ក្រុមហ៊ុន Xiaomi គឺជាក្រុមហ៊ុនច្នៃប្រឌិតដ៏អស្ចារ្យមួយ។ នៅពេលនេះ ក្រុមហ៊ុននេះ បានបន្តក្នុងការបញ្ចេញនូវផលិតបច្ចេកវិទ្យាជាច្រើន និងការរចនារូបរាងថ្មីប្រកបដោយភាពច្នៃប្រឌិតខ្ពស់បំផុត។ ជាចុងក្រោយបង្អស់ គឺជាប៉ាតង់នៃការរចនាដែលត្រូវបោះពុម្ភផ្សាយនៅលើមូលដ្ឋានទិន្នន័យនៃការរចនាពិភពលោក (Global Design Database) នៃការិយាល័យកម្មសិទ្ធិបញ្ញាពិភពលោក (WIPO) ដូចដែលបានរាយការណ៍ដំបូងដោយ LetsGoDigital។
ប៉ាតង់ថ្មីនេះបានបង្ហាញថា ស្មាតហ្វូននេះមានអេក្រង់កោងគ្រប់ជ្រង់ នឹងភ្ជាប់ជាមួយនឹងកាមេរ៉ាពីរ គ្រាប់នៅខាងក្រោយដូចគ្នាទៅនឹងស្មាតហ្វូនអេក្រង់ពេញគែមជាច្រើនទៀតដែរ។ ទោះជាយ៉ាងណាក៏ដោយ រឿងដ៏អស្ចារ្យមួយអំពីស្មាតហ្វូនស៊េរីថ្មី Xiaomi នេះគឺគែមរបស់វាមានរាងមូលស្រស់ស្អាតបំផុត។ ជាទូទៅអេក្រង់គែមកោងពីរ គឺត្រូវប្រើប្រាស់នៅលើស្មាតហ្វូនជាច្រើនម៉ូដែលរបស់ត្រកូល Samsung Galaxy។ បន្ថែមពីនេះ ក្រុមហ៊ុន Xiaomi ថែមទាំងបានប្រើប្រាស់ការរចនាគែមកោងទ្វេរនៅលើស្មាតហ្វូន Mi Note 2 ដែលបង្ហាញខ្លួននៅឆ្នាំ 2016 នោះ។
ប៉ុន្តែការរចនានេះ គឺមានភាពខុសប្លែកគ្នាដូចអ្វី ដែលអ្នកអាចមើលឃើញនៅលើរូបភាពនេះ។ គែមទាំងបួនរបស់ស្មាតហ្វូននេះគឺកោងផងដែរ នៅផ្នែកខាងលើ និងផ្នែកខាងក្រោមរបស់វា។ ការរចនានេះ នឹងអាចនឹងធ្វើឱ្យស្មាតហ្វូននេះ កាន់តែស៊ុមព័ទ្ធអេក្រង់ស្តើងមែនទែនក្នុងការប្រើប្រាស់។ ស្មាតហ្វូននេះ មិនមានប៊ូតុងនោះទេ នៅចំហៀងរបស់វា គឺដូចគ្នាទៅហ្នឹងស្មាតហ្វូន Meizu Zero concept អញ្ចឹងដែរ។ ស្មាតហ្វូននេះ មានរន្ធ USB Type-C។ ផ្នែកខាងក្រោយរបស់វាភ្ជាប់ជាមួយនឹងកាមេរ៉ាពីរគ្រាប់ ប៉ុន្តែវាមិនមានកាមេរ៉ាថតរូប Selfies នៅផ្នែកខាងមុខនោះទេ។ យើងមិនអាចប្រាកដបានទេអំពីរឿងនោះទេ ត្រូវរង់ចាំការបង្ហាញវត្តមានជាផ្លូវការសិន៕
