no-alternative title
no-alternative title
no-alternative title
no-alternative title
no-alternative title
no-alternative title
no-alternative title

Ford Explorer 2020 បង្ហាញវត្តមានជាមួយរូបរាងថ្មី កាន់តែទាក់ទាញ ហើយថែមទាំងបំពាក់ជាមួយនឹងប្រព័ន្ធ Rear-Wheel-Drive ទៀតផង

នៅថ្ងៃនេះ យោងតាមព័ត៌មានថ្មីមួយ បានបញ្ជាក់ថា ក្រុមហ៊ុនផលិតរថយន្ត Ford បានត្រៀមខ្លួនបង្ហាញនូវ Explorer 2020 ដែលជារថយន្ត SUV ស៊េរីថ្មីដ៏ស្រស់ស្អាតរបស់ខ្លួនហើយ។ រថយន្ត Explorer ថ្មីនេះ គឺមានការរចនារូបរាងថ្មីស្រឡាង តាំងពីផ្នែកកង់រហូតដល់រូបរាងទាំងមូល និងផ្នែកខាងក្នុងរបស់រថយន្ត ដែលបំពាក់ជាមួយនឹងបច្ចេកវិទ្យា rear-wheel-drive ដែលបង្ហាញនៅលើរថយន្តស៊េរីថ្មី Lincoln Aviator ដែលបានបង្ហាញខ្លួននាពេលថ្មីៗនេះផងដែរ។ រថយន្តនេះ គឺមានការរចនារូបរាងកាន់តែស្រស់ស្អាតថ្មីស្រឡាង រួមនឹងការអាប់ដេតទៅលើផ្នែកខាងក្នុងនៃរថយន្ត ហើយនិងការពង្រឹងទៅលើកម្លាំងម៉ាស៊ីថ្មីរួមមានប្រភេទ Hybrid និងប្រភេទម៉ូដែលស្ព័រ ST ផងដែរ។

បើនិយាយអំពីផ្នែកម៉ាស៊ីនរបស់ Explorer 2020  វិញនោះ គឺមានច្រើនជម្រើស ដោយក្រុមហ៊ុនផលិតរថយន្ត Ford ក៏បញ្ចេញនូវប្រភេទផ្សេងៗគ្នានៃម៉ាស៊ីន EcoBoost engines ដែលមានបំពាក់នូវ 3.0-liter twin-turbo V6 ដែលអាចផលិតថាមពលបានដល់ទៅ 365 សេះ និងកម្លាំងរមួលដល់ទៅ 380 lb-ft ហើយវាអាចផ្ទុកប្រេងបានដល់ទៅ 93-octane ដែលធ្វើអោយរថយន្ត Explorer នេះអស្ចារ្យបំផុតក្នុងការប្រើប្រាស់។ សម្រាប់ប្រភេទមួយទៀតគឺជាម៉ូដែល 2.3-liter four-cylinder turbo ដែលមានកម្លាំងថាមពល 300 សេះ ជាមួយនឹងកម្លាំងរមួលដល់ទៅ 310 lb-ft ។ ម៉ាស៊ីនទាំងពីរនេះនឹងប្រើប្រាស់ជាមួយនឹងចង្កឹះលេខអូតូ 10 វគ្គ។

ព័ត៌មានខាងលើបញ្ជាក់ថា គឺមានតែរថយន្តពីរម៉ូដែលប៉ុណ្ណោះ ដែលក្រុមហ៊ុនផលិតរថយន្ត Ford បង្ហាញចេញ ប៉ុន្តែយើងត្រូវរង់ចាំសិនរហូតទាល់តែដល់ព្រឹត្តិការណ៍តាំងពិពរណ៍ Detroit Auto Show នៅសប្តាហ៍ក្រោយនេះដើម្បីដឹងកាន់តែច្រើនអំពី Hybrid និង ST នេះ។ សម្រាប់រថយន្តស៊េរីថ្មី Explorer 2020 នឹងមានប្រភេទ XLT, Limited, Limited Hybrid, ST និង Platinum trims។ សម្រាប់ XLT និង Limited trims នឹងប្រើប្រាស់នូវម៉ាស៊ីនទំហំ 2.3-liter engine ស្របពេលដែលម៉ាស៊ីន 3.0-liter V6 សម្រាប់ប្រើប្រាស់នៅលើរថយន្ត platinum trim ។

