no-alternative title
no-alternative title
no-alternative title
no-alternative title
no-alternative title
no-alternative title
no-alternative title

Nokia 9 PureView បានបង្ហាញរូបភាពផ្លូវការហើយ នៅមុនព្រឹត្តិការណ៍ពិពរណ៍ MWC 2019 នៅអេស្ប៉ាញ

Nokia 9 PureView គឺជាស្មាតហ្វូនមួយនៅក្នុងចំណោមស្មាតហ្វូនជាច្រើន ដែលមនុស្សជាច្រើនកំពុងតែធ្វើការទន្ទឹងរង់ចាំ ហើយស្មាតហ្វូននេះ ក៏នឹងបង្ហាញខ្លួនជាផ្លូវការនៅក្នុងព្រឹត្តិការណ៍ពិពរណ៍ Mobile World Congress (MWC) 2019 នៅថ្ងៃទី 24 ខែកុម្ភៈខាងមុខនេះផងដែរ។ នៅដើមសប្តាហ៍កន្លងទៅនេះ មានរូបភាព Renders បែកធ្លាយរបស់ស្មាតហ្វូនស៊េរីថ្មី Nokia 9 PureView ដែលបង្ហាញខ្លួននៅលើអនឡាញដែលពិតជាមានរូបរាងស្រស់ស្អាតមែនទែន។ នៅថ្ងៃនេះ Nokia Power User ធ្វើការចែករំលែកនូវរូបភាពផ្ទាល់របស់ស្មាតហ្វូនស៊េរីថ្មីនេះ ដែលពិតជាមានភាពស្រស់ស្អាតទាក់ទាញខ្លាំងមែនទែន។

ស្មាតហ្វូនស៊េរីថ្មី Nokia 9 PureView មានភ្ជាប់ជាមួយនឹងអេក្រង់ដែលមានគែមមូលយ៉ាងស្រស់ស្អាត ហើយផ្នែកខាងលើនិងផ្នែកខាងក្រោមរបស់ស្មាតហ្វូននេះ នៅតែមានទំហំធំដដែល។ ផ្នែកខាងលើនៃអេក្រង់នេះមានភ្ជាប់ជាមួយនឹងសេនស័រនៅគែមផ្នែកខាងលើខាងឆ្វេង ហើយវាក៏មានកាមេរ៉ា Selfies ជាមួយនឹងម៉ាកយីហោ Nokia ។ ផ្នែកខាងក្រោមរបស់ស្មាតហ្វូននេះគឺលាតមិនធម្មតានោះទេ។ រយៈកាលកន្លងទៅមានពាក្យចចាមអារ៉ាមជាច្រើន បានបញ្ជាក់ថា ស្មាតហ្វូននេះ នឹងមានអេក្រង់ទំហំ 5.99-inch AMOLED display ដែលមានកម្រិតភាពច្បាស់ Quad HD+ ហើយអេក្រង់នេះទ្រទ្រង់ជាមួយនឹងបច្ចេកវិទ្យា HDR10 ថែមទៀតផង។ ស្មាតហ្វូននេះ ប្រហែលជាស្មាតហ្វូន Nokia ដំបូងបំផុតដែលនឹងប្រើប្រាស់នូវប្រព័ន្ធស្កេនក្រយ៉ៅដៃក្រោមអេក្រង់។

no-alternative title

ផ្នែកខាងក្រោយរបស់ស្មាតហ្វូនស៊េរីថ្មី Nokia 9 PureView គឺភ្ជាប់ជាមួយនឹងកញ្ចក់យ៉ាងស្រស់ស្អាត ប្រើប្រាស់នូវកាមេរ៉ា penta-lens ម៉ាក ZEISS រួមជាមួយនឹងភ្លើង LED flash និង autofocus module ដែលស្ថិតនៅអមជាមួយនឹងកាមេរ៉ា។ ដែលខុសប្លែកពីស្មាតហ្វូន Nokia ផ្សេងទៀត ដោយស្មាតហ្វូនស៊េរីថ្មី Nokia 9 PureView មិនមានភ្ជាប់ជាមួយនឹង Android One នៅផ្នែកខាងក្រោមនៅខាងក្រោយនោះទេ។ ស្មាតហ្វូន Nokia 9 PureView នឹងប្រើប្រាស់បន្ទះឈីប Snapdragon 845 mobile platform។ ស្មាតហ្វូននេះមាន 2 ជំរើសគឺទំហំ 6GB+128GB និង 8GB+256GB។ ស្មាតហ្វូននេះមានថាមពលថ្មទំហំ 4,150mAh។ បន្ថែមពីនេះ ស្មាតហ្វូន Nokia 9 PureView ក៏ទ្រទ្រង់ជាមួយនឹងប្រព័ន្ធបច្ចេកវិទ្យា wireless charging ថែមទៀតផង។ ប្រភពខាងលើបន្តថា ក្រៅពី Nokia PureView នឹងក៏មានស្មាតហ្វូន Nokia ជាច្រើនទៀត ត្រូវបានគេរំពឹងថា នឹងបង្ហាញខ្លួននៅក្នុងព្រឹត្តិការណ៍ពិពរណ៍ MWC 2019 រួមមានស្មាតហ្វូន Nokia 8.1 Plus និង Nokia 6.2 (2019) ផងដែរ៕

 

no-alternative title
no-alternative title

no-alternative title
ព័ត៌មានពាណិជ្ជកម្ម