ក្រុមហ៊ុនផលិតគ្រឿងអេឡិចត្រូនិចរបស់ចិន Xiaomi គឺត្រូវគេស្គាល់ថាជាក្រុមហ៊ុនដែលផលិតស្មាតហ្វូនដែលមានការពេញនិយមគាំទ្រខ្លាំងនៅលើពិភពលោក ប៉ុន្តែពេលនេះ ក្រុមហ៊ុននេះ ក៏ត្រូវគេស្គាល់ថាមានការចម្លងទៅលើផលិតផលមួយចំនួនរបស់ក្រុមហ៊ុន Apple ផងដែរ។ ស្របពេលដែលយើងពិតជាមានការចាប់អារម្មណ៍ខ្លាំងជាមួយនឹងស្មាតហ្វូន Redmi Note 7 ដែលមានតម្លៃ $200 នោះ ពិតជាមានរូបរាងការរចនាស៊ិចស៊ីទាក់ទាញខ្លាំងមែនទែន ថាមពលថ្មធំដល់ទៅ 4,000mAh បន្ទះឈីបខ្លាំង Snapdragon 660 និងកាមេរ៉ាទំហំដល់ទៅ 48MP ថែមទៀត។
តើអ្នកនៅចាំពីទូរស័ព្ទ iPhone 5C ទេ? ក្រុមហ៊ុន Apple ក៏បញ្ចេញនូវគំនិតក្នុងការរចនាទៅលើសម្បក Case របស់ទូរស័ព្ទ 5C នេះដែលមានចន្លោះប្រហោងៗដែលអាចមើលឃើញនូវពណ៌របស់វាបាន។ សម្រាប់ពេលនេះ ក្រុមហ៊ុន Xiaomi ក៏យកគំនិតមួយនេះធ្វើការច្នៃបន្តសម្រាប់ប្រើប្រាស់នៅលើស្មាតហ្វូនរបស់ខ្លួនវិញ។ តើអ្នកគិតថាក្រុមហ៊ុន Xiaomi ពិតជាចម្លងតាម Apple ទេ? តើអ្នកយល់ឃើញយ៉ាងដូចម្តេចសម្រាប់គំរូនៃសម្បកទូរស័ព្ទរបស់ Redmi Note 7 នេះ?