អតិថិជនជាច្រើនក៏មានជំរើសផងដែរក្នុងការជ្រើសរើសរវាងម៉ូដែល RWD ឬ AWD ជាមួយនឹងការបំពាក់នូវ drive modes ចំនួនដល់ទៅ 7។  ម៉ូដែល RWD នេះ មានប្រភេទ normal, sport, trail, slippery, tow/haul និង eco modes ហើយសម្រាប់ AWD គឺមានការបន្ថែមនូវ Deep snow និង Sand Modes ថែមទៀត។ អ្វីដែលកាន់តែច្បាស់លាស់នោះ ក្រុមហ៊ុន Ford រំពឹងថា រថយន្ត Explorer ទាំងពីរនេះគឺប្រើប្រាស់នៅលើស្ថានភាពផ្លូវដែលពិបាកៗ។

រថយន្តស៊េរីថ្មី Explorer នេះនឹងមានសមត្ថភាពខ្លាំងជាងម៉ូដែលបំពាក់នូវម៉ាស៊ីន V6 ដែលមានកម្លាំងអូសត្រឹមតែ 5600 ផោន។ សម្រាប់ម៉ូដែល 4-ស៊ីឡាំង គឺអាចអូសបានដល់ទៅ 5300 ផោន ភ្ជាប់ជាមួយនឹង Class III Trailer Tow Package ស្របពេលដែលរថយន្ត Explorer ជំនាន់មុននេះគឺអូសបានត្រឹមតែ 3000 ផោនប៉ុណ្ណោះ។ ការអូសទាញនេះ មិនមែនជាផ្នែកតែមួយគត់នៃរថយន្តស៊េរីថ្មី Explorer នេះសម្រាប់ប្រើប្រាស់នោះទេ។ 

ក្រុមហ៊ុន Ford គឺផ្តោតទៅលើទំហំខាងក្នុងនៃរថយន្តសម្រាប់ការដាក់នូវវត្ថុតូចៗជាច្រើនទៀតដូចជាដបទឹក និងស្មាតហ្វូនជាដើម។ សម្រាប់ទំហំនៃរថយន្តគឺធំដោយសារតែវាមាន 3 ជួរ។ សម្រាប់ជួរទី 2 គឺជាប្រភេទ E-Z entry និងជួរទី 3 គឺជាប្រភេទ PowerFold ដែលអាចបត់បាន។ ដូចនេះផ្ទៃខាងក្រោយគឺពិតជាធំទូលាយណាស់សម្រាប់ការផ្ទុករបស់របរជាច្រើននោះ។ អ្នកធ្វើដំណើរជាច្រើនគឺទទួលនូវអារម្មណ៍រីករាយសម្រាប់ការអង្គុយនៅជួរទី ២ ដោយសារតែអាចមើលឃើញនូវស្រមោលពន្លឺរបស់ព្រះអាទិត្យ និងការប្រើប្រាស់នូវ ISOFIX anchor ថ្មីសម្រាប់ការតម្លើងទៅលើកៅអីរបស់ក្មេងកាន់តែងាយស្រួលទាំងនៅជួរទី 2 និងនៅជួរទី 3 ។ សម្រាប់ការចូលទៅកាន់ជួរទី ៣ គឺពិតជាងាយស្រួលមែនទែនដោយប្រើប្រាស់តែដៃម្ខាងតែប៉ុណ្ណោះ។

