គិតត្រឹមនៅថ្ងៃនេះ គឺនៅសល់រយៈពេលតែមួយខែទៀតប៉ុណ្ណោះ ដែលក្រុមហ៊ុន Samsung នឹងបញ្ចេញនូវស្មាតហ្វូនស៊េរីថ្មី Samsung Galaxy S10, Galaxy S10+ និងស្មាតហ្វូនដែលអាចបត់បាន ដែលមានឈ្មោះហៅថា Galaxy Fold។ ពេលនេះ យើងទទួលបាននូវរូបភាព Renders ជាច្រើនរបស់ស្មាតហ្វូន Galaxy S10E, Galaxy S10 និង Galaxy S10+ ផងដែរ។ តាមការទម្លាយចេញពី Ice Universe បានអោយដឹងថា ក្រុមហ៊ុន Samsung ធ្វើការផលិតនូវវីដេអូ Teaser ថ្មីសម្រាប់ព្រឹត្តិការណ៍ Unpacked របស់ខ្លួនហើយសម្រាប់ធ្វើការផ្សព្វផ្សាយទៅលើភាពច្នៃប្រឌិតថ្មីនៅលើស្មាតហ្វូនរបស់ខ្លួនជាពិសេសគឺទៅលើការរចនារូបរាងតែម្តង។
Samsung ពិតជាខិតខំយ៉ាងខ្លាំងសម្រាប់ការប្រកួតប្រជែងមួយនេះ។ នៅក្នុងវីដេអូនេះ ក៏បានបង្ហើបថា ស្មាតហ្វូននេះ គឺមានថាមពលថ្មដ៏ល្អឥតខ្ចោះសម្រាប់ប្រើប្រាស់ជាមួយនឹងមុខងារជាច្រើន ដែលមាននៅលើស្មាតហ្វូនមួយនេះ អាចមានថាមពលថ្មធំជាងមុន ឬបច្ចេកវិទ្យាបញ្ចូលថាមពលថ្មលឿនជាងមុននោះ។ កាលពីឆ្នាំមុននេះ ស្មាតហ្វូន Galaxy S9 នេះ គឺមានថាមពលថ្ម 3000mAh ស្របពេលដែលស្មាតហ្វូន Galaxy S9+ គឺមានថាមពលថ្មទំហំ 3500mAh។ ពាក្យចចាមអារ៉ាមជាច្រើនកាលពីពេលមុននេះ បានបញ្ជាក់ថា ស្មាតហ្វូន Galaxy S 10+ នឹងមានថាមពលថ្មទំហំ 4000mAh ខណៈពេលដែលស្មាតហ្វូន Galaxy S10 នឹងមានថាមពលថ្មទំហំ 3500mAh ។ ស្មាតហ្វូនស៊េរីថ្មី Galaxy S10E នឹងមានថាមពលថ្ម 3100mAh។
ស្មាតហ្វូនស៊េរីថ្មី Samsung Galaxy S10 series នឹងប្រើប្រាស់នូវរន្ធប្រហោងនៅលើអេក្រង់សម្រាប់ដាក់កាមេរ៉ាខាងមុខនេះ (កាមេរ៉ាភ្លោះនៅលើស្មាតហ្វូន Galaxy S10+)។ សម្រាប់ស្មាតហ្វូនដែលមានតម្លៃថោកជាងគេគឺ Galaxy S10E នឹងប្រើប្រាស់នូវប្រព័ន្ធកាមេរ៉ាភ្លោះនៅខាងមុខ និងកាមេរ៉ា 3 គ្រាប់នៅខាងក្រោយ។ សម្រាប់ស្មាតហ្វូន 5G version របស់ស្មាតហ្វូន Galaxy S10 នេះ គឺត្រូវគេរំពឹងថា អាចនឹងប្រកាសបង្ហាញខ្លួននៅក្នុងអំឡុងត្រីមាសទី 1 នេះ។ អ្នកអាចកត់សម្គាល់ដឹងថា រូបភាព Teaser នេះគឺមានការបង្ហាញអំពីព្រឹត្តិការណ៍ Unpacked event ដែលនឹងធ្វើឡើងនៅថ្ងៃទី 21 ខែកុម្ភៈខាងមុខនេះ នេះគឺដោយសារតែកាលបរិច្ឆេទនៅក្នុងតំបន់អាស៊ី គឺត្រូវទៅថ្ងៃបន្ទាប់ ស្របពេលដែលនៅសហរដ្ឋអាមេរិកគឺនៅថ្ងៃទី 20 ខែកុម្ភៈ។ អ្នកអាចឆែកមើលទៅលើវីដេអូ Teaser របស់ក្រុមហ៊ុន Samsung សម្រាប់ស្មាតហ្វូន Galaxy S10 នៅខាងក្រោមនេះ៕