no-alternative title
no-alternative title
no-alternative title
no-alternative title
no-alternative title
no-alternative title

Xiaomi បញ្ចេញ Redmi Note 7 ជាផ្លូវការហើយដោយភ្ជាប់មកនូវប្រព័ន្ធកាមេរ៉ាក្រោយ 48MP និងមានតម្លៃដ៏អស្ចារ្យបំផុត

ប្រិយមិត្តដែលបានតាមដាននូវព័ត៌មានទាក់ទងនឹងផលិតផលស្មាតហ្វូនស៊េរីថ្មីៗ ច្បាស់ជាបានដឹងហើយអំពីស្មាតហ្វូនស៊េរីថ្មីមួយម៉ូដែលរបស់ក្រុមហ៊ុន Xiaomi គឺ Redmi Note 7 ដែលមានលេចលឺព័ត៌មានចចាមអារ៉ាមជាច្រើន បាននិយាយពីស្មាតហ្វូននេះ។ ប៉ុន្តែក្នុងខណះពេលនេះ ព័ត៌មានចចាមអារ៉ាមទាំងអស់ ត្រូវបានបិទបញ្ចប់ក្នុងពេលនេះ ពីព្រោះថា លោក Lei Jun នាយកប្រតិបត្តិជាន់ខ្ពស់របស់ Xiaomi បានធ្វើការប្រកាសចេញស្មាតហ្វូនស៊េរីថ្មីនេះ ជាផ្លូវការណ៍ហើយ។  Redmi Note 7 គឺជាស្មាតហ្វូនធុនកណ្តាលក្នុងស្រឡាយស្មាតហ្វូន Redmi ដំបូងរបស់ក្រុមហ៊ុន Xiaomi ដែលត្រូវបានដំឡើងកាណុងប្រព័ន្ធកាមេរ៉ាថតរូបផ្នែកខាងក្រោយមានទំហំដល់ទៅ 48MP ជាមួយនឹងការប្រើប្រាស់នូវសែនស័រចាប់រូបរបស់ SONY ស៊េរី IMX 586 Sensor ដែលអូសដោយបន្ទះឈីបស៊េរី Snapdragon 660, មានអេក្រង់ធំទូលាយ និងមានថ្មធំខណះតម្លៃរបស់វាវិញគឺប្រមាណតែ $150 អាមេរិកតែប៉ុណ្ណោះ (តម្លៃក្នុងទីផ្សារប្រទេសចិន)។ ពិតជាធូរថ្លៃមែនទែន។ 

Xiaomi Redmi Note 7 បានដំឡើងរូបរាងឡើងយ៉ាងប្រណិតជាមួយទំហំអេក្រង់ 6.3 អ៊ីងប្រភេទបន្ទះបង្ហាញ IPS LCD រំលេចដោយឆកដំណត់ទឹក (waterdrop notch) ដែលបង្កប់នូវកាមេរ៉ាថតសែលហ្វីមួយគ្រាប់។ អេក្រង់របស់ Redmi Note 7 មានលទ្ធភាពបង្ហាញរូបភាព និងវីដេអូបានក្នុងកម្រិត FullHD+ ទំហំ2340x1080 ភិចសែលនៅលើផ្ទៃអេក្រង់បង្ហាញចេញសរុបប្រមាណ 84% ជាមួយខ្នាតបង្ហាញ 19.5:9 ratio និងមានកម្រិតភាពច្បាស់លើផ្ទៃអេក្រង់ 409ppi។ ជាមួយគ្នានេះដែរអេក្រង់របស់វាត្រូវបានស្រោបការពារពីលើដោយកញ្ចក់ Corning Gorilla Glass 5 ថែមទៀតផង។ កំលាំងឈីប Snapdragon 660-Octa-core ដែលបំពាក់ក្នុងតួរខ្លួនរបស់ Redmi Note 7 មានសមត្ថភាពអូសបានក្នុងល្បឿន 2.2GHz លើប្រព័ន្ធ Kryo 260។ កំលាំងម៉ាស៊ីនរបស់វាមានបីជម្រើស គឺជម្រើស រ៉េមទំហំ 3GB /មេម៉ូរី 32 GB, រ៉េមទំហំ 4 GB/មេម៉ូរី 64 GB និងរ៉េមទំហំ 6GB/មេម៉ូរី 64 GB ហើយក៏មានលទ្ធភាពអោយយើងដាក់បន្ថែមទំហំម៉េមូរីកាតបានផងដែរ។ 

