ខុសប្លែកពីឆ្នាំមុនៗ ក្រុមហ៊ុនបច្ចេកវិទ្យាកាន់តែច្រើនឡើងៗជ្រើសរើសក្នុងការប្រកាសបង្ហាញនូវស្មាតហ្វូនស៊េរីថ្មីជាច្រើនរបស់ខ្លួនមុនព្រឹត្តិការណ៍ពិពរណ៍ CES, MWC និង IFA ហើយក្រុមហ៊ុនបច្ចេកវិទ្យា LG ក៏កំពុងតែផ្លាស់ប្តូរទិសដៅផងដែរ ប៉ុន្តែក្រុមហ៊ុននេះក៏សម្រេចចិត្តក្នុងការប្រកាសបង្ហាញនូវស្មាតហ្វូនស៊េរីថ្មីរបស់ខ្លួននៅក្នុងព្រឹត្តិការណ៍ពិពរណ៍ MWC 2019 ។ នៅឆ្នាំនេះ ស្មាតហ្វូនដែលបង្ហាញខ្លួននេះគឺជា LG G8 ។ សម្រាប់ការបញ្ចេញនូវស្មាតហ្វូននេះមុន ឬក្រោយពេលនៃព្រឹត្តិការណ៍ពិពរណ៍នេះគឺមានន័យថាមិនចង់អោយមានការប៉ះទង្គិចគ្នានៃការប្រកាសបង្ហាញនូវស្មាតហ្វូនជាច្រើននោះ។
សម្រាប់ព្រឹត្តិការណ៍ពិពរណ៍នេះ ប្រហែលជាមិនសូវមានការចាប់អារម្មណ៍ខ្លាំងខ្ពស់បំផុតនោះទេ សម្រាប់ការបង្ហាញនូវផលិតផលបច្ចេកវិទ្យាថ្មីនោះ។ ជាមួយនឹងស្មាតហ្វូន G8 ក្រុមហ៊ុន LG ប្រហែលជាមិនព្យាយាមក្នុងការទាញយកការចាប់អារម្មណ៍ពីព្រឹត្តិការណ៍ពិភពលោកនេះនោះទេ ក្រុមហ៊ុននេះ គឺគ្រាន់តែចង់បង្កើននូវល្បឿននៃផលិតកម្មរបស់ខ្លួនតែប៉ុណ្ណោះសម្រាប់ឆ្នាំ 2019 នេះ។ អ្វីដែលមិនលើកឡើងនោះគឺថា ក្រុមហ៊ុន LG មានគម្រោងក្នុងការបញ្ចេញនូវស្មាតហ្វូន G8 ដែលមានអេក្រង់អាចបត់បានខណៈពេលដែលគំរូនៃអេក្រង់អាចបត់បាននេះ គឺមានការដាក់បង្ហាញនៅក្នុងព្រឹត្តិការណ៍ CES 2019 រួចហើយ។ ដូចនេះ យើងប្រហែលជាមិនចង់ឃើញនូវគំរូអេក្រង់ដដែលនេះ នៅក្នុងព្រឹត្តិការណ៍ MWC 2019 ទៀតនោះទេ។
កាលពីពេលមុននេះ ក្រុមហ៊ុន LG ក៏បានបង្ហាញនូវស្មាតហ្វូនស៊េរីថ្មីរបស់ខ្លួននៅក្នុងព្រឹត្តិការណ៍ MWC ផងដែរ គឺស្មាតហ្វូន LG G6 នៅក្នុងឆ្នាំ 2017។ មានពាក្យចចាមអារ៉ាមថា ក្រុមហ៊ុន Xiaomi ក៏មានគម្រោងក្នុងការបង្ហាញស្មាតហ្វូនស៊េរីថ្មីរបស់ខ្លួននៅថ្ងៃដូចគ្នាទៅនឹងក្រុមហ៊ុន LG ផងដែរ៕