ក្រុមហ៊ុន Ford ក៏ផ្តល់នូវប្រព័ន្ធ Ford's Sync3 infotainment system សម្រាប់គ្រប់គ្រងទៅលើអេក្រង់បញ្ចាទំហំ 10.1-inch touchscreen ដែលអាចបង្ហាញនូវផែនទី ឬការចែកអេក្រង់ជាពីរបានថែមទៀត។ សម្រាប់បច្ចេកវិទ្យា Sync3  នេះគឺមានដូចជា Android Auto, Apple CarPlay និង Waze ភ្ជាប់ជាមួយនឹង 980-watt, 14-speaker B&O premium audio system ផ្តល់នូវសំលេងពិរោះរណ្តំចិត្តក្នុងការធ្វើដំណើរ ហើយវាគឺជាស្តង់ដារសម្រាប់រថយន្ត Limited និង Platinum ។ នៅក្រោមអេក្រង់ផ្តល់ព័ត៌មាន រថយន្ត Explorer នេះក៏មានភ្ជាប់ជាមួយនឹង wireless charging pad ដែលមានរន្ធដោត USB Ports ចំនួន 4 រួមមានរន្ធដោត USB-C ផងដែរ។ នៅកន្លែងអង្គុយរបស់អ្នកបើកបរមានអេក្រង់ទំហំ 12.3-inch សម្រាប់បង្ហាញនូវព័ត៌មានជាច្រើនប្រភេទផ្សេងៗគ្នា។ សម្រាប់កៅអីជួរទី 3 ក៏មានភ្ជាប់ជាមួយនឹងប្រព័ន្ធ FordPass Connect ដែលផ្តល់នូវល្បឿន 4G LTE Wi-Fi សម្រាប់ឧបករណ៍បានដល់ទៅ 10 គ្រឿងថែមទៀត។

រថយន្ត Explorer ទាំងអស់នឹងភ្ជាប់ជាមួយនឹងប្រព័ន្ធសុវត្ថិភាព Ford Co-Pilot360 រួមមាន pre-collision assist ជាមួយនឹងប្រព័ន្ធហ្វ្រាំងស្វ័យប្រវត្តិ ការរកឃើញអ្នកដើរថ្មើរជើង សញ្ញានៅពេលដែលមានឆ្លងចរន្ត ការព្រមានពីការប៉ះទង្គិចគ្នា ការគ្រប់គ្រងទៅលើចំណុចងងឹត ជាមួយនឹងការជូនដំណឹងនៅពេលដែលបើកឆ្លងផ្លូវ ការចូលចំណត កាមេរ៉ាខាងក្រោយភ្លឺច្បាស់ និងភ្លើងចង្កៀងមុខបើកស្វ័យប្រវត្តិថែមទៀត។ រថយន្ត Explorer នេះអាចប្រើប្រាស់ជាមួយនឹងប្រព័ន្ធ adaptive cruise control និង speed sign recognition ថែមទៀត។

Co-Pilot 360 ក៏មានប្រព័ន្ធថ្មីមួយដែលមានឈ្មោះហៅថា Evasive Steering Assist ដែលជួយកុំអោយមានការប៉ះទង្គិចរួមទាំងប្រព័ន្ធ Post-Impact Braking សម្រាប់ប្រើប្រាស់ទៅលើហ្វ្រាំងជួយកុំអោយមានបញ្ហាធ្ងន់ធ្ងរកើតឡើង។ សម្រាប់រថយន្ត Ford ស៊េរីថ្មីនេះ មានតម្លៃចាប់ផ្តើមពី $32365 ។ ក្រុមហ៊ុន Ford បាននិយាយថា រថយន្ត Explorer 2020 នេះនឹងចាប់ផ្តើមបង្ហាញខ្លួនតាមហាងចែកចាយនៅរដូវក្តៅឆ្នាំ 2019 នេះ៕

no-alternative title
ព័ត៌មានពាណិជ្ជកម្ម