នៅពេលនេះ ក្រុមហ៊ុន Samsung បានបង្ហាញអំពីគម្រោងផែនការរបស់ខ្លួនជាច្រើនជាមួយនឹងការបញ្ចេញនូវស្មាតហ្វូនថ្នាក់ទាប តាមរយ់វត្តមានរបស់ស្មាតហ្វូនស៊េរីថ្មី Galaxy M series គឺម៉ូដែល Galaxy M10 និងM20 នៅក្នុងប្រទេសឥណ្ឌា។ ស្មាតហ្វូននៅក្នុងត្រកូល M Series នេះ ក៏មានម៉ូដែល Galaxy M30 ផងដែរ ដែលនឹងបង្ហាញខ្លួននៅពេលឆាប់ៗនេះផងដែរ។ ថ្មីៗនេះ ស្មាតហ្វូន Galaxy M30 ទើបតែបែកធ្លាយនៅក្នុងពេល ប៉ុន្តែយើងនៅមិនទាន់អាចធ្វើការធានាបានទាំងស្រុងនោះទេ។
ស្មាតហ្វូនស៊េរីថ្មី Galaxy M30 ធ្លាប់បានបែកធ្លាយម្តងរួចមកហើយកាលពីពេលថ្មីៗនេះ នៅមុនពេលដែលស្មាតហ្វូន Galaxy M10 និង M20 បានបង្ហាញខ្លួនជាផ្លូវការ។ ស្មាតហ្វូននេះ ក៏បានបង្ហាញខ្លួននៅលើ Geekbench ផងដែរ ដោយថែមទាំងបានបង្ហើបអំពីលក្ខណៈសម្បត្តិរបស់ស្មាតហ្វូននេះទាំងស្រុងថែមទៀតផង។ ស្មាតហ្វូននេះ ត្រូវបានគេដឹងថា នឹងមានអេក្រង់ទំហំ 6.38 អ៊ីងអមជាមួយនឹងកម្រិតភាពច្បាស់ 2220x1080px។ ស្មាតហ្វូនេះ នឹងប្រើប្រាស់បន្ទះឈីប Exynos 7904 Soc និងមានរ៉េមទំហំ 4GB បូករួមទាំងអង្គចងចាំទំហំ 64GB។
ស្មាតហ្វូនស៊េរីថ្មី Galaxy M30 នេះ នឹងមានកាមេរ៉ាខាងក្រោយចំនួន 3 គ្រាប់ ដោយគ្រាប់ទីមួយមានទំហំ 13MP (F1.9) គ្រាប់ទីពីរមាន 5MP (F2.2 ) ហើយនឹងគ្រាប់ទីបី 5MP (F2.2) ស្របពេលដែលកាមេរ៉ាខាងមុខមាន ទំហំ 16MP (F2.0)។ ស្មាតហ្វូន M30 នេះ មានថាមពលថ្មទំហំ 5000mA ហើយវាមានពណ៌ gradient គឺពណ៌ខៀវ និងពណ៌ខ្មៅសម្រាប់ជ្រើសរើសទៅតាមតម្រូវការថែមទៀត៕