ថ្មីៗនេះ នៅក្នុងកំឡុងពេល CES 2019 នេះ ក្រុមហ៊ុន LG Electronics ទើបតែបង្ហាញនូវទូរទស្សន៍ OLED TV អេក្រង់បត់បានដំបូងបំផុតរបស់ពិភពលោកជាមួយនឹងគម្រោងក្នុងការដំណើរការនូវទូរទស្សន៍នេះ នៅក្នុងទីផ្សារនៅឆមាសទី 2 នៅឆ្នាំនេះ។ ក្រុមហ៊ុនបច្ចេកវិទ្យាយក្សរបស់ប្រទេសកូរ៉េខាងត្បូងនេះ បានបង្ហាញចេញនូវទូរទស្សន៍អេក្រង់បត់បាន 65 អ៊ីង LG Signature OLED TV R ដែលអាចធ្វើការរមូរអេក្រង់នេះចុះក្រោមក្លាយជាប្រអប់ Sound Speaker Box ដោយគ្រាន់តែចុចនៅលើតេឡេបញ្ជា Remote Control តែប៉ុណ្ណោះ។ “R” គឺតំណាងអោយពាក្យថាបដិវត្តន៍ revolutionary, ការបត់បែន rollable និងការរៀបចំឡើងវិញ redefinition នេះបើតាមការបញ្ជាក់របស់ក្រុមហ៊ុន។
ក្រៅពីការពិពណ៌នាថាជា “Rollable” នោះ ទូរទស្សន៍នេះ មានរូបរាងជា Sound Speaker ចតុកោណកែងដែលអេក្រង់របស់ទូរទស្សន៍នេះ អាចលាក់ចោលបាននៅពេលដែលមិនប្រើប្រាស់នោះ។ ទូរទស្សន៍នេះ មិនចាំបាច់ធ្វើការភ្ជាប់ទៅកាន់ជញ្ជាំងនោះទេ។ ដោយសារតែអវត្តមាននៃពន្លឺខាងក្រោយ(Backlights) នៅលើអេក្រង់ self-emissive display panel សម្រាប់ទូរទស្សន៍ ដែលអាចបត់បាននេះគឺមានកម្រាស់ស្តើងដូចគ្នាទៅនឹងទូរទស្សន៍ OLED TVs ជាច្រើនទៀតដែរ។ ប៉ុន្តែដោយសារតែរចនាសម្ព័ន្ធនេះ អេក្រង់នេះ គឺមានកម្រាស់ក្រាស់ជាងមុនដល់ទៅ 4mm បើធៀបជាមួយនឹងទូរទស្សន៍ Wallpaper TV។ ក្រុមហ៊ុន បានបដិសេដ មិនទម្លាយអំពីកម្រាស់ជាក់ស្តែងរបស់ទូរទស្សន៍នេះនោះទេ។
ទូរទស្សន៍ដែលអាចបត់បាន Rollable TV នេះ ផ្តល់នូវការទស្សនាដល់ទៅ 3 ប្រភេទផ្សេងគ្នាគឺ Full View នៅពេលដែលអេក្រង់ 65-inch នេះពន្លារ , Line View នៅពេលដែលផ្នែកខ្លះនៃអេក្រង់នេះអាចមើលឃើញ និង Zero View នៅពេលដែលអេក្រង់នេះលាក់បាត់តែម្តង។ Line View ផ្តល់នូវ Modes ចំនួន ៥ ដោយប្រើប្រាស់អេក្រង់នេះគឺជាទម្រង់បញ្ឈរសម្រាប់ -- music, clock, frame, mood និង home dashboard ។ រូបភាពនៅលើ frame mode displays ចេញពីស្មាតហ្វូនរបស់អ្នកប្រើប្រាស់ ខណៈពេលដែល home dashboard mode សម្រាប់ធ្វើការគ្រប់គ្រងទៅលើឧបករណ៍ឆ្លាតវៃជាច្រើនទៀតដែលភ្ជាប់ជាមួយនឹងទូរទស្សន៍នេះ។
ក្រុមហ៊ុន LG ក៏មានគម្រោងក្នុងការបញ្ចេញនូវម៉ូដែលថ្មីនេះទៅកាន់ពិភពលោកចាប់ផ្តើមដំបូងនៅក្នុងទីផ្សាររបស់ប្រទេសកូរ៉េខាងត្បូងនៅក្នុងឆមាសទី 2 ឆ្នាំនេះ។ លោក Kwon Bong-seok អគ្គនាយករបស់អង្គភាពកម្សាន្តនៅផ្ទះ និងការទំនាក់ទំនងនៅលើទូរស័ព្ទនិយាយថា “យើងនឹងធ្វើការបង្ហាញនូវការវិវត្តន៍ពិតប្រាកដនៃអេក្រង់ជាច្រើនជាមួយនឹងវត្តមាននៃទូរទស្សន៍ OLED TV ដែលមានអេក្រង់បត់បានដំបូងបំផុតរបស់ពិភពលោកនេះ។” ទូរទស្សន៍នេះគឺត្រៀមខ្លួនរួចរាល់ហើយសម្រាប់ការដាក់លក់នោះខណៈពេលដែលក្រុមហ៊ុនផ្គត់ផ្គង់អេក្រង់ LG Display ប្រកាសបង្ហាញនូវបន្ទះអេក្រង់នេះនៅក្នុងព្រឹត្តិការណ៍ CES 2018 ។
នៅក្នុងសន្និសីទមួយទៀត លោក Han Sang-beom ដែលជាអនុប្រធាន និងជា CEO របស់ក្រុមហ៊ុន LG Display បង្ហាញអំពីភាពជឿជាក់ទៅលើភាពរឹងមាំនៃអេក្រង់ដែលអាចបត់បាននេះ។ គាត់និយាយថា “អេក្រង់នេះអាចបត់ពន្លារបានដល់ទៅ 100,000 ដង។ បើទោះបីជាយើងមិនអាចនិយាយអំពីសមាសភាគជាច្រើនដែលប្រើប្រាស់ក៏ដោយ វាពិតជាមានលក្ខណៈខុសប្លែកពីអេក្រង់ OLED Panels ធម្មតា។”
គាត់បន្ថែមថា ក្រុមហ៊ុនក៏ពិភាក្សាជាមួយនឹងអតិថិជនរបស់ខ្លួនទៅលើអេក្រង់ OLED ជាជាងជាមួយនឹងក្រុមហ៊ុន LG Electronics ។ Han បានកត់សម្គាល់ថា អេក្រង់នេះ ក៏មានតម្រូវការទៅលើអេក្រង់ដែលអាចបត់បាននេះនៅក្នុងវិស័យឧស្សាហកម្មស្វ័យប្រវត្តិផងដែរ។ ឧទាហរណ៍ ក្រុមហ៊ុននេះ កំពុងតែធ្វើការអភិវឌ្ឍទៅលើអេក្រង់ Panel ដែលអាចធ្វើការពន្លារជារូបភាព Poster និងអាចព្យួរនៅលើពិដានបានថែមទៀត ដូចនេះ អ្នកធ្វើដំណើរអាចបត់យកតាមខ្លួនបានយ៉ាងងាយស្រួល៕