no-alternative title

ងាកមកប្រព័ន្ធកាមេរ៉ាថតរូបវិញគឺខាងក្រោយជាប្រព័ន្ធកាមេរ៉ាភ្លោះដោយកាមេរ៉ាមេមានទំហំ 48MP ប្រើលែនមាន aperture f/1.8 អាចផលិតសាច់រូបភាពបានក្នុងទំហំធំដល់ទៅ 1.6 μm និងទ្រទ្រង់នូវមុខងារ real-time HDR ចំនែកលែនទីពីរជាលែនជំនួយ (Depth Sensor) មានទំហំ  5.0MP ជាមួយ aperture f/2.4 ភ្ជាប់នូវមុខងារថតរូប AI និង Portrait Mode ដើម្បីផលិតរូបភាពព្រាលផ្ទៃខាងក្រោយ។ ប្រព័ន្ធកាមេរ៉ាភ្លោះរបស់ Redmi Note 7 មានសមត្ថភាពផលិតសាច់វីដេអូបានក្នុងកម្រិត 1080px ជាមួយល្បឿនកំនត់បានដល់ 120fps និងមានមុខងារទប់រំញ័រ gyro-EIS ថែមទៀតផង។ សម្រាប់កាមេរ៉ាសែលហ្វីខាងមុខដែលបង្កប់ក្នុង Notch ដំណត់ទឹកវិញគឺមានទំហំ 13MP។  Xiaomi បានបំពាក់ថ្មកំលាំង 4,000mAh ក្នុងខ្លួនរបស់ Redmi Note 7  ព្រមជាមួយបច្ចេកវិទ្យាសាកបញ្ចូលល្បឿនល្បឿន Qualcomm Quick Charge 4.0 តាមរយះដុំឆ្នាំងសាកកំលាំង 5V/2A ជាមួយខ្សែចម្លងចរន្តប្រភេទ USB-C។ 

លោក Lei Jun បានធ្វើការអះអាងថាការសាកបញ្ចូលថាមពលថ្មពី 0% ដល់ពេញ 100% សម្រាប់ថ្មរបស់ Redmi Note 7 គឺប្រើពេលប្រមាណជា 1 ម៉ោង 43 នាទី។ Redmi Note 7 មានជម្រើសពណ៌ស្អាតៗចំនួនបីគឺ ខៀវ (Twilight Blue), ទឹកមាស (Twilight Gold) និងខ្មៅ (Black)។ សម្រាប់តម្លៃរបស់ Redmi Note 7 នៅទីផ្សារប្រទេសចិនគឺខ្ទង់ប្រមាណ $150 ម៉ូដែលរ៉េមទំហំ 3GB និងអង្គផ្ទុកទិន្នន័យទំហំ 32GB, $177 អាមេរិកសម្រាប់ម៉ូដែលរ៉េមទំហំ 4GB និងអង្គផ្ទុកទិន្នន័យទំហំ 64GB និង $210 អាមេរិកសម្រាប់ម៉ូដែលរ៉េមទំហំ 6GB និងអង្គផ្ទុកទិន្នន័យទំហំ 64GB។ ក្រុមហ៊ុន Xiaomi បានបើកអោយអតិថិនជនរបស់ខ្លួនធ្វើការបញ្ជាទិញមុនបានចាប់ពីថ្ងៃប្រកាសចេញនេះទៅ ហើយអតិថិជននឹងទទួលបានស្មាតហ្វូននេះនៅថ្ងៃទី 15 ក្នុងខែមករាសប្តាហ៍ក្រោយនេះ។ ទោះជាយ៉ាង Xiaomi មិនទាន់បានបង្ហើបអោយដឹងពីតម្លៃ និងកាលបរិច្ឆេទក្នុងការនាំចេញស្មាតហ្វូននេះទៅកាន់បណ្តាទីផ្សារក្នុងប្រទេសផ្សេងក្រៅពីចិននៅឡើយទេក្នុងខណះពេលនេះ៕

 

no-alternative title
no-alternative title

no-alternative title
ព័ត៌មានពាណិជ្ជកម្ម