច្បាស់ថា ស្មាតហ្វូននេះ ក៏មាន Version ពណ៌សនៅលើតុដែលបង្ហាញអំពីគំរូរបស់ស្មាតហ្វូននេះផងដែរ ប៉ុន្តែវាមើលទៅហាក់ដូចជាមានអារម្មណ៍ថា នេះគឺជាស្មាតហ្វូនដែលមានតម្លៃថោកនៅពេលដែលប្រើប្រាស់នូវកញ្ចក់ពណ៌សទៀតនោះ។ លោក Xiao បានលើកឡើងថា យើងរកឃើញនូវវិធីថ្មីសម្រាប់ការប្រើប្រាស់ពណ៌សនៅលើស្មាតហ្វូន vivo សម្រាប់ពេលអនាគត ហើយវានឹងបង្ហាញខ្លួននៅក្នុងដើមឆ្នាំ 2019 ខាងមុខនេះ៕