vivo V15 Pro គឺជាស្មាតហ្វូនមួយនៅក្នុងចំណោមស្មាតហ្វូនជាច្រើន ដែលមនុស្សជាច្រើនបាននិយាយនៅក្នុងរយៈពេលប៉ុន្មានសប្តាហ៍ចុងក្រោយនេះ នៅក្នុងនោះ ក៏មានព័ត៌មានលេចលឺថា នឹងមានស្មាតហ្វូន vivo V15 មកជាមួយផងដែរ។ នៅមុនព្រឹត្តិការណ៍បង្ហាញខ្លួនជាផ្លូវការនៅថ្ងៃទី 20 ខែកុម្ភៈនេះ ក្រុមហ៊ុន vivo ក៏បានបញ្ចេញនូវវីដេអូផ្សព្វផ្សាយពាណិជ្ជកម្មមួយទៀតសម្រាប់ស្មាតហ្វូននេះ ដែលមានតារាសម្តែង Bollywood គឺលោក Aamir Khan។ នៅក្នុងវីដេអូរយៈពេល 18 វិនាទីនេះមានការបង្ហាញអំពីតួអង្គប្រុសនេះ ដែលជាតារាតំណាងផលិតផលរបស់ក្រុមហ៊ុន vivo ដែលមានកាន់ស្មាតហ្វូននេះ ដកចេញពីហោប៉ាវរបស់គាត់ដើម្បីធ្វើការថតរូបភាព។ ដំបូង យើងអាចមើលឃើញទៅលើកាមេរ៉ា 3 គ្រាប់ AI នៅផ្នែកខាងក្រោយរបស់ស្មាតហ្វូននេះ។ យើងក៏ឃើញមានការរចនាតួខ្លួនធ្វើពីកញ្ចក់ផងដែរ។
យើងក៏អាចមើលឃើញនូវកាមេរ៉ា Apps របស់ស្មាតហ្វូន vivo V15 Pro ផងដែរ។ មានការបង្ហាញនូវរូបភាព iCon នៅលើស្មាតហ្វូននេះ ដែលមានដូចជា timer mode, color mode, HDR mode, portrait mode និងរូបភាព iCon សម្រាប់ប្តូរទៅកាន់ Viewfinder ទៅកាន់ Full-Screen ថែមទៀតផង។ អ្នកអាចធ្វើការផ្លាស់ប្តូរទៅកាន់កាមេរ៉ាខាងមុខនោះ វានឹងមានការលេចចេញនូវកាមេរ៉ាផុសឡើងទំហំ 32MP selfie ស្ថិតនៅផ្នែកខាងស្តាំរបស់ស្មាតហ្វូននេះ។ ស្មាតហ្វូនស៊េរីថ្មី vivo V15 Pro នេះនឹងមានអេក្រង់ទំហំ 6.39-inch AMOLED screen, បន្ទះឈីប Snapdragon 675 និងកាមេរ៉ា 3 គ្រាប់ដែលមានទំហំ 48MP+8MP+5MP។
ស្មាតហ្វូននេះ ប្រាស់នូវប្រព័ន្ធស្កេនក្រយ៉ៅដៃក្រោមអេក្រង់ជំនាន់ទី 5។ ក្រុមហ៊ុន Amazon នៅក្នុងប្រទេសឥណ្ឌាក៏បង្កើតនូវទំព័រមួយសម្រាប់ស្មាតហ្វូននេះ ដែលអតិថិជនដែលចាប់អារម្មណ៍ទិញស្មាតហ្វូននេះអាចធ្វើការចុះឈ្មោះ ហើយវានឹងមានការជូនដំណឹងនៅពេលដែលវាអាចរកទិញបាននោះ៕