no-alternative title
no-alternative title
no-alternative title
no-alternative title
no-alternative title
no-alternative title
no-alternative title

Samsung Galaxy S10 Series ត្រូវបានប្រភពចេញពីរោងចក្រប្រាប់ថា បានចាប់ផ្តើមធ្វើការផលិតទ្រង់ទ្រាយធំហើយ!

បើតាមប្រភពជាច្រើន ដែលបញ្ជាក់នៅថ្ងៃទី 30 ខែមករានេះ បានអោយដឹងថា ខ្សែសង្វាក់ផលិតកម្មជាច្រើនសម្រាប់ស្មាតហ្វូនស៊េរីថ្មី Galaxy S10 របស់ក្រុមហ៊ុន Samsung Electronics នៅក្នុងប្រទេសកូរ៉េខាងត្បូង និងក្រៅប្រទេសនោះ គឺបានចាប់ផ្តើមធ្វើការដំណើរការផលិតរបស់ខ្លួនចាប់តាំងពីសប្តាហ៍មុនមកម្លេះ។ ប្រភពមួយ ដែលផ្សាយចេញពីខ្សែសង្វាក់ផ្គត់ផ្គង់ប្រាប់ទៅកាន់សារព័ត៌មាន The Investor ដោយបាននិយាយថា “ក្រុមហ៊ុន Samsung ចាប់ផ្តើមនូវការផលិតទ្រង់ទ្រាយធំទៅលើស្មាតហ្វូន Galaxy S10 សម្រាប់ខ្សែសង្វាក់ផលិតកម្មរបស់ខ្លួននៅក្នុងប្រទេសកូរ៉េនៅថ្ងៃទី 28 ខែមករានេះ។” 

ប្រភពនេះបានបន្ថែមថា ការផលិតទ្រង់ទ្រាយធំជាលក្ខណៈសកលរបស់ស្មាតហ្វូនស៊េរីថ្មីនេះនឹងចាប់ផ្តើមក្នុងពេលដំណាលគ្នាផងដែរ។ គាត់បញ្ជាក់ថា ស្មាតហ្វូនត្រកូល Galaxy S នេះនឹងធ្វើការផលិតដំណើរការនូវបណ្តាញ 4G network តែប៉ុណ្ណោះ មិនមែនបណ្តាញ 5G នោះទេ។ នៅក្នុងការរាយការណ៍កាលពីពេលមុននេះ ក្រុមហ៊ុននេះ ក៏ត្រៀមនឹងបញ្ចេញនូវស្មាតហ្វូន Galaxy S10 5G រួមជាមួយនឹងស្មាតហ្វូនដែលមានអេក្រង់អាចបត់បាននៅក្នុងរោងចក្រ Gumi នៅក្នុងប្រទេសកូរ៉េ ខណៈពេលដែលស្មាតហ្វូន Galaxy S10 ចំនួន 3 ផ្សេងទៀតគឺទ្រទ្រង់នូវបណ្តាញ 4G តែប៉ុណ្ណោះ។

ប្រភពនេះដដែលបាននិយាយថា “ស្មាតហ្វូន 5G Galaxy S10 នឹងចាប់ផ្តើមការផលិតនៅក្នុងពេលក្រោយ ហើយវាស្ថិតនៅក្នុងអំឡុងពេលនៃឆមាសទី 1 ។” គាត់បាននិយាយថា ស្មាតហ្វូននេះនឹងប្រើប្រាស់នូវប្រព័ន្ធកាមេរ៉ាច្រើន និងបច្ចេកវិទ្យាស្កេនក្រយ៉ៅដៃក្រោមអេក្រង់ដែលជាមុខងារពិសេសៗសម្រាប់ស្មាតហ្វូននេះ។ ប្រភពនេះបន្ថែមថា “សម្រាប់ស្មាតហ្វូន Galaxy S10 ទាំង 3 នេះនឹងប្រើប្រាស់នូវបច្ចេកវិទ្យាស្កេនក្រយ៉ៅដៃក្រោមអេក្រង់។” ស្មាតហ្វូនចំនួន 2 ម៉ូដែលនឹងប្រើប្រាស់នូវសេនស័រ ultrasonic fingerprint sensor ខណៈពេលដែលប្រភេទម៉ូដែលទាបជាងគេគឺប្រើប្រាស់នូវប្រព័ន្ធស្កេនក្រយ៉ៅដៃ optical fingerprint sensor ។ សម្រាប់ optical fingerprint sensor នេះគឺធ្វើការអភិវឌ្ឍដោយក្រុមហ៊ុនបច្ចេកវិទ្យា Qualcomm សម្រាប់រូបភាពប្រភេទ 2D តែប៉ុណ្ណោះ។ បច្ចេកវិទ្យា ultrasonic fingerprint វិញគឺមានការផ្ទៀងផ្ទាត់ត្រឹមត្រូវជាងសេនស័រនៅលើស្មាតហ្វូន iPhone និង Galaxy S នៅក្នុងពេលបច្ចុប្បន្ននេះ។

សម្រាប់ស្មាតហ្វូនដែលមានអេក្រង់អាចបត់បាននោះ គឺមានទំហំដល់ទៅ 7-inch ហើយនៅពេលដែលវាបត់ទៅមានទំហំ 4-inch ។ ស្មាតហ្វូននេះ មានតម្លៃប្រហែលជាជាង 2 លានវ៉ុន (US$1,789) ។ ក្រុមហ៊ុនបច្ចេកវិទ្យានេះមានគម្រោងក្នុងការប្រកាសបង្ហាញស្មាតហ្វូន Galaxy S10 ទាំង 3 ម៉ូដែលខាងលើនេះនៅក្នុងព្រឹត្តិការណ៍ Unpacked នៅទីក្រុង San Francisco នៅថ្ងៃទី 20 ខែកុម្ភៈខាងមុខនេះ៕

no-alternative title
ព័ត៌មានពាណិជ្ជកម្ម