ក្រុមហ៊ុន Huawei បានប្រកាសចេញញនូវស្មាតហ្វូនថ្នាក់កណ្តាលរបស់ខ្លួន Y9 2019 កាលពីប៉ុន្មានខែមុននេះ ហើយពេលនេះ ស្មាតហ្វូនស៊េរីថ្មីនេះ ក៏ត្រៀមដាក់លក់នៅលើ Amazon នៅក្នុងប្រទេសឥណ្ឌាហើយ។ ស្មាតហ្វូននេះ មានអេក្រង់កញ្ចក់កោង 3D ជាមួយនឹងប្រព័ន្ធស្កេនក្រយ៉ៅដៃនៅខាងក្រោយ។ ស្មាតហ្វូននេះ មានពណ៌ខៀវ ពណ៌ខ្មៅ និងពណ៌ស្វាយ ហើយសម្រាប់តម្លៃរបស់វាវិញនោះ នឹងប្រកាសអោយដឹងនៅពេលដែលវាដាក់លក់ជាផ្លូវការផងដែរ។
បើនិយាយអំពីលក្ខណៈសម្បត្តិរបស់ស្មាតហ្វូនស៊េរីថ្មីនេះ Huawei Y9 2019 មានអេក្រង់ទំហំ 6.5-inch 2340x1080px Full HD+ display ជាមួយនឹងកញ្ចក់ប្រភេទកោង 2.5D curved glass display ។ វាប្រើប្រាស់នូវបន្ទះឈីប Octa-core Kirin 710 12nn SoC ជាមួយនឹងក្រាហ្វិកកាត ARM Mali- G51 MP4 GPU។ បន្ថែមពីនេះទៀតនោះ ស្មាតហ្វូននេះ មានរ៉េមទំហំ 4GB និង 6GB ជាមួយនឹងម៉េមូរីក្នុងម៉ាស៊ីនទំហំ 64GB និង 128GB ហើយវាអាចបន្ថែមនូវ microSD card ទំហំដល់ទៅ 400GB ថែមទៀតផង។
ស្មាតហ្វូននេះ ប្រើប្រាស់នូវប្រព័ន្ធប្រតិបត្តិការ Android 8.1 Oreo ជាមួយនឹង EMUI 8.2 ។ វាក៏មានកាមេរ៉ាដែលមានទំហំ 16MP ជាមួយនឹងភ្លើង LED flash+2MP secondary camera ខណៈពេលដែលកាមេរ៉ាខាងមុខរបស់វាមានទំហំ 13MP+2MP ដែលងាយស្រួលក្នុងការថតរូបភាព Selfie និងវីដេអូខលផងដែរ។ សម្រាប់ការតភ្ជាប់របស់ស្មាតហ្វូននេះ មានដូចជា Dual 4G VoLTE connectivity, Bluetooth V5.0, GPS និង A-GPS។ ស្មាតហ្វូននេះមានថាមពលថ្មទំហំ 4000mAh និងបច្ចេកវិទ្យា fast Charging ថែមទៀតផង។ យើងត្រូវធ្វើការរង់ចាំប៉ុន្មានថ្ងៃទៀតសិនទើបស្មាតហ្វូននេះ ដាក់លក់ជាផ្លូវការនៅក្នុងប្រទេសឥណ្ឌានោះ ហើយវានឹងដាក់លក់ផ្តាច់មុខនៅលើ Amazon ។
